դասարանում խոսող կին

Օգտագործել Եկ, հետևիր ինձ. Կիրակնօրյա Դպրոցի համար

Նախապատրաստվել ուսուցանել Կիրակնօրյա Դպրոցում

Տանը անհատական և ընտանեկան ուսումնասիրությունը պետք է լինի ավետարանը սովորելու կենտրոնը: Սա ճշմարիտ է ձեր և նրանց համար, ում ուսուցանում եք: Երբ պատրաստվում եք ուսուցանել, սկսեք սուրբ գրություններում ձեր ունեցած անձնական փորձառություններից: Ձեր ամենակարևոր նախապատրաստությունը տեղի կունենա, երբ հետազոտեք սուրբ գրությունները և ձգտեք Սուրբ Հոգու ոգեշնչմանը:

Եկ, հետևիր ինձ. Անհատների և ընտանիքների համար ձեռնարկը նույնպես ձեր նախապատրաստության կարևոր մասն է` ինչպես ձեր անհատական ուսումնասիրության, այնպես էլ ուսուցանելուն նախապատրաստվելու համար: Այն կօգնի ձեզ ավելի խորը ըմբռնել սուրբ գրություններում գտնվող վարդապետական սկզբունքները: Դուք նաև կկարողանաք ոգեշնչել և հրավիրել դասարանի անդամներին օգտագործել Եկ, հետևիր ինձ. Անհատների և ընտանիքների համար ձեռնարկը՝ ամրացնելով նրանց անձնական և ընտանեկան սուրբ գրությունների ուսումնասիրությունը, (որպեսզի օգնեք անել սս, տես՝ «Գաղափարներ անհատական և ընտանեկան ուսումնասիրությունը խրախուսելու համար» այս աղբյուրում): Այդ ընթացքում հիշեք, որ պետք է զգայուն լինեք դասարանի անդամների հանդեպ, ում ընտանեկան հանգամանքները գուցե բարենպաստ չեն կանոնավոր ընտանեկան սուրբ գրությունների ուսումնասիրության և ընտանեկան երեկոյի համար:

Ձեր նախապատրաստության ժամանակ մտքեր և տպավորություններ կգան ձեզ այն մարդկանց վերաբերյալ, ում ուսուցանում եք, թե ինչպես սուրբ գրությունների սկզբունքները կօրհնեն նրանց կյանքը և ինչպես կարող եք ոգեշնչել նրանց հայտնաբերել այդ սկզբունքները, երբ նրանք ինքնուրույն ուսումնասիրեն սուրբ գրությունները:

Ուսուցման գաղափարներ

Երբ պատրաստվում եք ուսուցանել, կարող եք ձեռք բերել լրացուցիչ ոգեշենչում՝ հետազոտելով այս աղբյուրի համառոտ շարադրանքները: Մի մտածեք այս գաղափարների մասին որպես քայլ առ քայլ հրահանգների, այլ որպես առաջարկների, որոնք կբոցավառեն ձեր անձնական ոգեշնչումը: Դուք գիտեք ձեր դասարանի անդամներին և ավելի լավ կճանաչեք նրանց, երբ միասին սովորեք դասարանում: Տերը նույնպես գիտի նրանց և Նա կոգեշնչի ձեզ լավագույն եղանակներով, որպեսզի օգնեք դասարանի անդամներին կառուցել ավետարանի գիտելիքի վրա, որը նրանք ստանում են իրենց տներում:

Դուք ունեք բազմաթիվ այլ մատչելի աղբյուրներ, երբ նախապատրաստվում եք, ներառյալ գաղափարներ Եկ, հետևիր ինձ. Անհատների և ընտանիքների համար ձեռնարկից և եկեղեցական ամսագրերը: Այս և մյուս աղբյուրների վերաբերյալ լրացուցիչ տեղեկություն ստանալու համար տես այս աղբյուրում «Լրացուցիչ աղբյուրներ» բաժինը:

Մտապահելու որոշ գաղափարներ

• Տունը լավագույն միջավայրն է ավետարանը սովորելու համար: Որպես ուսուցիչ, դուք կարևոր պարտականություն ունեք աջակցել, քաջալերել և կառուցել դասարանի անդամների կողմից տանը սովորած ավետարանի գիտելիքների վրա:

• Դասարանի անդամների դարձը դեպի Հիսուս Քրիստոսի ավետարանը կխորանա, երբ նրանք հասկանան և կիրառեն ճշմարիտ վարդապետություն: Խրախուսեք նրանց գրի առնել և գործել ըստ այն տպավորությունների, որոնք ստանում են Սուրբ Հոգուց:

• Ուսուցանելն ավելին է, քան դասախոսելը, բայց այն նաև ավելին է, քան ուղղակի քննարկում վարելը: Ձեր դերի մի մասը մասնակցության խրախուսումն է, որը դաստիարակում է, և հիմնված է սուրբ գրությունների վրա: Դուք պետք է կիսվեք նաև ձեր ստացած ոգեշնչող գաղափարներով, որոնք ստացել եք սուրբ գրություններն ուսումնասիրելիս։

• Երկնային Հայրը կամենում է, որ դուք հաջողության հասնեք՝ որպես ուսուցիչ: Նա ապահովել է շատ աղբյուրներ՝ օգնելով ձեզ հաջողության հասնել, ներառյալ ուսուցիչների խորհրդի ժողովները: Այս ժողովներում դուք կարող եք խորհրդակցել մյուս ուսուցիչների հետ մարտահրավերների վերաբերյալ, որոնց հետ բախվում եք: Դուք կարող եք նաև քննարկել և կիրառել քրիստոսանման ուսուցման սկզբունքներ:

• Մարդիկ լավագույն ձևով են սովորում, երբ հնարավորություն են ունենում ուսուցանելու: Առիթի դեպքում, թույլ տվեք դասարանի անդամներին, ներառյալ երիտասարդներին, ուսուցանել դասի մի մասը: Այս որոշումը հիմնավորեք դասարանի անդամների կարիքների և ունակությունների համաձայն: Եթե դուք հրավիրում եք դասարանի որևէ անդամի ուսուցանել, ժամանակ տրամադրեք՝ օգնելով նրան նախապես պատրաստվել՝ օգտագործելով այս աղբյուրում և Եկ, հետևիր ինձ. Անհատների և ընտանիքների համար ձեռնարկում գտնվող գաղափարները: Հիշեք, որ որպես կանչված ուսուցիչ, վերջին հաշվով դուք եք պատասխանատու նրա համար, ինչ ուսուցանվում է դասարանում:

• Այս աղբյուրը ներառում է համառոտ շարադրանքներ տարվա ամեն շաբաթվա համար բացի երկու կիրակիներից, երբ գերագույն համաժողով է տեղի ունենում: Այն կիրակիները, երբ Կիրակնօրյա Դպրոց չի անցկացվում ցցի համաժողովի պատճառով կամ որևէ այլ պատճառով, ընտանիքները կարող են տանը շարունակել ուսումնասիրել Մորմոնի Գիրքը՝ համաձայն ծրագրված ժամանակացույցի Եկ հետևիր ինձ. Անհատների և ընտանիքների համար: Որպեսզի պահեք Կիրակնօրյա Դպրոցի դասը ըստ ժամանակացույցի, կարող եք ընտրությամբ բաց թողնել մեկ դասը կամ միացնել երկու դասը: Խառնաշփոթից խուսափելու համար Կիրակնօրյա Դպրոցի նախագահները գուցե կամենան Կիրակնօրյա Դպրոցի ուսուցիչներին նախապես խորհուրդ տալ այս ճշտումների վերաբերյալ: