famli i stap plei wan gem

Sam Aedia blong Leftemap Tingting blong Gat Stadi blong Yuwan mo Famli Stadi

Hemia samfala aedia blong helpem yu blong leftemap tingting blong ol memba blong klas blong stadi long toktok blong God long hom, tugeta, wanwan mo wetem ol famli blong olgeta. Yu mas gat tingting mo save se i no evri memba blong klas we i save stadi ol skripja wetem ol famli blong olgeta (eksampol, sam memba oli stap olgetawan nomo, o oli stap insaed long ol haf-memba famli).

• Invaetem ol memba blong klas blong serem ol eksperiens we oli bin gat taem oli bin stap stadi long ol skripja long hom. Eksampol, yu save askem olgeta blong serem wan ves we i bin tajem olgeta bigwan, mo blong oli eksplenem from wanem oli faenem se ves ia i gat mining.

• Askem ol memba blong klas se oli stap mekem wanem blong mekem famli skripja stadi blong olgetawan mo wetem famli i gat moa mining. (Yu save faenem sam aedia long “Sam Aedia blong Kam Antap long Skripja Stadi blong Yuwan”” mo “Sam Aedia blong Kam Antap long Famli Skripja Stadi” insaed long Kam Folem Mi—Blong Wanwan Man, Woman mo Famli.)

• Invaetem ol memba blong klas blong oli serem olsem wanem oli bin mekem folem ol tingting mo filing we oli bin kasem long taem blong skripja stadi blong olgetawan mo blong famli.

• Spenem sam minit blong soem ol memba blong klas sam long ol risos we Jos i givim blong helpem ol memba blong klas blong save stadi long gospel wetem, olsem ol tul blong help blong stadi long skripja we oli stap long scriptures.ChurchofJesusChrist.org; “Ol Stori blong Skripja” we yu save faenem long children.ChurchofJesusChrist.org; ol samting we oli lukluk nomo long ol yut we oli stap long youth.ChurchofJesusChrist.org; ol lesenbuk blong seminari mo institiut; mo ol vidio, ol odio rekoding, mo ol pikja we oli stap long medialibrary.ChurchofJesusChrist.org. Plante long olgeta samting ia oli stap tu long Gospel Laebri ap.

• Spendem sam minit blong eksplenem olsem wanem blong yusum Gospel Laebri ap blong save stadi long ol skripja, mo tu, olsem wanem blong yusum blong makem ol ves, mo raetemdaon ol filing blong yu.

• Invaetem wan, o moa long wan memba blong klas blong serem olsem wanem oli bin tijim sam spesifik gospel prinsipol insaed long famli blong olgeta.