O Tanielu o loo faamatalaina le miti a le tupu

Ua Faamatala e Tanielu le Uiga o le Miti a le Tupu o Nepukanesa, saunia e Grant Romney Clawson.

31 Oketopa–6Novema

Tanielu 1–6

“E Leai Se Isi Atua Na Te Mafaia Ona Laveaiina”

A o e faitauina le Tanielu 1–6, tusi ni upu moni e te lagona le faaosofia e fesoasoani i tamaiti ia latou mauaina.

Tusi Faamaumau Ou Lagona Uunai

aikona o le fefaasoaai

Valaaulia le Fefaasoaai

Faaali ata o mea na tutupu i le Tanielu 1–6 (tagai otootoga o lenei vaiaso i le Sau, Mulimuli Mai ia te A’u—Mo Tagata Taitoatasi ma Aiga po o le Tusiata o le Talalelei, nus. 23, 24, 25, 26). Tuu atu i tamaiti e faasoa mai mea latou te iloa e uiga i mea o loo i ata. Valaaulia tamaiti e faasoa mai se taimi na latou filifili ai e mulimuli i le Faaola, e pei ona faia e Tanielu ma ana uo.

aikona o le aoao atu

Aoao atu le Aoaoga Faavae: Tamaiti Laiti

Tanielu 1:1–17

E finagalo le Tama Faalelagi ia ou tausia lelei lo’u tino.

O Tanielu ma ana uo na mumusu i aano o manu ma uaina na ofo atu e le tupu ia i latou aua latou te mananaʻo e mulimuli i tulafono a le Atua ma aloese mai le afaina o latou tino. O aso nei ua fesoasoani le Upu o le Poto tatou te aloese mai mea e afaina ai o tatou tino.

Gaoioiga e Mafai Ona Fai

• Faasoa atu i tamaiti “Tanielu ma Ana Uo” (i le Tala o le Feagaiga Tuai), pe aotele le Tanielu 1:1–17. Valaaulia tamaiti e faatino le tala. Fesoasoani ia latou malamalama i le ala na faamanuia ai e le Alii ia Tanielu ma ana uo mo le filifili e usitai ia te Ia (tagai fuaiupu17). O a ni faamanuiaga tatou te maua mai le Atua pe a tatou filifili le mea tonu?

• Faaali atu i tamaiti ni ata o mea o loʻo aʻoaʻo mai e le Upu o le Poto e tatou te ‘aʻai pe faaaoga ma mea o loʻo tauina mai ia tatou e aua le ‘aia pe faaaogaina (tagai Mataupu Faavae ma Feagaiga89). Valaaulia tamaiti e faafoliga o latou aia mea lelei ma faapea atu e leai i mea leaga. Molimau atu e faamanuiaina i tatou e le Alii pe a tatou tausia o tatou tino. Usu faatasi se pese e faatatau i le tausiga o tatou tino, e pei o le “Ia Tuu Mai E Le Alii Se Malumalu” (Tusipese a Tamaiti,73). O le a se mea ua aoao mai e lenei pese ia i tatou?

tama e toafa i se laulau ma o loo mumusu i le aano o manufasi o loo ofoina atu e se tamaloa

Ata tusi o Tanielu ma ana uo o loo mumusu i meatausami a le tupu, saunia e Brian Call

Tanielu1; 3; 6

O le a faamanuia a’u e le Atua ao ou filifili e mulimuli ia Iesu Keriso.

O le tusi a Tanielu o loʻo iai tala o tagata na filifili e mulimuli i poloaʻiga a le Atua tusa lava pe faigata na fai. E mafai faapefea ona e fesoasoani i tamaiti e aoao mai nei faataitaiga?

Gaoioiga e Mafai Ona Fai

• Saili ata o tala o loo i le Daniel1, 3, and6 (tagai i le itulau o gaoioiga, i le otootoga o lenei vaiaso i le Sau, Mulimuli Mai ia te A’u—Mo Tagata Taitoatasi ma Aiga, po o le Tusiata o le Talalelei, nu. 23, 25, 26). Faaū i lalo ata i luga o le laupapa poo luga o le fola. Tofi se tamaititi e liliu se tasi o ata, ma fesoasoani ia te ia e faamatala le tala o loʻo suitulaga ai. Mo se fesoasoani, tagai “Tanielu ma Ana Uo,” “Sataraka, Mesako ma Apeteniko,” ma “O Tanielu ma le Lua o Leona” i Tala o le Feagaiga Tuai.) Pe a mavae tala taitasi, talanoaina fesili pei o nei: O le a le mea na fai e tagata e mulimuli ai i le Alii? Na faapefea ona faamanuia i latou e le Alii? Ia faasoa atu auala ua faamanuiaina ai oe ona o lou filifili e mulimuli ia Iesu Keriso. Valaaulia tamaiti e faasoa mai o latou lava aafiaga.

• Valaaulia tamaiti e faatino ni tulaga e mafai ai ona latou faaalia lo latou faatuatua i le Atua e ala i le tausia o Ana poloaiga. E mafai ona aofia ai le agalelei i se tei, taʻu i se tasi e uiga i le Faaola, pe tatalo i po taʻitasi. Faaali ni ata o Sataraka, Mesako, ma Apeteniko i le ogaumu aasa (tagai Tusiata o le Talalelei, nu.25), ma fai i tamaiti e faitau pe toafia tagata o loo i ai i totonu o le ogaumu. Faitau le Tanielu 3:24–25 e iloa ai po o ai le isi tagata sa i ai i totonu o le ogaumu. Tuuina atu lau molimau e i ai faatasi le Alii ma i tatou ao tatou mulimuli ia te Ia.

Tanielu6

E finagalo le Tama Faalelagi ia ou tatalo e le aunoa.

Sa naunau Tanielu e tuu lona ola i se tulaga lamatia ina ia mafai ai ona ia tatalo i le Tama Faalelagi i aso uma. Faafefea ona e fesoasoani i tamaiti e atiaʻe se manaʻo faapena e tatalo?

Gaoioiga e Mafai Ona Fai

• Faamatala le tala i le Tanielu6 (tagai “Tanielu ma le Lua o Leona” Tala o le Feagaiga Tuai), ma valaaulia tamaiti e tusi se ata o le tala. Fai atu ia i latou e faaaoga a latou ata e faamatala ai le tala i le tasi ma le isi. Aisea e finagalo ai le Tama Faalelagi tatou te tatalo atu ia te Ia? Faasoa pe aisea e taua ai le tatalo ia te oe.

• Talanoa ma tamaiti e uiga i taimi e mafai ai ona latou tatalo, pei o taimi latou te fefefe ai, pe a latou faia ni mea sese, pe a manaʻomia se fesoasoani i le aʻoga. Aisea e lelei ai le tatalo i nei tulaga? Aoao tamaiti e tusa lava po o fea o latou i ai, e mafai ona latou tatalo i o latou loto.

• Usu faatasi se pese e faatatau i le tatalo, e pei o le “O Le Tatalo A Le Tamaititi” (Tusipese a Tamaiti,6). Talanoa ma tamaiti e uiga i mea e mafai ona tatou tatalo atu ai.

aikona o le aoao atu

Aoao atu le Aoaoga Faavae: Tamaiti Matutua

Tanielu1; 3; 6

E mafai ona ou faia le mea tonu e tusa lava pe faigata.

O tala i le Tanielu1, 3, ma le6 e mafai ona maua ai e tamaiti o loʻo e aʻoaʻoina le lototele ma le faatuatua e faia ai filifiliga lelei, tusa lava pe latou te lagona le tuʻulafoaʻi.

Gaoioiga e Mafai Ona Fai

• Tusi i luga o le laupapa ni aū o loʻo faʻasino uma i le itu e tasi ma le tasi aū e faʻasino i le isi itu. E faapefea ona pei Tanielu ma ana uo o lenei au e tasi? Valaaulia tamaiti e tuu mai ni faataitaiga mai tala o loo i le Tanielu1, 3, ma le6 (tagai “Tanielu ma Ana Uo,” “Sataraka, Mesako ma Apeteniko,” ma “O Tanielu ma le Lua o Leona” i Tala o le Feagaiga Tuai.) Fesili i tamaiti pe aisea latou te manatu ai atonu na faigata ia Tanielu ma ana uo ona faia filifiliga tonu. Na faapefea ona faamanuiaina e le Alii i latou mo le filifili e fai le mea tonu?

• Fesoasoani i tamaiti e mafaufau i ni tulaga e ono faamalosia ai i latou e faia se filifiliga sese. Ia valaaulia i latou e fetufaai mai ni mea na latou oo i ai ina ua faamanuiaina i latou i le filifilia o le mea saʻo e ui lava na faigata. Usu faatasi se pese e faatatau i lenei autu, e pei o le “Filifili Tau o Mea Tonu” (Viiga, nu.149).

Tanielu2

O Le Ekalesia a Iesu Keriso o le Au Paia o Aso e Gata Ai o le malo lea o le Atua i le lalolagi.

Ina ua avatua e Tanielu lana faamatalaga musuia o le miti a Nepukanesa, na ia vaʻaia se maʻa “na tofi mai le mauga e aunoa ma lima” (Tanielu 2:45). O lenei maʻa e fai ma sui O Le Ekalesia a Iesu Keriso o le Aupaia o Aso e Gata Ai, lea ua fuafua e faʻatumu ai le lalolagi.

Gaoioiga e Mafai Ona Fai

• Faitau le Tanielu 2:31–35, 44–45 ma tamaiti, ma valaaulia i latou e tusi se ata o le mea na vaaia e Nepukanesa i lana miti. Fesili atu i tamaiti po o le a le mea ua latou aʻoaʻo mai nei fuaiupu e uiga i le maa i le miti. Faamatala o lenei maʻa e fai ma sui O Le Ekalesia a Iesu Keriso o le Aupaia o Aso e Gata Ai. Fai atu i tamaiti e taʻu mai ni mea na faia e le Tama Faalelagi e faatu ai Lana Ekalesia i aso e gata ai. Ina ia tuu atu ia i latou ni aitia, faaali atu ni ata o mea na tutupu i le Toefuataiga o le Ekalesia (tagai Tusiata o le Talalelei, nu. 90–95).

• Tufa ia tofu le tamaitiiti ma le fasi pepa ua gaugau e fai ma sui o le maa i le miti a Nepukanesa. Fesili i tamaiti e fetufaai mai pe faafefea ona ia iloa na toefuatai mai le Ekalesia e le Atua. A o fetufaai tamaiti, valaaulia i latou e avatu a latou “maa” ia te oe. Afifi faatasi maa i le mea faapipii poʻo le manoa e fai ai se maa tele. Molimau atu a o tatou faamalosia a tatou molimau ma fetufaai atu le talalelei i isi, ua tatou tuufaatasia lo tatou faatuatuaga e fesoasoani ai i le malo o le Atua “[faatumu] le lalolagi atoa” (Tanielu 2:35).

aikona o le aoaoina

Uunaia le Aoaoina i le Aiga

Valaaulia tamaiti e mafaufau i se mea e mafai ona latou faia i lenei vaiaso e faaalia ai lo latou faatuatua ia Iesu Keriso.

Faaleleia o Lo Tatou Aoao Atu

Fesoasoani i tamaiti ia iloa le Agaga. A o i ai ni ou aafiaga faaleagaga ma tamaiti, fesoasoani ia latou iloa le aafiaga a le Agaga Paia.

itulau o gaoioiga: o le a faamanuia a’u e le Atua ao ou filifili e mulimuli ia Iesu Keriso.