Te tahi atu mau mātēria tauturu

E nehenehe te rahira’a o teie mau mātēria tauturu e ’itehia i roto i te fa’anahora’a Vaira’a buka ’evanelia i ni’a ia ChurchofJesusChrist.org

Mai, pe’e mai—nō te ta’ata hō’ē ’e te ’utuāfare

E nehenehe tā ’oe e fa’atano i te mau ’ohipara’a o teie mātēria nō te piha Ha’api’ira’a Sābati. Mai te mea ’ua fa’a’ohipa te mau pīahi i teie mau ’ohipara’a i roto i tā rātou iho tuatāpapara’a pāpa’ira’a mo’a ’e ’aore rā tā te ’utuāfare, e fa’aitoito ia rātou ’ia fa’a’ite mai i te mau ’ohipa i tupu nō rātou ’e tā rātou i ’apo mai.

Mau ve’a a te ’Ēkālesia

E hōro’a mai te New Era, te Ensign, ’e te Liahona i te mau fa’ata’ara’a parau ’e te tahi atu mau pāpa’ira’a ’o tē nehenehe e fa’ananea atu ā i te mau parau tumu tā ’oe e ha’api’i i te ta’ata i roto i te Mai, pe’e mai—nō te Ha’api’ira’a Sābati.

Te mau hīmene ’e te buka Chants pour les enfants

E tītau manihini te pehe mo’a i te Vārua ’e e ha’api’i i te ha’api’ira’a tumu ma te hō’ē rāve’a e ’ore roa e mo’ehia. Ta’a ’ē noa atu i te mau nene’ira’a o Te mau hīmene ’e te Chants pour les enfants, e nehenehe tā ’oe e ’ite e rave rahi mau haruharura’a nō te mau hīmene ’e te mau hīmene a te mau tamari’i i ni’a ia music.ChurchofJesusChrist.org ’e i roto i te fa’anahora’a LDS Music ’e LDS Media.

Vaira’a rāve’a ha’apararera’a

E nehenehe te mau hōho’a pēni, te mau video ’e te tahi atu mau rāve’a ha’aparare e tauturu i te feiā tā ’oe e ha’api’i ra ’ia hi’o i te ha’api’ira’a tumu ’e te mau ’ā’amu e ’itehia i roto i te Buka a Moromona. Haere atu e hi’o i ni’a ia medialibrary.ChurchofJesusChrist.org nō te hi’ohi’o i te mau rāve’a ha’aparare a te ’Ēkālesia, mai te mau video nō ni’a i te Buka a Moromona, ’o tē fa’a’ite mai i te mau ’ohipa i tupu i roto i te Buka a Moromona. E ’ite-ato’a-hia te mau mātēria tauturu ha’aparare i ni’a i te fa’anahora’a LDS Media Library.

Hōho’a nō te ’evanelia

E nehenehe te mau hōho’a pēni e tauturu i te feiā tā ’oe e ha’api’i ra ’ia hi’o i te ha’api’ira’a tumu ’e te mau ’ā’amu e ’itehia i roto i te Buka a Moromona. E rave rahi hōho’a tā ’oe e nehenehe e fa’a’ohipa i roto i te ha’api’ira’a, e ’itehia i roto i te Vaira’a hōho’a ’evanelia ’e i ni’a ia medialibrary.ChurchofJesusChrist.org ’e i roto i te mau fa’anahora’a LDS Music ’e LDS Media Library.

Te mau buka nō te séminaire ’e te institut

E hōro’a mai te mau buka seminaire ’e institut i te tahi tātarara’a nō ni’a i te mau ’ohipa i tupu ’e nō ni’a i te ha’api’ira’a tumu ’e te mau parau tumu e ’itehia i roto i te mau pāpa’ira’a mo’a. E ti’a ato’a i te reira ’ia fa’aruru i te tahi mau mana’o ha’api’ira’a nō te piha o te Ha’api’ira’a Sābati.

Mau tumu parau nō te ’evanelia

I ni’a i te topics.ChurchofJesusChrist.org e nehenehe tā ’oe e ’ite i te ha’amāramaramara’a nō ni’a i te mau huru tumu parau ato’a o te ’evanelia, nā reira ato’a te tahi mau hono nō te mau mātēria tauturu mai te mau a’ora’a i te ’āmuira’a rahi, te mau fa’ata’ara’a parau, te mau pāpa’ira’a mo’a, ’e te mau video. E nehenehe ato’a e noa’a mai te tahi Mau tāmatara’a vauvaura’a nō ni’a i te ’evanelia, ’o tē hōro’a i te mau pāhonora’a hōhonu i te mau uira’a nō ni’a i te ha’api’ira’a tumu ’e te ’ā’amu o te ’Ēkālesia.

Mau Māite i te Fa’aro’o

E hōro’a mai teie mātēria tauturu i te mau tātarara’a ’ōhie nō ni’a i te mau tumu parau o te ’evanelia, tei tāpurahia ma te fa’anahora’a pī’āpā.

’Ia Poro Haere i Tā’u Nei ’Evanelia

E hōro’a mai teie arata’i nā te mau misiōnare i te hō’ē hi’ora’a nō te mau parau tumu o te ’evanelia.

Nō te Pūai o te Feiā ’Āpī

E fa’ata’a mai teie mātēria tauturu i te mau ture a te ’Ēkālesia ’o tē nehenehe e tauturu ia tātou ’ia vai ti’amā noa nō te fāri’i i te mau ha’amaita’ira’a a te Fatu. E nehenehe e fa’atoro pinepine i ni’a i te reira, ’ia ha’api’i iho ā rā ’oe i te feiā ’āpī.

Ha’api’ira’a mai tā te Fa’aora

E nehenehe teie mātēria tauturu e tauturu ia ’oe ’ia ha’api’i mai ’e ’ia fa’a’ohipa i te mau parau tumu o te ha’api’ira’a mai tā te Mesia. E tuatāpapahia ’e e fa’a’ohipahia teie mau parau tumu i roto i te mau rurura’a ’āpo’ora’a a te mau ’orometua ha’api’i.