Ieremia, saunia e Walter Rane

10–16 Oketopa

Ieremia 1–3; 7; 16–18; 20

“Na A’u Iloa Oe a o Lei Faia Oe e A’u i le Manava”

“O le sini mo faiaoga uma … o le aoao atu o aoaoga faavae manino o le talalelei, e ala i le Agaga, ina ia mafai ai ona fesoasoani i fanau a le Atua e fausia lo latou faatuatua i le Faaola ma avea atili e pei o Ia” (Aoao Atu i le Ala a le Faaola, faavaa i luma).

Tusi Faamaumau Ou Lagona Uunai

Valaaulia le Fefaasoaai

Tusi i luga o fasipepa ni nai upu taua mai lenei vaiaso o le suʻesuʻega o Ieremia, pei o perofeta, vai ola, faapotopotoina, ma le kelei. Tuu pepa i totonu o se konateina, ma valaaulia tamaiti e piki se tasi ma faʻasoa mai ni o latou manatu e uiga i ai. Fesoasoani ia latou iloa le auala e faatatau ai le upu ona faatatau i se mea na aʻoaʻoina e Ieremia.

Aoao atu le Aoaoga Faavae: Tamaiti Laiti

Ieremia 1:5

Na silafia a’u e le Tama Faalelagi ae ou te le’i fanau mai.

Ona sa tatou nonofo ma le Atua ae tatou te leʻi o mai i le lalolagi, Na te silafia tatou, tusa lava pe tatou te le manatuaina o Ia. E mafai faapefea ona e fesoasoani i tamaiti o e aoaoina e malamalama i lenei upu moni taua?

Gaoioiga e Mafai Ona Fai

• Faitau atu i tamaiti le Ieremia 1:5, ma faamatala na silafia e le Atua le perofeta o Ieremia ae lei fanau mai o ia. Taʻu i tamaiti uma, taʻitasi, na silafia foi e le Tama Faalelagi o ia ae leʻi fanau mai o ia ma na Ia auina mai tatou taʻitasi iinei mo se mafuaʻaga.

• Faaali atu i tamaiti se ata o se pepe, ma fesili i tamaiti pe latou te iloa le mea na nofo ai lenei pepe ae leʻi fanau mai o ia. Usu faatasi se pese e aʻoaʻoina ai i tatou e uiga i le muaʻi olaga ma le Atua, pei o le “O A’u o se Atalii o le Atua” po o le “I Lived in Heaven” (Tusipese a Tamaiti, 2–3,4). Talanoa e uiga i lagona faʻaleagaga e aumaia e le pese. Tuuina atu lau molimau sa tatou nonofo uma faatasi ma le Tama Faalelagi ma na Ia auina mai i tatou iinei i le lalolagi.

Ieremia 1:7

Ua valaauina perofeta e saunoa i afioga a le Alii.

O le valaauina o Ieremia ua taʻu mai ai le mea ua fetalai mai ai le Alii i perofeta e fai. E mafai faapefea ona e fesoasoani i tamaiti o e aoaoina e faamalosia a latou manaʻo e mulimuli i le perofeta soifua?

Gaoioiga e Mafai Ona Fai

• Faaali atu i tamaiti se ata o le perofeta soifua, ma valaaulia i latou e faasoa mai ni mea ua latou iloa e uiga ia te ia. O a mea a perofeta e fai? Faitau atu i tamaiti le fetalaiga a le Alii i le isi perofeta o Ieremia, i le Ieremia 1:7. Fai i tamaiti e savavali i le tulaga pe ae faitauina le “alu i mea uma ou te auina atu ai oe” ma faafoliga e tautatala pe a e faitau “po o le a lava le mea ou te poloai atu ai ia te oe e te tautala ai.” Faasoa atu lau molimau o loo faia e perofeta ma fai mai mea ua poloai mai ai le Alii.

• Faaali atu ata o perofeta mai tusitusiga paia (tagai i le Tusi Ata o le Talalelei, mekasini a le Ekalesia, ma le Sau, Mulimuli Mai ia te Au—Mo Tagata Taitoatasi ma Aiga). Tuu atu i tamaiti e taʻu atu ia te oe mea latou te iloa e uiga i nei perofeta. Otooto atu i tamaiti e uiga i se mea na faia e tagata taitoatasi e fesoasoani ai i le galuega a le Atua. Tuuina atu lau molimau o perofeta na valaauina e le Atua e saunoa i Ana upu ma auauna atu i Ona tagata.

Ieremia 16:16

E mafai ona ou fesoasoani i fanau a le Tama Faalelagi ia toe foi atu ia te Ia.

I le taʻua ai o le Ieremia 16:16, na faapea mai Peresitene Russell M. Nelson, “Na saili ai e o tatou faifeautalai i latou ua faataapeapeina o Isaraelu; ua latou tutuli ia te i latou “mai mavaevae o papa”; ua latou fai faiva ia te i latou e pei o aso anamua” (“O le Faapotopotoina o Isaraelu,” Ensign po o le Liahona, Nov. 2006,81).

Gaoioiga e Mafai Ona Fai

• A o e faitauina le Ieremia 16:16, valaaulia tamaiti e faafoliga o latou fagogota pe tuli manu. Faamatala o tagata faifaiva ma tagata tulimanu i lenei fuaiupu e mafai ona fai ma sui o faifeautalai. Fai i tamaiti e faafoliga o i latou o ni faifeautalai. O a mea a faifeautalai e fai? E mafai faapefea ona tatou fesoasoani ia i latou?

• Fatu se taaloga faafetaui e faaaoga ai le itulau o gaoioiga o lenei vaiaso. A maua e se tamaititi ni ata fetaui, talanoa e uiga i mea o loʻo faaalia mai e le ata e mafai ona tatou faia e fesoasoani ai i fanau a le Tama Faalelagi e toe foʻi atu ia te Ia.

Aoao atu le Aoaoga Faavae: Tamaiti Matutua

Ieremia 1:4–19

Ua valaauina perofeta e saunoa i afioga a le Alii.

Faafefea ona e fesoasoani i tamaiti e faʻamalosia lo latou faatuatua ma malamalama i matafaioi a perofeta i le malo o le Atua?

Gaoioiga e Mafai Ona Fai

• Filifili ni nai fuaiupu autu mai le Ieremia1 o loo aoao mai upumoni taua e uiga i perofeta, e pei o fuaiupu 5, 7, 10, ma le19. Valaaulia tamaiti taitasi e filifili se tasi o fuaiupu, faitau i ai, ma faasoa mai se mea sa ia aoaoina e uiga i perofeta mai le fuaiupu. Valaaulia ni nai tamaiti e faasoa mai a latou molimau i le mulimuli i le perofeta.

• Faaali se ata o le perofeta soifua, ma usu faatasi se pese e uiga i perofeta, pei o le “We Listen to a Prophet’s Voice” (Hymns, no.22). Fesoasoani i tamaiti e fai se lisi o mea na tau mai e le perofeta soifua tatou te faia. Filifili se savali talu ai nei o le konafesi mai le perofeta, ma fesoasoani i tamaiti e saili fautuaga i lana savali. O faafefea ona tatou mulimuli i le perofeta? Talanoaina pe faapefea ona fesoasoani fautuaga mai perofeta ia i tatou e mulimuli atili ai i le Tama Faalelagi ma Iesu Keriso.

• Faaali le vitio “Why Do We Have Prophets?” (ChurchofJesusChrist.org), ma fesili i tamaiti pe faafefea ona latou faamatalaina i se uo le mafuaʻaga o se faamanuiaga le i ai o se perofeta soifua (tagai Mataupu Faavae o le Faatuatua 1:6,9). Valaaulia tamaiti e faasoa mai o latou lagona e uiga i le perofeta soifua.

Ieremia 16:14–15

E mafai ona avea aʻu ma se vaega o le faapotopotoina o Isaraelu.

O le savali e faatatau i le faapotopotoina o Isaraelu lea o loo maua i le Ieremia 16:14-15 e mafai ona maua ai se avanoa lelei e talanoa ai i tamaiti e uiga i le galuega faafaifeʻautalai ma talafaasolopito o aiga. O se tasi lea o auala tatou te “tutu ai o ni molimau o le Atua” (Mosaea 18:9).

Gaoioiga e Mafai Ona Fai

• Faitau faatasi le Ieremia 16:14, ma fesili atu i tamaiti e faasoa mai faamatalaga latou te manatua i le auala na “ … na aveina ae [ai e le Alii] le fanauga a Isaraelu nai le nuu o Aikupito” (tagai Esoto14). Valaaulia i latou e faitau le Ieremia 16:15 e iloa ai le mea na fai mai Ieremia e sili atu ona manatuaina nai lo lena. aamatala na faataapeapeina Isaraelu i le lalolagi atoa, ae na folafola e le Atua e toe faapotopoto mai ia te Ia ma Lana Ekalesia. Ua faaigoaina o le faapotopotoina o Isaraelu. E faapefea ona tutusa lenei ma le laveaʻiina o tagata mai le faatagataotauaina?

• Faasoa atu le faamatalaga lenei mai ia Peresitene Russell M. Nelson: “Soo se taimi e te faia ai soo se mea e fesoasoani ai i soo se tasipo o le fea lava le itu o le veli—laa agai i luma i le osia o feagaiga ma le Atua ma maua o latou sauniga e tatau ai o le papatisoga ma le malumalu, ua e fesoasoani e faapotopoto Isaraelu” (RussellM. Nelson ma WendyW. Nelson, “Hope of Israel” [faigalotu a le autalavou i le lalolagi atoa, 3 Iuni, 2018,] faaopoopoga i le New Era ma le Ensign, Aok. 2018,15, ChurchofJesusChrist.org). E mafai faapefea ona tatou fesoasoani i le faapotopotoina o Isaraelu?

• Usu faatasi se pese e faatatau i le galuega faafaifeautalai e pei o le “Faamoemoe Latou te Valaau Au i le Misiona” po o le “Tofia e Auauna” (Tusipese a Tamaiti, 91, 94 ), pe faaali le vitio “Your Day for a Mission” (ChurchofJesusChrist.org). Fesili i tamaiti po o le a le mea ua latou aʻoaʻo mai le pese poʻo le vitio pe aisea e filifili ai se tasi e auauna i se misiona.

Uunaia le Aoaoina i le Aiga

Fai i tamaiti e ave i le fale se kopi o le itulau gaoioiga o lenei vaiaso ma taalo i le taaloga faafetaui ma o latou aiga. Fautuaina i latou e talanoa ma o latou aiga e uiga i le ala ua faamanuia ai i latou e le galuega faafaifeautalai.

Faaleleia o Lo Tatou Aoao Atu

Fesoasoani i tamaiti ia iloa le Agaga. O musika paia e masani ona valaaulia ai le faatosinaga a le Agaga Paia. A e pese faatasi ma tamaiti, faaalu se taimi e fesoasoani ai ia latou iloa lagona faaleagaga e faamautuina le moni o mea ua latou aʻoaʻoina.