“Bwaai n Ibuobuoki Riki Tabeua,” Nakomai, Iriirai—Ibukin te Reirei n Tabati: Ana Boki Moomon 2020 (2020)
“Bwaai n Ibuobuoki Riki Tabeua,” Nakomai, Iriirai—Ibukin te Reirei n Tabati 2020
Bwaai n Ibuobuoki Riki Tabeua
Bwaai n ibuobuoki aikai a kona ni kuneaki n te Gospel Library app ao n ChurchofJesusChrist.org.
Nakomai, Iriirai—Ibukiia Aomata n Tatabemaniia ao Utu
Ko konaa n anai taian waaki ni kakukurei man te bwai n ibuobuoki aio ni kabonganai n am kiraati n te Reirei n Tabati. Ngkana kaain te kiraati a tia ni karaoi waaki ni kakukurei aikai n aia tai ni kamatebwai koroboki aika tabu i bon irouia ke n aia utu, kaungaia bwa a na tibwaua aia taneiai ao aia nonoori.
Ana Maekatin te Ekaretia
Te New Era, Ensign, ao Riaona te maekatin are e katauraoi rongorongo ao tabeua riki kanoana are e konaa n ibuobuoki n raoni reirei ake ko reiakin man Nakomai, Iriirai—Ibukin te Reirei n Tabati.
Anene n Taromauri ao Aia Boki n Anene Ataei
Katangitang aika a tabu a kaoa te Tamnei ao n reirei reirei n te kawai ae a ururingaki iai. Irarikin ake a koreaki ni booki n Anene n Taromauri ao Aia Boki n Anene Ataei, ko konaa ni kunei anene ake a tia n raweaki ao aia anene ataei inanon music.ChurchofJesusChrist.org ao inanon te LDS Music ao inanon te LDS Media Library apps.
Te Raiburarii ibukin Bwaai ni Kaongora
Korobanna, witeo, ao tabeua bwaai ni kaongora a konaa ni buokiia te koraki ake ko reireiniia ni katamneia te reirei ao karaki ake a kuneaki n Ana Boki Moomon. Nakon medialibrary.ChurchofJesusChrist.org n noori bwaai ni ibuobuoki ake e bobotii te Ekaretia ni bwaai ni kaongora, ni ikotaki ma taian witeo iaon Ana Boki Moomon, are e kaotii bwaai ake a riki n Ana Boki Moomon. Bwaai n ibuobuoki iaon bwaai ni kaongora a reke naba n te LDS Media Library.app.
Korobana n te Euangkerio
Korobana a konaa ni buokiia nake ko reireiniia n katamneia te reirei ao karaki ake a kuneaki n Ana Boki Moomon. Angiin tamnei ake ko konaa ni kabonganai n am kiraati ana kuneaki n te Te Boki n Tamnein te Euangkerio, iaon medialibrary.ChurchofJesusChrist.org, ao n te LDS Music ao te LDS Media Library apps.
Booki n Reirei ibukin te Tieminari ao Intitute
Booki n reirei ibukin te Tieminari ao Intitute a katauraoi rongorongon ao kabwarabwaraan taian koaua iaon reirei ake a kuneaki inanon koroboki aika tabu. A konaa naba ni kaungai iango n anga reirei n te kiraati n te Reirei n Tabati.
Atuun rongorongo n te Euangkerio
Iaon topics.ChurchofJesusChrist.org ko konaa ni kunei rongorongo aika bebete iaon aekakin nako atuun reirei n te euangkerio, ni kaairaki ma kawai nakon bwaai n ibuobuoki ake a na buokiko n aron rongorongo man te maungatabu ni kabuta, taian wareware, koroboki aika tabu, ao witeo. Ko konaa naba ni kunei Gospel Topics Essays, ake a na anga te kamataata ae mwaiti nakon taian titiraki iaon reirein ao rongorongon te euangkerio.
Te Koaua nakon te Onimaki
Te bwai n ibuobuoki aio e tii kabwarabwarai atuun rongorongo n te euangkerio, ni karinanaki n aron tein te koroboki.
Taetaekina Au Euangkerio
Te bwai ni kairi ibukiia mitinare e katauraoa tein aron kabwarabwaraan reirein te euangkerio aika bebete.
Ibukin Kakorakoraia Kairake
Te bwai n ibuobuoki aio e katereterea tein aron ana waaki te Ekaretia iaon te itiaki are e na konaa ni buokiira n teimatoa ni kororaoi ibukin ana kakabwaia te Uea. Iangoia bwa ko na okiokiria n tataraia, ai moararariki ngkana ko reireiniia te roronrikirake.
Reirei n ana Kawai te Tia Kamaiu
Te bwai n ibuobuoki aio e na buokiko n reiakina aron ao kamwakuran reirei n ana kawai n reirei Kristo. Reirei aikai a maroroakinaki ao ni kamwakuraki n tain te bootaki ni boowi ni kauntira n tia reirei.