“Beberuare 15–21. Reirei ao Berita aika Tabu 14–17: ‘Tei Bwa te Tia Kakoaua,’” Nakomai, Iriirai—Ibukin te Reirei n Tabati: Reirei ao Berita aika Tabu 2021 (2020)
“Beberuare 15–21. Reirei ao Berita aika Tabu 14–17,” Nakomai, Iriirai—Ibukin te Reirei n Tabati: 2021
Beberuare 15–21
Reirei ao Berita aika Tabu 14:7
“Tei Bwa te Tia Kakoaua”
Iangoi taekan reirei ao taai aika kabwarabwaraaki n Reirei ao Berita aika Tabu 14–17. Ko na kanga ni kaungaiia aomata aika ko reireiniia n “tei bwa te tia kakoaua ni bwaai [aikai]”? (Reirei ao Berita aika Tabu 14:8).
Korei Am Namakin
Kaungaa te Tibwatibwa
Tera ae a kunea kaain te kiraati ae uaana n aia kamatebwai ni booki aika tabu i bon irouia ke n aia utu? Tao ko kona ni kaoa te kiraati bwa a na tibwaua teuana te atatai ae nano ibukin irakin Ana mwakuri te Uea man mwakoro n tatabeua nako inanon Reirei ao Berita aika Tabu 14–17.
Reirei te Reirei
Reirei ao Berita aika Tabu 14:7
E kaoira te Uea bwa ti na ira Ana makuri.
-
Tera ae a ataia kaain te kiraati ibukin ana utu Whitmer? (taraa Aika Itiaki, 1:68–69). E kona n ibuobuoki ibukiia ni koroi iaon te burakibooti tabeua koaua iaon ana utu Whitmer. A kanga koaua aikai ni buokiira ni kaotaira n ana reirei te Uea nakoia ana utu Whitmer inanon tiekition 14–16? Te katooto, bukin tera te Uea e kabotaua Ana mwakuri nakon taiakin te nne n aroka?
-
Ni kariaia kaain te kiraati bwa a na tibwauai aia iango ibukin karaoakin ana mwakuri te Uea, kam kona ni koroi kiibu aikai iaon te burakibooti: Reirei ao Berita aika Tabu 14:1; 14:2–4; 14:5, 8; 14:6–7; 14:9–11; 15:6. A kona kaain te kiraati ni wareki kibuntaeka man koroboki aika tabu aikai n ikatoatoa ao ni maroroakina te bwai ae a reiakinna n ana mwakuri te Uea. A kona tabeman n ikatoatoa n tibwaia ma te kiraati te bwai ae a maroroakinna.
-
Kaoia kaain te kiraati bwa a na tibwaua aia atatai ae e na buokiia tabeman ni kaaniia riki nakon te Tia Kamaiu, n raonaki ma mitinare aika bwanin aia tai ke mitinare n ibuobuoki ao rinanon te mwakuri n ibuobuoki. A kanga n noori ana taeka te Uea inanon Reirei ao Berita aika Tabu 15:6 ao 16:6 ni korobukiia inanon maiuia? Tera ae ti reiakinna man mwakoro aikai are a kona ni buokiira ni katauraoira n tibwaua te euangkerio?
Tamneitaan ni mwakuru n te tawana a tauraoi n taia te wiitaKabwarabwaraaia taan mwakuri n te tawana ni uiita iroun Greg Newbold
Ti kona n teimatoa nakon te bwai ae ti ataia, e ngae ngke a totokoira tabeman.
-
Bukin tera ngkai te Uea e katauraoia taan kakoaua ibukin Ana Boki Moomon? A kona kaain te kiraati n tibwauai iango ake a riki nakoia ngke a wareka Reirei ao Berita aika Tabu 17. A kona iango riki tabeua ni kuneaki inanon booki aika tabu ake a kaotaki n atuun te rongorongo mwakoro 17 ke inanon “Aia Koaua Taan Kakoaua aika Teniman,” ae e kuneaki ni moan Ana Boki Moomon. E kanga Aia Koaua Taan Kakoaua aika Teniman ni kakorakorai ara koaua n Ana Boki Moomon?
-
E ngae ngke ti tuai n noriia anera ke n riing bwaatua koora, ma ti teimatoa ni kona ni kaota ara koaua n Ana Boki Moomon. Tera ae a kunea kaain te kiraati inanon mwakoro 17 (n ikotaki ma atuun te mwakoro) are a namakinna bwa e kaineti nakoia? Ngkana iai ae titiraki bwa bukin tera ti kakoaua bwa e koaua Ana Boki Moomon, tera ae ti na taekinna? Tao a kona kaain te kiraati ni korea te kaeka ae kimototo, ao ko kona ni kaoia tabeman n tibwaua te bwai ae a taekinna. Te taeka mairoun Beretitenti Ezra Taft Benson inanon “Bwaai n Ibuobuoki Riki Tabeua” e kona ni kaungaia membwa bwa a na kaota aia koaua iaon ana Boki Moomon nakoia tabeman.
-
E na kaunganano ngkana ti kaoa temanna kaain te kiraati n tibwauai aia atatai taan kakoaua ake tabeman iaon bwaatua aika koora (taraa “Aia Koaua Taan Kakoaua aika Waniman” n Ana Boki Moomon ao n ana taneiai Mary Whitmer inanon Aika Itiaki, 1:70–71). Tera ae ti reiakinna man aia atatai taan kakoaua aikai?
-
Ko na tibwauai rinerine man te witeo “A Day for the Eternities” (ChurchofJesusChrist.org) bwa mwakoron am marooro iaoia taan kakoauaa Ana Boki Moomon (mwakoron taekaia taan Kakoaua aika Teniman e moanaki tao n 15:00).
Bwaai n Ibuobuoki Riki Tabeua
Tibwauakin ara koaua n Ana Boki Moomon.
Beretitenti Ezra Taft Benson e anga te kakao aei nakoia membwa n te Ekaretia n 1988:
“Ana Boki Moomon bon te bwai ni mwakuri are e a tia te Atua ni karaoia bwa e na ‘taonaanako te aonaaba n aron te ieka, ni botiia ake [E] rineia.’ (Mote 7:62.) Te waorium ibukin te boki ae tabu aei ti na rangi ni kabanea ara iango iaon ara kabwarabwara, ara reirei, ao n ara mwakuri ni mintinare.
“… N te tai aei ni bwaai n tamnei aika maiu man te iti ao tibwatibwakin taeka, aika boretiaki aika korakora, ti na bukintaeka imatan te Atua ngkana ti aki tibwatibwa Ana Boki Moomon n te kawai ae moan te korakora.
“Iai iroua Ana Boki Moomon, iai ara membwa, iai ara mitinare, iai ara bwai n ibuobuoki, ao te aonaaba iai kainnanona. Te tai aei e boou!
“Tariu ao mwaneu aika tangiraki, e kaangaanga iroura bwa ti na kona n ataa mwaakan Ana Boki Moomon, ke tabena mai ieta ae riai ni karaoia, ke arona ae riai ni kamwaingaki iai” (Aia Reirei Beretitenti n te Ekaretia: Ezra Taft Benson [2014], 143–44).
Kanakoraoan Ara Anga reirei
Tabeki taian titiraki aika a kaoi kakoaua. Te titiraki ae roko mai ieta e kona n riki bwa te kawai ae mwaaka ni kaoa te Tamnei. Te katooto, ngkana ko anga reirei n Reirei ao Berita aika Tabu 14:9, ko kona n titiraki te titiraki n aron “Ko kanga n ataia bwa Iesu Kristo bon te ‘oota ae aki kona ni karabaaki n te roo’?” (Taraa Reirei n Ana Kawai te Tia Kamaiu, 32.)