Te tahi atu ā mātēria nō te ha’api’i i te mau tamari’i

E nehenehe teie mau mātēria e ’itehia i roto i te fa’anahora’a ’āfa’ifa’i nō te Vaira’a buka ’evanelia ’e i ni’a i te ChurchofJesusChrist.org.

Mai, pe’e mai—nō te ta’ata hō’ē ’e te ’utuāfare

E nehenehe ’outou e fa’atano i te mau ’ohipara’a nā roto mai i te Mai, pe’e mai—nō te ta’ata hō’ē ’e te ’utuāfare nō te fa’a’ohipa i roto i tā ’outou piha ha’api’ira’a Paraimere. ’Eiaha e ha’ape’ape’a mai te mea ’ua rave a’ena te mau tamari’i i teie mau ’ohipara’a ’e tō rātou ’utuāfare i te fare ; nā te tāpitira’a i te ravera’a e tauturu i te mau tamari’i ’ia ’apo mai. E hina’aro paha te mau tamari’i e fa’a’ite mai ia ’outou e mea nāhea tō rātou ravera’a i te mau ’ohipara’a ’e tō rātou ’utuāfare, ’e e aha tā rātou i ’apo mai.

Te mau hīmene ’e te Buka hīmene nā te mau tamari’i (Chant pour les enfants)

E ani manihini te pehe mo’a i te Vārua ’e e ha’api’i i te ha’api’ira’a tumu nā roto i te hō’ē rāve’a e ’ore roa e mo’ehia. Ta’a ’ē noa atu i te fa’a’ohipara’a i te mau nene’ira’a o Te mau hīmene ’e te Chants pour les enfants, e nehenehe ’outou e ’ite mai i te mau haruharura’a fa’aro’o ’e te video nō te mau hīmene e rave rahi ’e nā te mau hīmene a te mau tamari’i i ni’a i te music.ChurchofJesusChrist.org ’e i roto i te Hīmene Mo’a ’e te mau fa’anahora’a ’āfa’ifa’i Gospel Media apps.

Nō te mau mana’o, ’a hi’o i te mau tuha’a « Fa’a’ohipa i te pehe nō te ha’api’i i te ha’api’ira’a tumu » ’e « Tauturu i te mau tamari’i ’ia ha’api’i ’e ’ia ha’amana’o i te mau hīmene Paraimere ’e te mau hīmene purera’a » i roto i te « Mau arata’ira’a nō te taime hīmenera’a ’e te fa’anahora’a hīmene a te tamari’i nō te ’ōro’a mo’a » i roto i teie buka.

’A hi’o na i tā ’outou mau tamari’i ri’i

E rave rahi mau tumu parau i fa’a’itehia i roto ’A hi’o na i tā ’outou mau tamari’i ri’i : Buka ha’apa’ora’a tamari’i e tū’ati i te mau tumu parau tā ’outou e ha’api’i ra i roto i te Paraimere. Mai te mea iho ā rā e ha’api’i nei ’outou i te mau tamari’i ’āpī a’e, e feruri e ’imi i roto i te buka ha’api’ira’a a te piha ha’apa’ora’a tamari’i te mau hīmene, te mau ’ā’amu, te mau ’ohipara’a ’e te mau ’ohipa rima’ī hau atu.

Te ve’a Hoa

Tē vai ra i roto i te ve’a Hoa te mau ’ā’amu ’e te mau ’ohipara’a ’o te nehenehe e fa’atū’ati i te mau parau tumu tā ’outou e ha’api’i ra nō roto mai i te Mai, pe’e mai—nō te Paraimere.

Te mau ’ā’amu o te Faufa’a Tahito

E nehenehe te mau’Ā’amu nō te Faufa’a Tahito e tauturu i te mau tamari’i ’ia ha’api’i i te ha’api’ira’a tumu ’e i te mau ’ā’amu e ’itehia i roto i te Faufa’a Tahito. [NO TRANSLATION].

Buka pēni nō te mau ’ā’amu o te pāpa’ira’a mo’a : Faufa’a Tahito

Tē vai ra i roto i teie rāve’a tauturu te mau ’api ’ohipara’a nō te fa’a’ūra’a ’arearea tei fa’ata’ahia nō te ha’amaita’i i te ’apora’a mai a te mau tamari’i nō roto mai i te Faufa’a Tahito.

Mau video ’e te mau hōho’a

E nehenehe te hōho’a pēni, te mau video, ’e te tahi atu ’ohipa ha’apūroro e tauturu i te feiā tā ’outou e ha’api’i ra ’ia hāro’aro’a i te ha’api’ira’a tumu ’e ’ia ’ite mata i te mau ’ā’amu nō roto mai i te mau pāpa’ira’a mo’a. ’A hi’o i te Gospel Media Library [Rāve’a ha’apararera’a nō te ’evanelia] i ni’a ia MediaLibrary.ChurchofJesusChrist.org nō te hi’o i te ha’aputura’a a te ’Ēkālesia nō te mau mātēria rāve’a ha’apararera’a. Tē vai ato’a nei te rāve’a ha’apararera’a ’evanelia ’ei fa’anahora’a ’āfa’ifa’i. E rave rahi hōho’a tā ’outou e nehenehe e fa’a’ohipa i roto i te ha’api’ira’a, e ’itehia i roto i te Vaira’a hōho’a ’evanelia.

Ha’api’ira’a mai tā te Fa’aora

E tauturu te Ha’api’ira’a mai tā te Fa’aora ia ’outou ’ia ’apo mai ’e ’ia fa’a’ohipa i te mau parau tumu o te ha’api’ira’a mai tā te Fa’aora. E tuatāpapahia ’e e fa’a’ohipahia teie mau parau tumu i roto i te mau rurura’a a te mau ’orometua ha’api’i.