Նեփիացիները ականատես են լինում առանց գիշերի օրվան

Մեկ օր, մեկ գիշեր և մեկ օր, Խորխե Կոկկո

Սեպտեմբերի 7-13-ը

3 Նեփի 1-7

Բարձրացրու գլուխդ և ուրախացիր

Սուրբ Հոգին կարող է հուշել ձեզ դասարանում կենտրոնանալ 3 Նեփի 1–7-ի առանձնահատուկ սկզբունքների վրա: Դրանք կարող են լինել ուղղակի սկզբունքներ, որոնք օրհնում են ինչ-որ մեկին, ով կարիքի մեջ է:

Գրի առեք ձեր տպավորությունները

կիսվելու պատկերակ

Հրավիրեք կիսվել

Որպեսզի օգնեք դասարանի անդամներին կիսվել տանը իրենց սովորածով, խնդրեք նրանց թերթիկների վրա գրել ճշմարտություններ, որոնք նրանք գտել են 3 Նեփի 1–7-ում, և այդ ճշմարտությունների վերաբերյալ սուրբ գրությունների հղումները: Թերթիկները լցրեք մի արկղի մեջ և հանեք դրանցից մի քանիսը` դասարանով քննարկելու համար: Երբ դասարանի անդամները կիսվեն, մտածեք, թե արդյոք կան առնչվող գաղափարներ այդ համառոտ շարադրանքում, որոնք կարող են խորացնել քննարկումը և ներգրավել դասարանի մյուս անդամներին:

ուսուցման պատկերակ

Ուսուցանեք վարդապետությունը

3 Նեփի 1-7

Դարձի գալը գործընթաց է, որը պահանջում է ջանասեր ջանքեր:

• 3 Նեփի 1–7 գլուխներում նկարագրված են մարդիկ, ովքեր դարձի եկան առ Հիսուս Քրիստոս և Նրա ավետարանը, իսկ մյուսները՝ ոչ: Որպեսզի օգնեք ձեր դասարանին բացահայտել, թե ի՞նչը տարբերություն առաջացրեց այս խմբերի միջև, գրատախտակին կարող եք ստեղծել մի աղյուսակ հետևյալ վերնագրերով. Համոզմունքներ և գործողություններ, որոնք թուլացնում են դարձը և Համոզմունքներ և գործողություններ, որոնք ուժեղացնում են դարձը: Բաժանեք հետևյալ սուրբ գրությունների հղումները դասարանի անդամների միջև և հրավիրեք նրանց լրացնել աղյուսակը այն ամենով, ինչ կգտնեն (առաջին հղման համար տրված են օրինակներ):

  • 3 Նեփի 1.4–23, 29–30. Դարձը թուլացնում է. մարգարեի խոսքերին չհավատալը և արդար մարդկանց ծաղրելը (հատվածներ 5–6): Դարձը զորացնում է. Մարգարեի խոսքերի հանդեպ հավատք ունենալը և օգնության համար աղոթելը (հատվածներ 8, 11):

  • 3 Նեփի 2․1–3

  • 3 Նեփի 3․12-16

  • 3 Նեփի 4․8-10, 30-33

  • 3 Նեփի 6․13-18

  • 3 Նեփի 7․15-22

  Ինչպե՞ս կարող ենք մեր դարձը ամուր պահել՝ չնայած ընդդիմությանը:

• Ձեր դասարանը կարող է հետազոտել, թե ինչպես զորացնել 3 Նեփի 1.27–30-ում «աճող սերունդ» կոչվածին: Գուցե խնդրեք դասարանի անդամներին գտնել պատճառներ այս հատվածներում, թե ինչո՞ւ երիտասարդ նեփիացիները և լամանացիները չէին կարողանում դիմակայել իրենց շրջապատի ամբարշտությանը: Սա կարող է հանգեցնել որոշ մարտահրավերների մասին քննարկման, որոնց դիմակայում է այսօրվա աճող սերունդը, և լավագույն ուղիների մասին, թե ինչպես օգնել նրանց հավատք զարգացնել առ Քրիստոս: «Լրացուցիչ աղբյուրներում» գտնվում են մի քանի առաջարկներ:

3 Նեփի 1․4-21, 5․1-3

Տերը կկատարի Իր բոլոր խոսքերը

• 3 Նեփի 1.4–21 և 5.1–3-ում գտնվող պատմությունների ընթերցումը կարող է զորացնել ձեր դասարանի անդամների հավատքը Տիրոջ խոստումների հանդեպ: Դասարանի անդամները գուցե միասին կարդան 3 Նեփի 1․4-7-ը և գրատախտակին գրեն, թե ինչ կզգային, եթե նրանք լինեին այն հավատացյալները, ովքեր նկարագրված են այս հատվածներում: Նրանք, գուցե, մտածեն նաև նմանատիպ հանգամանքների մասին, որոնց մենք դիմակայում ենք այսօր: Ի՞նչ ենք մենք սովորում 3 Նեփի 1․8-21 և 5.1–3 հատվածներում Տիրոջ և Նրա խոստումների մասին: Քննարկումը ծավալելու համար դուք կարող եք կրկնել մի հիմն Աստծուն վստահելու մասին, ինչպես օրինակ՝ «When Faith Endures» (Hymns, no. 128): Դասարանի անդամները կարող են կիսվել փորձառություններով, երբ նրանց հավատքը և վստահությունը առ Աստված հատուցվել է, չնայած հակադրությանը:

3 Նեփի 1.4–15, 5.12–26, 6.10–15, 7.15–26

Մենք Հիսուս Քրիստոսի աշակերտներն ենք:

• Մորմոնը հայտարարել է. «Ահա, ես Հիսուս Քրիստոսի մի աշակերտն եմ» (3 Նեփի 5.13): Որպեսզի ձեր դասարանի հետ հետազոտեք, թե ինչ է նշանակում լինել աշակերտ, հրավիրեք դասարանի անդամներին 3 Նեփի 1.4–15, 5.12–26, 6.10–15, և 7.15–26 հատվածներում փնտրել Քրիստոսի աշակերտներին բնորոշ հատկանիշներ, համոզմունքներ և գործողություններ: Դասարանի անդամներին տվեք մի քանի րոպե, որպեսզի խորհեն և գրի առնեն, թե ինչ կարող են անել` Հիսուս Քրիստոսի ավելի լավ աշակերտներ դառնալու համար։

3 Նեփի 2.11–12, 3.12–26, 5.24–26

Երբ արդարները հավաքվում են, Տերը կարող է զորացնել ու պաշտպանել նրանց:

• Գադիանթոնի ավազակներին հաղթելու պատճառներից մեկն այն էր, որ նեփիացիները միավորեցին իրենց ուժերը դարձի եկած լամանացիների հետ, և հետևեցին Լաքոնիուսի ոգեշնչված հրահանգին՝ «ի մի հավաքվել» Զարահեմլայում (3 Նեփի 3.22): Սա ի՞նչ դասեր կարող է պարունակել ձեր դասարանի անդամների համար: Ապա կարող եք խնդրել նրանց կիսվել իրենց փորձառություններով, երբ նրանք զորացվել էին իրենց շրջապատի արդար մարդկանց կողմից: Ապա կարող եք հրավիրել դասարանի անդամներին վերանայել 3 Նեփի 3.12–26-ը, որոնելով պատճառները, թե ինչու նեփիացիները հավաքվեցին, և օրհնությունները, որոնք նրանք վայելեցին: Ինչպե՞ս ենք մենք զգում այս նույն օրհնությունները, երբ հավաքվում ենք մեր ընտանիքների անդամներով կամ ճյուղերով ու ծխերով: Էլ ի՞նչ կարող ենք սովորել հավաքվելու մասին 3 Նեփի 5.24–26 հատվածներից:

• 3 Նեփի 3 գլխի ընթերցումը կարող է օգնելդասարանի անդամներին տեսնել, թե որքան ավելի ուժեղ ենք մենք, երբ արդարությամբ հավաքվում ենք միասին: Հավանաբար դուք կարող եք մտածել որևէ առարկայական դասի կամ վարժության մասին, որը ցույց է տալիս, թե ինչպես որևէ թույլ բան դառնում է ուժեղ, երբ միավորվում է այլ բաների հետ: Հրավիրեք դասարանի անդամներին պատկերացնել, որ իրենց խնդրել են նեփիացիներին համոզել միասին հավաքվելու առավելությունների վերաբերյալ, ինչպես նկարագրվում է հատվածներ 12–26-ում: Գուցե նրանք աշխատեն խմբերով և քննարկեն, թե ինչպես անել այդ՝ հիմնվելով այդ հատվածներում իրենց կարդացածի վրա: Հրավիրեք նրանց կիսվել իրենց գաղափարներով: Ապա դասարանով կարող եք քննարկել այսպիսի հարցեր. Ի՞նչ մարտահրավերների ենք հանդիպում, որոնք կարելի է նմանեցնել Գադիանթոնի ավազակների հետ: Ինչպե՞ս կարող ենք մեր տները և մեր ծխերը դարձնել ապաստաններ։

Նեփի 3․1-13

Մենք չպետք է վախենանք սատանայից:

• Գիդդիանիի` Գադիանթոնի ավազակների առաջնորդի նամակը նեփիացիներին վախեցնելու և խաբելու մի փորձ էր: Դասարանի անդամները կարող են վերանայել նրա խոսքերը, որոնք գտնվում են 3 Նեփի 3.2–10-ում, և համեմատեն դրանք այն ուղիների հետ, որոնցով սատանան գուցե փորձի մեզ խաբել այսօր: Ի՞նչ ենք սովորում Լաքոնիուսի` Նեփիացիների գլխավոր դատավորի արձագանքից:

սովորելու պատկերակ

Խրախուսեք տնային ուսումնասիրությունը

Որպեսզի ոգեշնչեք ձեր դասարանի անդամներին կարդալ 3 Նեփի 8–11-ը հաջորդ շաբաթվա դասի համար, ասացեք նրանց, որ 3 Նեփի 11-ը պարունակում է Մորմոնի Գրքի «գլխավոր իրադարձությունը», Հիսուս Քրիստոսի անձնական ծառայությունը Նեփիացիների մեջ (տես Մորմոնի Գրքի ներածություն):

աղբյուրների պատկերակ

Լրացուցիչ աղբյուրներ

Օգնել հավատք կառուցել աճող սերնդի մեջ:

Երեց Վալերի Վ. Քորդոնը` Յոթանասունից, առաջարկել է աճող սերնդին օգնելու, ավետարանին հավատարիմ մնալու երեք եղանակ:

1. «Լինել ավելի ջանասեր և մտահոգ տան համար: … Զորավոր ուսուցումը խիստ կարևոր է` ավետարանը մեր ընտանիքներում պահպանելու գործում, իսկ դա պահանջում է ջանասիրություն և ճիգեր: Մեզ բազմիցս կոչ են արել ձեռք բերել ամենօրյա ընտանեկան և անհատական սուրբ գրությունների ուսումնասիրության հմտություն: Շատ ընտանիքներ, որոնք անում են այդ, օրհնվում են ամեն օր ավելի մեծ միասնությամբ և Տիրոջ հետ ավելի սերտ փոխհարաբերությամբ»:

2. «Ուժեղ մոդելավորում տանը: … Բավական չէ ուղղակի խոսել մեր երեխաների հետ տաճարային ամուսնության, ծոմապահության և Հանգստության օրը սուրբ պահելու կարևորության մասին: Նրանք պետք է տեսնեն, որ մեր ժամանակացույցի մեջ մենք, որքան հնարավոր է, հաճախ ենք տեղ հատկացնում տաճար այցելելու համար: Նրանք պետք է տեսնեն մեր պարտավորվածությունը հաճախ ծոմ պահելիս և ողջ կիրակի օրը սուրբ պահելիս:

3. «Ավանդույթներ: … Որպես ընտանիքներ, մենք պետք է խուսափենք որևէ ավանդույթից, որը կխանգարի մեզ սուրբ պահել Հանգստության օրը կամ սուրբ գրությունների ամենօրյա ուսումնասիրություն և աղոթք անել տանը: Մենք պետք է փակենք մեր տան թվայնացված տեխնոլոգիաների դռները պոռնոգրաֆիայի և բոլոր այլ չար ազդեցությունների դեմ: Որպեսզի պայքարենք մեր օրերի աշխարհիկ ավանդույթների դեմ, մենք պետք է օգտագործենք սուրբ գրությունները և մեր ժամանակակից մարգարեների ձայնը` ուսուցանելով մեր երեխաներին իրենց աստվածային ինքնության մասին, իրենց կյանքի նպատակի մասին և Հիսուս Քրիստոսի աստվածային առաքելության մասին» («Ավետարանի լեզուն», Ensign կամ Լիահոնա, մայիս 2017, 56–57, շեղագիրն ավելացված է):

Բարելավել մեր ուսուցումը

Ներառեք նրանց, ովքեր դժվարությունների մեջ են: Երբեմն դժվարությունների միջով անցնող դասարանի անդամները պարզապես կարիք ունեն ընդգրկված լինել՝ սիրված զգալու համար։ Խնդրեք նրանց որևէ դեր կատարել եկող դասերից մեկում կամ հավաստիացեք՝ արդյո՞ք նրանք հնարավորություն ունեն մեքենայով գալ եկեղեցի: Մի հուսահատվեք, եթե նրանք սկզբում չարձագանքեն ձեր ջանքերին։ (Տես «Ուսուցանել Փրկիչի ձևով», 8-9:)