Sau, Mulimuli Mai ia te A’u
1–7 Iuni. Alema 5–7: “Ua Oo Ea Lenei Liuga Tele i o Outou Loto?”

“1–7 Iuni. Alema 5–7: ‘Ua O’o Ea Lenei Liuga Tele i o Outou Loto?’“ Sau, Mulimuli Mai ia te A’u—Mo Le Aoga Sa: Tusi a Mamona 2020 (2020)

“1–7 Iuni. Alema 5–7,” Sau, Mulimuli Mai ia te A’u—Mo le Aoga Sa: 2020

Ata
O Iesu o loo si’iina se tamai mamoe

E Le Faagaloina Outou, saunia e Jon McNaughton

1--7 Iuni

Alema 5–7

“Ua O’o Ea Lenei Liuga Tele i o Outou Loto?”

A o e faitauina le Alema 5--7, mafaufau i tagata o lau vasega o e o faata’ita’ia aoaoga o i nei mataupu. Mafaufau i auala e mafai ona e fesoasoani ai e faaaofia i latou i la outou talanoaga i le Aso Sa.

Tusi Faamaumau Ou Lagona Uunai

Ata
aikona o le fefaasoaai

Valaaulia le Fefaasoaai

Tuu atu ni nai minute i tagata o le vasega ia manatua ai mea sa latou faitau ai i le Alema 5-7 ma sue se upumoni e te manao e faasoa i le vasega. Ona fai atu lea i ai e faasoa atu i se tasi o nofo i ona autafa.

Ata
aikona aoao atu

Aoao Atu le Aoaoga Faavae

Alema 5:14--33.

E tatau ona tatou iloa---ma tatou lagonaina pea lava pea---se suiga tele o le loto.

  • Sa valaaulia tagata o le vasega e manatunatu i fesili o i le Alema 5:14–33 i le otootoga o lenei vaiaso o loo i le Sau, Mulimuli Mai ia te A’u—Mo Tagata Taitoatasi ma Aiga. E mafai ona e amataina se talanoaga e uiga i nei fuaiupu e ala i le fai atu i tagata o le vasega e faasoa mai po o a fesili mai nei fuaiupu sa taua ia i latou. Ona mafai lea ona valaaulia tagata o le vasega e galulue i vaega e iloilo le Alema 5:14--33 ma iloa ai le uiga o le iloaina o se suiga o le loto e ala i le Faaola ma Lana Togiola. E mafai foi ona latou vaavaai mo faamanuiaga e maua mai i se loto ua suia. O a isi upu faatusatusa sa faaaogaina e faamatala ai le suiga o loo faamatalaina e Alema? (Mo se faataitaiga, tagai i le Ioane 3:1–7; 2 Korinito 5:17; Dale G. Renlund, “Taofimau i le Liliu Tele o le Loto,,” Ensign po o le Liahona, Nov. 2009, 97–99.) E mafai faapefea ona tatou faatumauina se suiga o le loto i o tatou olaga atoa? (tagai i le Alema 5:26).

    Ata
    teineitiiti o loo tatalo i autafa o se moega

    A o tatou liliu atu i le Atua, e mafai ona tatou iloa se “suiga o le loto.”

Alema 5:44--51

E mafai ona maua a tatou lava molimau i le Faaola ma Lana talalelei e ala i le Agaga Paia.

  • E faapei o Alema, ua maua e tagata o lau vasega a latou lava molimau i le Faaola ma Lana talalelei. Ina ia fesoasoani ia i latou e aoaoina mea na faia e Alema e maua ai lana molimau e ala i le Agaga, e mafai ona e tufatufa atu ni fasipepa o i ai le upu Molimau o tusia i le pito i luga. E mafai ona galulue i paga ia tagata o le vasega ma iloilo le Alema 5:44--51 ma faaaoga mea na latou aoaoina mai i nei fuaiupu e tusi ai se “fua” mo se molimau. Mo se faataitaiga, o “mea e fai ai” ai le fua e mafai ona o, upumoni e fatu ai a tatou molimau. O “faatonuga” mo le fua e mafai ona o mea e manaomia tatou te fai ia maua ai se molimau. (Tagai i le savali mai ia Elder Dieter F. Uchtdorf i le “Punaoa Faaopoopo” mo nisi manatu.) O a “mea e fai ai” ma “faatonuga” e mafai ona latou faaopoopo i la latou fua mai o latou lava aafiaga po o isi aafiaga i tusitusiga paia? Valaaulia paga e faasoa mai mea sa latou aoaoina ma mea o loo latou faia e valaaulia ai le Agaga Paia e molimauina atu le moni ia i latou.

Alema 6

Tatou te faapotopoto o ni Au Paia e faalogo i le afioga a le Atua ma faia Lana galuega.

  • Ina ia faamanatu i tagata o le vasega e uiga i le taua o le faapotopoto faatasi o se tino o le Au Paia, e mafai ona e valaaulia i latou e mafaufau faapea ua lagona e se tasi latou te iloa faapea o le avea o se tasi o le ekalesia e le o se mea e tatau ai. O le a se mea e mafai ona latou faasoa mai le Alema 6 e aoao atu ai lea tagata e uiga i nisi o faamanuiaga o le avea ai ma se tasi o le ekalesia? E mafai faapefea ona tatou faataunuuina atili ia faamoemoega o le faapotopoto na faamatalaina e Alema?

Alema 7: 7--16

Sa tauaveina e le Faaola i Ona lava luga a tatou agasala, tiga, ma mafatiaga.

  • Atonu e i ai tagata i lau vasega e manaomia vave lava le iloa po o a mea o loo aoao mai i le Alema 7:7--16 —faapea na tauaveina e le Faaola i Ona lava luga e le gata ia tatou agasala ae faapea foi o tatou tiga, mafatiaga, ma’i, ma vaivaiga. O le a faapefea ona e fesoasoani ia i latou ia iloa lenei mea? Atonu e mafai ona e faia se siata i luga o le laupapa ma ulutala nei O Mea na Mafatia ai le Faaola ma le Mafuaaga na Ia Mafatia ai. E mafai e le vasega ona faamaea le siata pe a uma ona faitau le Alema 7:7--16. E mafai foi ona fesoasoani e mafaufau i nisi mea na mafatia ai le Faaola i le taimi o Lona soifuaga (tagai i faataitaiga i le “Punaoa Faaopoopo”).

  • A uma ona talanoaina mea na aoao mai e Alema i le Alema 7:7--16, atonu e mafai e tagata o le vasega ona faasoa mai aafiaga i le taimi na fesoasoani ai le Faaola ia i latou, o lona uiga na Ia fesoasoani ia i te i latou (tagai “Punaoa Faaopoopo” mo ni faataitaiga o auala e fesoasoani ai Iesu ia i tatou). E mafai foi ona e faasoaina atu upusii nei mai ia Peresitene Dallin H. Oaks: “Ua faaali mai e lo tatou Faaola o Ia na “afio ifo i lalo o mea uma’ (MF&&F 88:6). … E mafai ona tatou faapea o le afio ifo i lalo o mea uma, ua tu ai o Ia ma le atoatoa e siitia i tatou ma tuu mai ia i tatou le malosi tatou te manaomia e onosaia ai o tatou mafatiaga. Na pau lava le tatou mea e fai o le fesili” (“Faamalosia e Ala i le Togiola a Iesu Keriso,” Ensign po o le Liahona, Nov. 2015, 64).

  • Na tautino mai e Alema faapea o le afio mai o le Togiola “e sili lona taua nai lo” se isi lava mea. Atonu e mafai e tagata o le vasega ona mafaufau faapea o loo latou i ai i se vasega o le talafaasolopito o loo talanoaina ai mea aupito taua na tutupu. O a fuaiupu mai le Alema 7 o le a latou fefaasoaai ai e lagolago ai le mau a Alema o i le fuaiupu 7? O le a le fautuaga na tuuina atu e Alema i lona nuu e mafai ona fesoasoani ia i tatou e saunia ai mo le afio mai o le Faaola?

Ata
aikona o le aoaoina

Fautuaina le Aoaoina i le Aiga

Ina ia uunaia tagata o le vasega e faitau le Alema 8--12, e mafai ona e faasoa atu ia i latou e faapea o mataupu nei o loo faamatala ai le tala o ni alii se toalua. O le tasi sa lei fiafia i le Ekalesia a o le isi o se sa faamasino inaina i le ekalesia, ae na iu ina avea i laua ma e na puipuia ma le lotototoa le faatuatua.

Ata
aikona o punaoa

Punaoa Faaopoopo

Mauaina o a tatou lava molimau.

Na tuuina mai e Elder Dieter F. Uchtdorf le mamanu faatusi paia lenei mo le “mauaina o se molimau patino e mauaa i le molimau a le Agaga Paia”:

“Muamua: Manao ia talitonu. Ua uunaia i tatou e le Tusi a Mamona: “Afai [tou te] ala mai ma fagua o outou mafaufau, e oo i le tofotofo i a’u upu” ma “faaaoga sina faatuatua itiiti lava, … tusa lava pe afai [tou te] le mafaia se mea e sili i le manao ina ia talitonu’ (Alema 32:27). … Ua folafola mai e le Atua ia i tatou le fesoasoani faalelagi tusa lava pe ua na o so tatou manao ia talitonu, ae tatau o se manao moni, ae le o se manao e na ona faafoliga.

“Lona lua: Suesue i tusitusiga paia. Ia i ai ni fesili; sailiili i ai; suesue i tusitusiga paia mo ni tali. Ou te toe fai atu, ua i ai i le Tusi a Mamona ni fautuaga lelei mo i tatou: ‘Afai [tou te] tuuina mai se avanoa e totoina ai se fatu i o outou loto’ e ala i le suesue ma le ma’elega i le afioga a le Atua, ‘o le a amata ona malena ae ai le fatu lelei i totonu o outou fatafata’ pe afai tou te le teena ona o le le talitonu. O lenei fatu lelei o le a ‘faalauteleina ai [lou] agaga’ ma ‘faapupula [lou] malamalama’ (Alema 32:28).

“Lona tolu: Ia faia le finagalo o le Atua; tausi poloaiga. … E manaomia lo tatou o mai ia Keriso ma mulimuli i Ana aoaoga. Sa aoao mai le Faaola: ‘O la’u mataupu, e le o a a’u ia, a o lana na auina mai a’u. A i ai se tasi e fia fai lona fingalo, e iloa ai e ia le mataupu’ [Ioane 7:16–17; ua faaopoopo le faatusilima]. …

“Lona fa: Mafaufau loloto, anapogi, ma tatalo. Ina ia maua le malamalama mai le Agaga Paia, e tatau ona tatou ole atu i le Tama Faalelagi mo lena malamalama [tagai Alema 5:45–46; Moronae 10:3–4]” (“O le Mana o se Molimau Patino,” Ensign po o le Liahona, Nov. 2006, 38–39).

O le a le mea na mafatia ai Iesu Keriso?

O a isi mafatiaga sa feagai ma le Faaola?

E faapefea ona fesoasoani Iesu Keriso ia i tatou?

O a nisi auala na fesoasoani ai Iesu ia i tatou?

Faaleleia o Lo Tatou Aoao Atu

Faaleleia ia faapei o se faiaoga e pei o Keriso. I le avea ai o se faiaoga, e taua le mafaufau loloto i auala e mafai ona e fesoaoai ai i tagata aoao e atiina ae le faatuatua i le Tama Faalelagi ma Iesu Keriso. Mafaufau e faaaoga ia fesili e iloilo ai e le tagata lava ia o loo i le itulau 37 o le Aoao Atu i le Ala a le Faaola ia musuia ai oe.