Baaj ko waan Rijared ro ioon dān

Inaaj bar Bōklōn̄tak Kom̧ jān M̧wilaļ ko in Lo̧jet, jān Jonathan Arthur Clarke

Nobōm̧ba 16–22

Ether 6–11

“Bwe Nana Ej Maron̄ Jako”

Kemeememj bwe ļo̧o̧k ko raar pād ilo Bok in Mormon raar jeje n̄an tōre in ad. Ilo am̧ m̧aanjabpopo n̄an katakin, etali bwebwenato kein an jeje ko rekwojarjar kōn pedped in katak ko me remaron̄ kōkajoorļo̧k ro uwaan kūlaaj eo n̄an jelm̧ae apan̄ ko ilo mour ko aer.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

N̄an jipan̄ ro uwaan kūlaaj eo kwaļo̧k juon men eo rekar lo eļap meļeļe in ilo Ether 6–11, komaron̄ kūr er n̄an pijaikļo̧k bwe jepta kein raar kōm̧m̧ani n̄an juon pija in alooj; ta eoon ko jān Ether 6–11 renaaj kar elmakote āinwōt juon taitōļ? Leļo̧k n̄an er iien n̄an ļōmņak kōn menin, im kūr er n̄an kwaļo̧k taitōļ ko aer im kōmeļeļeik etke raar kāāleti.

pija ej bōk jikin katakin

Katakin Katak ko

Ether 6:1–12

Irooj enaaj tōl kōj ilo iaļ eo ad ilo mour in.

• Unin tōl eo an wiik in ilo Itok, Ļoor Eō—N̄an Kajjojo Armej im Baam̧le ko ej elmakote keidi an Rijared ro jerak kijoon lom̧aļo eo n̄an em̧m̧akūt eo ad ilo mour wabanban in. Kajjitōk ippān ro uwaan kūlaaj eo me raar kajjion̄e ikkure in ilo m̧weo n̄an kwaļo̧k kōļmenļo̧kjeņ ko raar būki jān waanjon̄ak in. N̄an jipan̄ ro uwaan kūlaaj eo kōm̧m̧an eļapļo̧k keidi ko ilo kūlaaj eo, kūr er n̄an lale ilo Ether 6:1–12 kōn tipdik in meļeļe ko kōn jerakļo̧k eo me emaron̄ in kar meļeļe in ej kōkaļļe (ko āinwōt dekā ko reromaak, baaj ko, im kōto) im kōllaajraki ioon boot eo. Innām ro uwaan kūlaaj eo remaron̄ joļo̧k jejjo minit ko jerbal ruo iaan ruo ak kumi ko reddik n̄an ekkatak eoon kein im ekōnono kake ta eo kōkaļļe kein remaron̄ jutak kake ilo mour ko aer. N̄an waanjon̄ak, ta eo ej ad “ānen kallim̧ur”? (eoon 8). Ekōjkan an Anij tōl kōj ilo em̧m̧akūt eo ad?

• Komaron̄ kōjerbal Ether 6:1–12 n̄an im̧we juon ekōnono kōn ekōjkan an oktakļo̧k n̄an Anij jipan̄ kōj eddōkļo̧k ilo mālijjon̄ ko ad. N̄an waanjon̄ak, “Kein Jipan̄ ko Jet” emaron̄ jipan̄ ro uwaan kūlaaj eo keidi “kōto ekajoor” kar kwaļo̧ke ilo eoon 5–8 ippān apan̄ ko an mour. Ta eo Rijared ro raar kōm̧m̧ane ke raar “raar pooļ ijeņ im ijeņ kōn elōn̄ dān ko”? (eoon 7). Ro uwaan kūlaaj eo emaron̄ kwaļo̧k en̄jake ko aer me apan̄ ko aer raar jipan̄ kōm̧akūt m̧aanļo̧k er. Ekōjkan an wāween eo raar ņa mejļan malijjon̄ ko aer jipan̄ er eddōk m̧aanļo̧k n̄an “ānen kallim̧ur eo” aer? Ekōjkan an Irooj kar jipan̄ er ilo kakkōt ko aer? Kōketak er n̄an keidi naan ko im eoon ko jān Ether 6 ilo aer kwaļo̧k en̄jake ko im ļōmņak ko aer.

  Rijared ro rej em̧m̧akūt kōn mennin mour ko

  Iaļ eo an Rijared ro ilo Asia, jān Minerva Teichert

Ether 6:7–18, 30; 9:28–35; 10:1–2

Irooj ej kōjeraam̧m̧an kōj n̄e jej ettā.

• Men̄e eļap wōt ijo an bwebwenato eo an Rijared ro ej kwaļo̧k kaje ko renana an uteij bōro im nana, ej barāinwōt kobaik iien ko an ettān bōro im jeraam̧m̧an me jemaron̄ ekkatak jāni. N̄an jipan̄ ro uwaan kūlaaj eo ekkatak jān waanjon̄ak kein rem̧m̧an, komaron̄ ajije kūlaaj eo n̄an ruo kumi ko im kappeik juon kumi n̄an riiti Ether 6:7–18 im 30 ilo an kumi eo juon riiti Ether 9:28–35 im 10:1–2. Kajjitōk ippāer n̄an lali eoon kein kōn kein kam̧ool ko me Rijared ro raar kōttāik er make—ak kar kōttāik er jān jekjek ko aer—im ekōjkan an Irooj kar kōjeraam̧m̧an er āinwōt juo tōprak. N̄e ro uwaan kūlaaj ebwe aer iien, kūr ro uwaan jān kajjojo kumi n̄an kwaļo̧k ta eo raar ekkatak. Ekōjkan an ettā bōro jipan̄ kōj epaakeļo̧k Anij? Al ak ron̄jake juon al kōn ettā bōro, eo āinwōt “Ij Aikuij Yuk Aolep Awa” (Al ko Al in Ajri, nō. 8), maron̄ kobaikļo̧k n̄an m̧akūtkūt in.

Ether 7–11

Ritōl ro rejim̧we rej tōl armej ro n̄an Anij.

• Jekdo̧o̧n ro me rejjan̄in kar bōk juon jerbal in tōl emaron̄ ekkatak jān waanjon̄ak ko an kiin̄ ro an Rijared ro rejim̧we im nana; bwebwenato kein remaron̄ jipan̄ kōj erom ritōl ro rem̧m̧anļo̧k ilo m̧ōko im̧ōd, ilo jukjuk in pād ko ad, im ilo m̧ōn jar eo. Bōlen komaron̄ jino juon ekōnono kōn unin kōnono in jān kajjitikin ro uwaan kūlaaj eo n̄an ļōmņak kōn juon eo rej ļōmņak enaaj erom juon ritōl em̧m̧an. Kajjitōk ippāer n̄an kwaļo̧k ilo tukadu in jet iaan bōnjān ko an armej eo, im kōm̧m̧an juon laajrak ioon boot eo. Innām komaron̄ jitōn̄ kajjojo ro uwaan kūlaaj eo n̄an ekkatak kōn juon iaan kiin̄ ro an Rijared ro ilo Ether 7–11. (Juon laajrak in kiin̄ ro, kōn unin jipan̄ ko n̄an jeje ko rekwojarjar me rej kōmeļeļeik iien aer irooj, loi ilo unin tōl eo an wiik in ilo Itok Ļoor Eō—N̄an Kajjojo Armej im Baam̧le ko.) Ro uwaan kūlaaj eo remaron̄ kwaļo̧k ta eo rej ekkatak jān kiin̄ rein kōn tōl, kobaik bar bōnja ko jet rej loi n̄an laajrak eo ioon boot eo. Bōnja in tōl ko jet rem̧m̧an rej ellaajrak ilo “Kein Jipan̄ ko Jet.” Ekōjkan ad maron̄ kōļapļo̧k bōnja kein im erom ritōl ro, jekdo̧o̧n eļan̄n̄e ejjeļo̧k juon ad ijjitōn̄ ejenolo̧k in ritōl?

pija ej bōk jikin ekkatak

Kōketak Ekkatak ilo Mweo

N̄an kōjjerake itok limo eo an ro uwaan kūlaaj eo ilo riiti Ether 12–15, komaron̄ kwaļo̧k bwe ilo jepta kein Moronai eaar kwaļo̧k n̄an Irooj jet iaan jab lōke ko an kōn ļo̧o̧k eo eaar kōjparoke. Uwaak eo an Irooj emaron̄ jipan̄ kōj n̄e ewōr ippād kain en̄jake rōt kein an likjab.

pija ej bōk jikin kein jipan̄ ko

Kein Jipan̄ ko jet

Māllijon̄ ko ad rej kōpooj kōj n̄an bōk mour indeeo.

Ekōnono ilo juon kweilo̧k eo eļap ilo iiō ko reppen an Pata eo Laļ in II, Elder Charles A. Callis jān Doulul eo an Jon̄oulruo Rijilōk ro eaar ba: “Kar jiron̄ kōj bwe ke Rijared ro raar pād ilowaan baaj ko waer raar jerakļo̧k n̄an ānen in kallim̧ur in, ekar wōr lan̄ ko rellukuun kauwōtata im nana. Kōto ko raar letlet im raar pād ilo kauwōtata eo epaak ilo an aolep pād ilo iaļ eo ekuwōtata. Anij eaar rejtak er. Im jej riit bwe men̄e kōto ekkajoor ko im lan̄ ko raar wōnm̧aanļo̧k wōt, kar kōm̧m̧ane kakkure, jon̄an kōto eo eaar wōnm̧aanļo̧k wōt im letlet m̧anļo̧k n̄an Ānen Kallim̧ur eo. Im apan̄ kein me jej iooni, tariņae nana kein im aolep men ko renana me rej waļo̧k, rej pād ilo kajoor eo an Anij. E emaron̄ kabōjraki n̄e E ej kāālet, n̄e jibadbad ko An rekwojarjar rej kūrm̧ool. Ak jen jab meļo̧kļo̧k bwe jān lom̧aļo in jorrāān in, apan̄ ko ad, en̄jake ko me jej anjo̧ ioer im eo Anij enaaj kōm̧m̧ane bwe en jerbal ippān doon n̄an em̧m̧an eo ad, eļan̄n̄e jenaaj pokake E—aolepān men kein rej wuk m̧aanļo̧k kōj n̄an jikin kone jān lan̄ ko, n̄an juon jekļaj eo eaiboojoj, n̄an mou indeeo” (ilo Conference Report, Apr. 1943, 62).

Bōnja ko rejim̧we an ritōl ro.

“Ilo aelōn̄ in kiin̄ eo an Anij, ļaptata im ritōl ej meļeļe in kalimjōk ro jet āinwōt aer lukkuun—āinwōt an Anij kalimjōk er—innām pukotļo̧k er im jerbal in karejar n̄an er. Ej meļeļe in lan̄lōn̄ ippān ro rej m̧ōņōņō, jan̄ ippān ro rej būrom̧ōj, kotak ro rej ilo inepata, im iakwe ro riturid āinwōt an Kraist iakwe kōj. …

“… Tōl ilo Kabun̄ in ejjab kanooj kōn kōjbwebweik ro jet āinwōt kōn m̧ōņōņō eo ad n̄an kōjbwebwe jān Anij n̄an jipan̄ ro jet” (Dieter F. Uchtdorf, “Eo Eļap Tata Ilubwilijimi,” Ensign ak Liaona, Māe 2017, 79–80).

“Men eo wōt em̧m̧an ewōr an kajoor n̄an ļōn̄aj im kōketak doon n̄an jerbal in jipan̄ eo em̧m̧anļo̧k, n̄an tōprak eo em̧m̧anļo̧k, n̄an kajoor eo em̧m̧anļo̧k” (Teachings of Presidents of the Church: Ezra Taft Benson [2014], 244).

“Laļ in ej katakin bwe ritōl ro rej aikuj in kajoor; Irooj ej katakin bwe er rej aikuj ettā. Ritōl ro an laļ in rej bōk kajoor im im̧we jān tōļan ko aer, kapāāl, im m̧weie. Ritōl ro āinwōt Kraist rej bōk kajoor im im̧we “jān wōt jeļā ņae, jān meanwōd, jān inem̧m̧an im ettā bōro, im jān iakwe jab ankilaan riab’ [KB 121:41]” (Stephen W. Owen, “Ritōl ro Reļļap Rej Rikaļoor ro Reļļap,” Ensign ak Kweilo̧k eo Eļap, Māe 2016, 75).

Kōkōm̧anm̧anļo̧k Ad Katakin

Kōketak juon mejatoto in kautiej. Kwoj ke en̄jake ke bwe aolep ro ilo kūlaaj eo ilo ejjeļo̧k uwōta rej kwaļo̧k ļōmņak ko im en̄jake ko aer? “Jipan̄ ro uwaan kūlaaj eo am̧ meļeļe bwe kajjojo iaer rejelet jetōb eo an kūlaaj eo. Kōketa er n̄an jipan̄ eok ejake juon mejatoto ejjeļo̧k ņojak, iakwe, im kautiej bwe aolep ren en̄jake ineem̧m̧an in kwaļo̧k en̄jake ko aer, doulul ko, im naan in kam̧ool ko” (Teaching in the Savior’s Way, 15).