o se tamaloa o loo tolotolo i luga o le matafaga ma se tafola o loo mulimuli mai ia te ia i le sami

Jonah on the Beach at Nineveh, saunia e DanielA. Lewis

21–27 Novema

Iona; Mika

“E Fiafia o Ia i le Alofa”

Saili mo mataupu faavae taua o loo i le Iona ma le Mika e mafai ona faamanuiaina ai tamaiti o loo e faiaoga ai. Mafaufau loloto i ni auala e mafai ai ona e fesoasoani i tamaiti e aʻoaʻo nei mataupu faavae. E mafai foi ona fesoasoani ia manatu o lenei otootoga.

Tusi Faamaumau Ou Lagona Uunai

aikona o le fefaasoaai

Valaaulia le Fefaasoaai

Ina ia fesoasoani i tamaiti e manatua le tala ia Iona po o isi upumoni atonu na latou aʻoaʻoina i le fale, usu faatasi se pese, pei o le fuaiupu7 o le “Mulimuli i le Perofeta” (Tusipese a Tamaiti, 58).

aikona o le aoao atu

Aoao atu le Aoaoga Faavae: Tamaiti Laiti

Iona 1:4–17; 3:3–5

E faamanuia a’u e le Alii pe a ou usitai ia te Ia.

Ina ua fai atu le Alii ia Iona e talaʻi i tagata o Nineva, e leʻi usitaʻi Iona. Fesoasoani i tamaiti ia malamalama e faamanuiaina i tatou pe a tatou usitai i le Alii.

Gaoioiga e Mafai Ona Fai

• Faaali atu ata o le tala ia Iona, ma valaaulia tamaiti e faamatala mai ni mea latou te iloa e uiga i le tala (tagai “Iona le Perofeta” i le Tala o le Feagaiga Tuai; le itulau o gaoioiga o lenei vaiaso; po o le otootoga o lenei vaiaso i le Sau, Mulimuli Mai ia te Au—Mo Tagata Taitoatasi ma Aiga). Fai ni fesili faapenei: O le a le mea na tupu ina ua le usitai Iona i le Alii? (tagai Iona 1:4–17). O le a le mea na tupu ina ua ia usitai? (tagai Iona 3:3–5). Faasoa atu lau molimau o le a faamanuia i tatou e le Alii pe a tatou usiusitai ia te Ia.

• Usu faatasi se pese e faatatau i le usiusitai i le Alii, e pei o le “E vave Ona Ou Usita‘i” (Tusipese a Tamaiti,71). Talanoa e uiga i le mafuaaga sa sili ai ona usitai Iona i le taimi muamua. Fesoasoani i tamaiti e mafaufau i mea e finagalo le Atua latou te faia ona faatino lea pe faafefea ona mafai ona latou usitaʻi vave.

o faifeautalai o loo aoaoina se tamaloa

E finagalo le Tama Faalelagi ia aoao tagata uma i le talalelei.

Iona3

O le talalelei e mo tagata uma.

Na salamo tagata o Nineva ina ua faasoa atu e Iona le feau a le Alii ia i latou. O a ni avanoa o maua e tamaiti e faasoa atu ai le talalelei?

Gaoioiga e Mafai Ona Fai

• Faatino vaega o Iona 3: 3–8 ma tamaiti, e pei o le savavali atu i le aai o Nineva, faasoa atu le savali a le Alii, ma le tusia o se poloaiga mai le tupu i lona nuu. Faaali atu se ata o faifeautalai (tagai Tusiata o le Talalelei, nu. 109, 110). O a mea a faifeautalai e fai? Na faapefea ona avea Iona ma faifeautalai? Fesoasoani i tamaiti e mafaufau i ni auala e mafai ai ona latou fetufaai atu le talalelei i isi, pei o le fetufaai atu o se mataupu o le faatuatua poʻo le molimau atu ia Iesu Keriso.

• Faamatala se mea na e oo i ai ina ua e fetufaai atu le talalelei a Iesu Keriso. Pe, i ni nai aso ae le i amataina le vasega, valaaulia se tasi e asiasi i lau vasega ma taʻu i tamaiti e uiga i se taimi na ia fetufaai ai le talalelei pe na faasoa atu ai e se tasi le talalelei ia te ia. Fautuaina le tagata e faaali ni ata, pe a mafai. Fesoasoani i tamaiti e mafaufau i auala e mafai ai ona avea i latou ma faifeautalai i le taimi nei.

Mika 5:2

Na soifua mai Iesu Keriso i Peteleema.

Na valoia e Mika o le a fanau mai i Peteleema se “pule i Isaraelu” i le lumanai. E mafai ona e fesoasoani i tamaiti ia latou iloa o le fanau mai o Iesu Keriso na faataunuuina ai lenei valoaga.

Gaoioiga e Mafai Ona Fai

• Faaali atu ni ata o mea na tutupu i le vaitaimi o le fanau mai o Iesu Keriso (tagai Tusiata o le Talalelei, nu. 28, 29, 30, 31). Valaaulia tamaiti e talanoa e uiga i mea o loʻo tutupu i ata taʻitasi. Faitau le Mika 5:2, ma valaaulia tamaiti e tutu i luga pe a latou faalogo i le upu “Peteleema.” Ia molimau atu o le fanau mai o Iesu sa taua tele na iloa ai e perofeta ae leʻi fanau mai o Ia.

• Valaaulia tamaiti e tusi se ata o le fanau mai o Iesu. A o latou faaali a latou ata, fai atu ia latou e faasoa pe aisea latou te faafetai ai mo Iesu Keriso.

aikona o le aoao atu

Aoao atu le Aoaoga Faavae: Tamaiti Matutua

Iona 1:10–12; 2:1–4,9; 3:1–5

O le salamo e aofia ai le iloaina o aʻu agasala ma ole atu mo se faamagaloga.

O le faataʻitaʻiga a Iona e mafai ona faamalosia tamaiti e liliu i le Aliʻi pe a latou agasala.

Gaoioiga e Mafai Ona Fai

• Fesoasoani i tamaiti e fai se lisi i luga o le laupapa nisi o elemene taua o le salamo (tagai i le Taiala i Tusitusiga Paia, “Salamo,” scriptures.ChurchofJesusChrist.org). Iloilo faatasi le tala ia Iona, ma valaaulia tamaiti e faailoa mai le faamaoniga o le salamo o Iona (tagai, mo se faataitaiga, Iona 1:10–12; 2:1–4,9; 3:1–5). Faafefea ona tatou faaali atu i le Alii o lo tatou salamo e faamaoni?

• Usu faatasi se pese e faatatau i le salamo, e pei o le “Repentance” (Children’s Songbook,98). Fesili i tamaiti poʻo a upu poʻo fasifuaitau mai le pese latou te faasoaina ia Iona e fesoasoani ai ia te ia ia salamo.

Iona 2:7–10; 3:10; 4:2; Mika 7:18–19

E alofa mutimutivale le Alii ia i latou uma e liliu atu ia te Ia.

A malamalama tamaiti o le Alii e alofa mutimutivale ma agalelei, o le a latou liliu atu ia te Ia pe a latou manaʻomia le alofa mutimutivale.

Gaoioiga e Mafai Ona Fai

• Fesoasoani i tamaiti e sue se faauigaga o le upu “alofa i se lomifefiloi Taiala i Tusitusiga Paia (scriptures.ChurchofJesusChrist.org). Aisea na manaomia ai e Iona le alofa? Aisea na manaʻomia ai e tagata o Nineva le alofa mutimutivale? (tagai Iona 1:1–3). Fai i tamaiti e mafaufau faapea e mafai ona latou faatalanoaina Iona. O le a se faamaoniga atonu na avatu e Iona e faaalia ai e alofa mutimutivale le Alii? (tagai, mo se faataʻitaʻiga, Iona 2:7–10; 3:10; 4:2). Na faapefea ona faʻaali mai e le Alii le alofa mutimutivale ia i tatou?

• Fai i tamaiti e fai se lisi i luga o le laupapa o mea latou te “fiafia” i ai, pei o mea e fiafia i ai, faamanuiaga mai le Alii, ma isi. Valaaulia i latou e faitau le Mika 7: 18–19 e saili ai se mea e tasi e fiafia i ai le Alii. O a ni mea moni i nei fuaiupu o le a fesoasoani i se tagata e fefe e salamo?

• Fesoasoani i tamaiti e mafaufau i ni faataitaiga na faaali atu ai le alofa mutimutivale o le Faaola i isi, pei o Mareko 2:3–12; Luka 23:33–34; ma Ioane 8:1–11. Faaali atu ata o nei mea na tutupu, pe a mafai. Fesoasoani i tamaiti e mafaufau i avanoa latou te maua e agamalu ai ma agalelei i isi.

Mika 6:8

E finagalo le Alii ia ou faia le mea saʻo, alofa i le alofa mutimutivale, ma savali ma le lotomaualalo ma Ia.

O le Mika 6: 8 o loʻo aumaia ai se faataʻitaʻiga mo le ola amiotonu. Faafefea ona e fesoasoani i tamaiti e saili ma ola i aʻoaʻoga i lenei fuaiupu?

Gaoioiga e Mafai Ona Fai

• Faitau faatasi le Mika 6:8,ma fesoasoani i tamaiti ia malamalama o le alofa o le Tama Faalelagi ma Iesu Keriso mo i latou e “faavavau.” Fai i tamaiti e tusi se latou ata o loʻo faia se mea e fesoʻotaʻi ma se tasi o fuaitau.

• Tusi i luga o le laupapa “O le a le mea e finagalo ai le Atua ia te oe? ” Valaaulia i latou e saili le tali i le Mika 6:8. E faapefea ona fesoasoani le usitaʻia o tulafono a le Aliʻi ia tatou faataunuʻuina le mea o loʻo finagalo ai le Aliʻi ia tatou i lenei fuaiupu?

aikona o le aoaoina

Uunaia le Aoaoina i le Aiga

Tusi i luga o se fasipepa mo tamaiti uma se fasifuaitau autu mai se tasi o mau na outou talanoaina o se vasega. Fai i tamaiti e taumafai e tauloto le fuaitau ma fai atu i se tagata o le aiga e fetufaai mai ona manatu e uiga i ai.

Faaleleia o Lo Tatou Aoao Atu

Mata’itu tamaiti. O faapefea ona tali atu tamaiti o lau vasega i gaoioiga e aoao ai? Afai e foliga mai ua le mapu, atonu ua oʻo i le taimi e faataʻitaʻi ai se isi ituaiga o gaioiga. I se isi itu, afai o e mataua o loo gauai atu tamaiti ma aoao mai se vaega patino o le lesona, aua nei e taumafai e faagasolo pea ina ia tau lava ina uma anomea o le lesona.

itulau o gaoioiga: E faamanuia a’u e le Alii pe a ou usitai ia te Ia.