Faiaoga tamaiti laiti i le potuaoga a le lotu

Punaoa Faaopoopo mo le Aoaoina o Tamaiti

O nei punaoa e mafai ona maua i le polokalama o le Gospel Library ma i luga o le ChurchofJesusChrist.org.

Sau, Mulimuli Mai ia te A’u—Mo Tagata Taitoatasi ma Aiga

E mafai ona fetuunai ni gaoioiga mai le Sau, Mulimuli Mai ia te A’u—Mo Tagata Taitoatasi ma Aiga mo le faaaogaina i lau vasega Peraimeri. Aua e te popole pe afai ua uma ona faia e tamaiti nei gaoioiga ma o latou aiga i le fale; o le fai soo e fesoasoani ai i tamaiti e aoao. E ono mananao tamaiti e faamatala pe na faapefea ona latou faia gaoioiga ma o latou aiga ma mea sa latou aoaoina.

Viiga ma le Tusipese a Tamaiti

O musika paia e valaaulia ai le Agaga ma aoao atu ai aoaoga faavae i se ala e manatua pea. E faaopoopo i le faaaogaina o tusi lolomi o Viiga ma le Tusipese a Tamaiti, e mafai ona e maua lipine faalogologo ma vitio o le tele o viiga ma pese a tamaiti i le music.ChurchofJesusChrist.org ma i polokalama o le Sacred Music ma le Gospel Media.

Mo manatu, tagai i vaega “Faaaogaina o Musika e Aoao Atu ai Aoaoga Faavae” ma le “Fesoasoani i Tamaiti e Aoao ma Manatua Pese o le Peraimeri” i le “Faatonuga mo le Taimi o Pesepesega ma Polokalame a Tamaiti i le Sauniga Faamanatuga” i lenei punaoa.

Vaai Ia I O Outou Tamaiti

E tele autu o loo aoao i le Vaai Ia I O Outou Tamaiti: Tusi Lesona Vasega Pepe e pei foi o lesona o loo e aoao atu i le Peraimeri. Aemaise pe a o e faiaoga i tamaiti laiti, mafaufau e vaavaai i le tusi lesona a le vasega pepe mo ni pese faaopoopo, gaoioiga, ma ata.

O Le Mekasini o le Uo

O mekasini o le Uo e maua ai tala ma gaoioiga e mafai ona faaopoopo i mataupu faavae o loo e aoao atu mai le Sau, Mulimuli Mai ia te A’u—Mo le Peraimeri.

Tala o le Feagaiga Tuai

Tala o le Feagaiga Tuai e mafai ona fesoasoani i tamaiti e aoao ai le aoaoga faavae ma tala o loo maua i le Feagaiga Tuai. E mafai foi ona e mauaina vitio o nei tala i le Gospel Library ma le MediaLibrary.ChurchofJesusChrist.org.

Tusi Valivali o Tala o Tusitusiga Paia: Feagaiga Tuai

O lenei punaoa ua i ai itulau valivali o gaoioiga ua mamanuina e faaleleia ai le aoao o tamaiti mai le Feagaiga Tuai.

Vitio ma Ata

O faatufugaga, vitio, ma isi faasalalauga e mafai ona fesoasoani ia i latou o e aoaoina e vaai faalemafaufau i aoaoga faavae ma tala e fesootai i tusitusiga paia. Asiasi i le Gospel Media i le MediaLibrary.ChurchofJesusChrist.org e matamata ai i punaoa o faasalalauga ua faaputu e le Ekalesia. O le Gospel Media o loo avanoa o se polokalama feaveai. E tele ata e mafai ona e faaaogaina i le vasega o loo maua i le Tusi Ata o le Talalelei.

Aoao Atu i le Ala a le Faaola

O le Aoao Atu i le Ala a le Faaola e mafai ona fesoasoani ia te oe e aoao ai e uiga i mataupu o le aoao atu faapei o Keriso ma le faaaogaina. O nei mataupu faavae o loo talanoaina ma faata’ita’i i fonotaga faaaufono a faiaoga.