foliga o Iesu o loo tutu i moligaʻo i le potu pogisa

Bread of Life, saunia e Chris Young

14–20 Novema

Amosa; Opetaia

“Saili Ia Ieova, Tou te Ola Ai”

A o e taulaʻi i le aʻoaʻoina o mataupu moni i ni auala faigofie, ua e saunia ni avanoa mo le Agaga Paia e molimau atu ai i tamaiti. Faaaoga gaioiga i lenei otootoga—pe fai sau oe lava—e fesoasoani ia te oe e aoao atu ai mataupu faavae o le talalelei i ni auala faigofie.

Tusi Faamaumau Ou Lagona Uunai

aikona o le fefaasoaai

Valaaulia le Fefaasoaai

Fai i tamaiti e faasoa mai se mea na latou aoaoina talu ai nei i le fale po o le lotu. Mo se faataʻitaʻiga, fesili pe na latou mauaina ni mau fou e fiafia i ai pe na faalogo i se feʻau e mafai ona latou faasoa atu i le vasega.

aikona o le aoao atu

Aoao atu le Aoaoga Faavae: Tamaiti Laiti

Amosa 3:7; 7:14–15

O perofeta o avefeau a Iesu Keriso.

O se tasi o mea sili ona taua e mafai ona iloa e tamaiti e uiga i perofeta o latou o avefeau a Iesu Keriso. O aitia o loʻo i lalo e mafai ona fesoasoani ia te oe e aʻoaʻoina latou i lenei mea moni taua.

Gaoioiga e Mafai Ona Fai

• Musumusu atu i se tasi o tamaiti i se savali mo le vasega atoa (pei o le fai atu i tamaiti e tutu i luga i le vae e tasi pe liliu i se liʻo), ma fai atu ia te ia e fetufaai atu le savali i isi tamaiti. Toe fai le gaoioiga lea, faataga ni nai tamaiti e avea ma avefeʻau. Fesoasoani ia latou malamalama pe faapefea ona pei le avefeau i lenei gaoioiga o se perofeta, o le na faasoa mai le feau a le Atua ia i tatou. Faasoa atu ni nai faataitaiga o savali talu ai nei mai le perofeta soifua na fesoasoani ia te oe e te latalata atili ai ia Iesu Keriso.

• Tofi se tamaititi e tu i luma o le potu ma faafoliga o oe o le perofeta o Amosa. Ao e faasoa atu ni mea moni e uiga i le Amosa mai le Amosa 7:14–15, tuʻu i le tamaititi ni ata poʻo ni mea faitino latou te uuina e talafeagai ma faamatalaga taitasi, pei o ata o le mamoe, o se fualaʻau ‘aina, ma le Aliʻi. Faamatala atu o Amosa o se leoleo mamoe na valaauina e le Alii e avea ma Ana avefeau. Ona faaali atu lea o ata o le Alii ma le perofeta soifua, ma faamatala atu o loo faaauau pea ona valaauina e le Alii avefeau i aso nei. Faitau leotele le Amosa 3:7, ma fai i tamaiti e faasino i le ata talafeagai pe a latou lagonaina upu “Alii” ma “perofeta.” Faasoa atu lau molimau e pei lava o aso o Amosa, na fetalai mai Iesu Keriso ia i tatou e ala i Ana perofeta.

• Faasoa atu se tala mai se mekasini lata mai nei a le Ekalesia e uiga i le perofeta soifua po o ni aafiaga a tagata o le Ekalesia na maua ina ua latou mulimuli i le fautuaga a le perofeta. (Tagai foi “Meet Today’s Prophets and Apostles” i le ChurchofJesusChrist.org.)

• Usu pe ta se pese e faatatau i perofeta, e pei o le “Mulimuli i le Perofeta” (Tusipese a Tamaiti, 58), ao galulue tamaiti i le itulau o gaoioiga o lenei vaiaso. Faasino i tamaiti fasifuaitau i le pese o lo o aoao atu ai le auala e taitai ai e perofeta le ala ia Iesu Keriso.

Amosa 5:14

Afai ou te sailia le lelei, o le a faatasi le Alii ma aʻu.

Na valaaulia e Amosa tagata Isaraelu e “saili le lelei ae le o le leaga” ma folafola atu afai latou te faia, “e faatasi … le Alii ma oe.” E faapefea ona e fesoasoani i tamaiti e tali mai i lenei valaaulia ma mauaina lenei folafolaga?

Gaoioiga e Mafai Ona Fai

• Faaali atu ni ata o tamaiti o faia mea lelei, e pei o le fesoasoani i isi poʻo le tagofia o le faamanatuga. Tuu atu i tamaiti uma e avanoa e faamatala se tasi o ata a o mate e isi tamaiti po o le a le ata o lo o ia faamatalaina. Faitau le Amosa 5:14, ma fesoasoani i tamaiti e mafaufau i ni auala o le a latou “saili ai le lelei” i aso uma.

• Valaaulia ni tamaiti e tusi ni a latou ata o loʻo faia se mea lelei. Faitau le Amosa 5:14, ma faamamafa le folafolaga a le Alii o le a Ia faatasi ma i tatou pe a tatou saili le lelei. Fai i tamaiti e faaopoopo ia latou ata se ata o Iesu o tu mai ma i latou.

aikona o le aoao atu

Aoao atu le Aoaoga Faavae: Tamaiti Matutua

O Aposetolo o aso nei ua faatalofa ma isi i le konafesi aoao

E faaali mai e le Alii upumoni e ala mai i Ana perofeta.

Amosa 3:7

O perofeta o avefeau a Iesu Keriso.

Amosa 3:7 o se mau lelei tele e fesoasoani ai i tamaiti ia latou iloaina afai tatou te faalogo i le perofeta, ua tatou faalogo i se avefeau a Iesu Keriso.

Gaoioiga e Mafai Ona Fai

• Fesoasoani i tamaiti e tauloto atoa po o se vaega o le Amosa 3:7. Mo se faataʻitaʻiga, tuu atu ia latou ni nai minute e faitau ai le fuaiupu i le tele o taimi aoe tusia isi upu o le fuaiupu i luga o le laupapa. Fai i tamaiti e tapuni a latou tusitusiga paia ma fai faatasi leotele le fuaiupu, e faaaoga ai faaataataga i luga o le laupapa. Ona tape lea o ni nai upu i le taimi sei vagana ua mafai e tamaiti ona toe fai le fuaiupu atoa e aunoa ma se faailo. O le a le mea ua aʻoaʻo mai e lenei fuaiupu ia i tatou e uiga i perofeta? Na faapefea ona fesoasoani lo tatou perofeta soifua ia tatou iloa le mea e finagalo le Faaola tatou te faia?

• Tusi ni nai fesili e uiga i perofeta i luga o ni fasipepa, pei o nei: Aisea ua i ai a tatou perofeta? O a mea a perofeta e fai? Aisea e te mulimuli ai i le perofeta? O a mea e aoao mai e perofeta? Fai atu i tamaiti e fai paga, ma tuu atu i le tasi tamaiti mai paga uma e piki se fesili ma fai atu i lana paga e tali i ai. Afai e manaʻomia e tamaiti le fesoasoani ile taliina o se fesili, e mafai ona latou suʻe i le “Perofeta” i le Taiala i Tusitusiga Paia (scriptures.ChurchofJesusChrist.org). A uma ona tali e le paga le fesili, e mafai e tamaiti ona fesuiaʻi a latou matafaioi ma filifili se isi fesili.

• Faasoa atu i tamaiti ni mea moni e uiga i se perofeta o le Feagaiga Tuai na latou aʻoaʻoina e uiga i lenei tausaga (pei o Noa, Mose, po o Isaia). Fai atu ia i latou e mate mai le perofeta o loʻo e faamatalaina. Toe fai lenei mea mo isi perofeta.

Amosa 5:4–15

Afai ou te sailia le lelei, o le a faatasi le Alii ma aʻu.

E tele avanoa o tamaiti e filifili ai i le va o le saʻo ma le leaga. Mafaufau pe faafefea ona e musuia i latou e “saili le lelei ae le o le leaga” (fuaiupu14).

Gaoioiga e Mafai Ona Fai

• Valaaulia tamaiti e saili le Amosa 5: 4–15, ma vaavaai mo le upu “saili.” O le a le mea e finagalo le Alii tatou te sailia, ma o le a le folafolaga Na te faia ia i latou oe faia? E faapefea ona tatou sailia le Alii?

• Fesoasoani i tamaiti e tauloto le mataupu faavae lona sefulutolu o le faatuatua. E faapefea ona tatou “saili atu i nei mea”?

Amosa 8:11–12

O le Toefuataiga o le talalelei na faamutaina ai le oge o le liliuese.

O le malamalama i mea na aʻoaʻo mai e Amosa e uiga i le liliuese e mafai ona fesoasoani i tamaiti e lagona ai le agaga faʻafetai mo le Toefuataiga o le talalelei.

Gaoioiga e Mafai Ona Fai

• Valaaulia tamaiti e faitau le Amosa 8:11–12, ma talanoa e uiga i le mea e tupu pe a le maua e tagata le Fesoasoani i tamaiti e faamatala uiga o le upu liliuese ma le oge, faaaoga ai le Taiala i Tusitusiga Paia (scriptures.ChurchofJesusChrist.org) po o se lomifefiloi. E faapefea ona pei le liliuese o se oge?

• Ina ia fesoasoani i tamaiti ia malamalama i le Liliuese Tele, iloilo ma i latou “Pe a Mavae le Feagaiga Fou,” (i le Tala o le Feagaiga Fou, 167-70). Ona talanoaina lea o fesili faapenei: Aisea na i ai le Liliuese? O le a le mea na tupu o se taunuuga o le Liliuese? Aisea na toefuatai ai e le Alii Lana talalelei? “The Restoration of the Fulness of the Gospel of Jesus Christ: A Bicentennial Proclamation to the World,” ChurchofJesusChrist.org). Uunai tamaiti e tusi fesili nei ma a latou tali ma fetufaai ma o latou aiga i le fale.

aikona o le aoaoina

Uunaia le Aoaoina i le Aiga

Tuu atu i tamaiti sina taimi e mafaufau ai i se mea na latou aoaoina i le aso latou te mananao e fetufaai ma se tagata o le aiga. Fautuaina i latou e filifili pe o ai o le a latou faasoa atu i ai ma pe faafefea ona latou faasoaina.

Faaleleia o Lo Tatou Aoao Atu

Tuuina atu ni valaaulia e faaaloalogia ai le faitalia. Fai ni fesili e fesoasoani ai i tamaiti e mafaufau i ni a latou lava auala e faaaoga ai mea ua latou aoaoina. Mo se faataʻitaʻiga, e mafai ona e fesili, “O le a le mea e tasi e te manatu e tatau ona e faia e faʻavae i luga o mea ua tatou talanoaina nei?”

itulau o gaoioiga: O perofeta o avefeau a Iesu Keriso.