“Maati 15–21. Reirei ao Berita aika Tabu 27–28: ‘A Riai Ni Karaoaki Bwaai ni Kabane n Aroia,’” Nakomai, Iriirai—Ibukin te Reirei n Tabati: Reirei ao Berita aika Tabu 2021 (2020)
“Maati 15–21. Reirei ao Berita aika Tabu 27–28,” Nakomai, Iriirai—Ibukin te Reirei n Tabati: 2021
Maati 15–21
Reirei ao Berita aika Tabu 27–28
“A Riai Ni Karaoaki Bwaai ni Kabane n Aroia”
E ngae ngke bwaai ake a riki ake a namakinaki ni karikirakei kaotioti n Reirei ao Berita aika Tabu 27–28 e riki n te tai ao n te tabo ae kaokoro, reirei ake a reiakinaki inanon mwakoro aikai iai te rau inanoia n te bong aei. Tera reirei aika a na kona ni kakabwaiaia kaain am kiraati n taian kaangaanga aika a kaitarai?
Korei Am Namakin
Kaungaa te Tibwatibwa
Anganiia kaain te kiraati tabeua te miniti n rinanon Reirei ao Berita aika Tabu 27–28 ao kakaea te kibu ke te kibuntaeka aika uaana. N anganiia aomata ni kabane aia tai n tibwatibwa, ko kona n tibwaua te kiraati ni kakauoman n tibwaua te bwai ae a kunea.
Reirei te Reirei
Reirei ao Berita aika Tabu 27:1–2
Ti riai n kana te toa ma ti ngkana kam karaoia ni mata teuana nakon mimitongin te Atua.
-
Ni kaunga te marooro iaon Reirei ao Berita aika Tabu 27:1–2, iangoia ni korea te titiraki n aron aei iaon te burakibooti: Tera te bwai ae reireiniira te Tia Kamaiu iaon te kaantaninga bukin te toa? A kona kaain te kiraati n taratarai kibuntaeka inanon kiibu aikai ake a na buokiia ni kaekaa te titiraki. A kona n iai nanoia n tibwauai namakin ake a tia ni karekei n aron karekean riki te atatai ae tabu ngkana ko taua te toa.
A kona kaain te kiraati ni karekei atatai riki aika nano man warekan te bwai ae taekinna te Tia Kamaiu ngke taku bwa E karaoa te toa (taraa Ruka 22:19–20; 3 Nibwaai 18:1–11; taraa naba witeo “The Last Supper” n ChurchofJesusChrist.org). Ngkana e kaoti te Tia Kamaiu n ara bootaki n toa, tera ae ti na kona ni karaoia?
Tamneite kariki ao te mwangko n toaIai n te toa kanikinaa n ana anga karea te Tia Kamaiu.
Reirei ao Berita aika Tabu 27:15-18
E na buokiira Ana bwai ni buaka te Atua ni kaitara te buakaka.
-
Ko na kanga ni buokiia kaain te kiraati n ataa aron kabonganakin Ana bwai ni buaka te Atua ni kaitaraa te buakaka n ara bong? Iangoia n titirakina temanna bwa e na korea tamnein te bwai ni buaka iaon te burakibooti are e kabwarabwaraaki ni kiibu 15–18. A kona ngkanne kaain te kiraati n tibwauai aia atatai aika nano aika kunei n aia kamatebwai ibukin bwaai ni buaka. Ke a kona kaain te kiraati ni wareka Reirei ao Berita aika Tabu 27:15–18 ao ni koroi mwakoron te bwai ni buaka iaon te burakibooti ao mwakoron rabwatana ni kamanoi. Tera ae nanonaki ni katokai iaora ana bwai ni buaka te Atua? Tao a kona kaain te kiraati n taekinna bwa e kanga te Uea ni kamanoira man te buakaka ngkana ti katokai iaora Ana bwai ni buaka te Atua.
-
Ngkana ko reireiniia kairake, ko na bae n tangiria n reita Reirei ao Berita aika Tabu 27:15–18 ma te kainibaire inanon Ibukin Kakorakoraia te Roronrikirake. Te katooto, a kona kaain te kiraati ni wareki kiibu ao ni maroroakinna bwa bukin tera ti kainnanoa ana bwai ni buaka te Atua. A kona n ikatoatoa ni mwakuri ao n rinanon teuana ana kainibaire inanon Ibukin Kakorakoraia te Roronrikirake. Tera ae ti reiakin man bwaai n ibuobuoki aikai iaon ana buaka Tatan ni kaitaraira? E na kanga ana bwai ni buaka te Atua ni buokiira ni kaitarai aia buaka? Ti na kanga ni katoka iaora Ana bwai ni buaka?
Te burabeti ae maiu e karekea te kaotioti ibukin Ana Ekaretia te Uea.
-
Ni buokiia kaain te kiraati n reirei taben te burabeti, ko kona n rinanon te taneiai are e kairaki Iotebwa Timiti bwa e na tataro ao ni karekea mwakoro 28 (taraa naba atuun te mwakoro), ao a kona kairake ni wareki kiibu 2–3, 6–7, 11–13. E kanga Tatan ni kaitaia n anai nanora n iriia naake e tuai n rineia te Uea? Ko na bae ni kaoia kaain te kiraati bwa a na tibwauai aia taneiai ake a kakorakorai aia koaua are te burabeti e karekea te kaotioti ibukin te Ekaretia.
-
Teuana te kawai ibukiia kaain te kiraati bwa a na rinanon Reirei ao Berita aika Tabu 28 bon iangoan ae ataa temanna ae a tibwa tia ni karekea te wewete ae boou n te Ekaretia. Tera ae ti kona n tibwauaia man Reirei ao Berita aika Tabu 28:1–6, 13–16 ni buoka teuanne ke neienne n nakoana? Te taeka inanon “Bwaai n Ibuobuoki Riki Tabeua” e kona ni karin atatai aika nano nakon te marooro.
Bwaai n Ibuobuoki Riki Tabeua
Reirei iaon am kaotioti.
Beretitenti Joseph F. Smith ao ana kauntira n te Moan Beretitentii a reirei:
“Ngkana mii ni burabeti, mii, neewe, taetae ni burabeti, namakin ke bwaintituaraoi aika kamimi ke kairi mai ieta, a anga te bwai teuana ae aki boraoi ma ana kaotioti te Ekaretia aika kariaiakaki ke ni bobuaka ma aia babaire taan kairiiri ake a tia n rineaki, a riai n ataia Aika Itiaki bwa tiaki ibukin te Atua, n aki tabe bwa aekakira kakoauana ae na kaoti. … Bwaai aika tiaki bwain te aro n raonaki ma bwaai n tamnei, a kona Aika Itiaki ni karekea te kairi ao te kaotioiti mai Ieta aika e na iai mwiia nakoia, ma akea te kariaiakaki n tautaekaniia tabeman. …
“Rongorongon ngkoa te Ekaretia iai inanona mwiin kaotioti aika kewe aika a bwaibwai iai taani mwamwana te aba ke tauan te bwai teuana ma te matoatoa ake a kakoauaa te bwai ni kakoaua ae a ukoukoria ao ni kairiia aomata tabeman ni kariaia, ao ni bwaai ni kabane aika riki, te un, nanokawaki ao te urubekebeke ae a tia n riki mai iai” (Joseph F. Smith, Anthon H. Lund, Charles W. Penrose, “A Warning Voice,” Improvement Era, Tebetembwa. 1913, 1148–49).
Kanakoraoan Ara Anga reirei
Kabanea am iango iaon reirei aika teniua. E reirei Beretitenti Boyd K. Packer, “Atakin raoi te reirei ae koaua, e na biti anuaia ao kateia aomata” (“Tai Maaku,” Ensign ke Riaona, Meei 2004, 79). Ngkana ti anga reirei, ti riai ni kabanea ara tai iaon ana reirei Iesu Kristo ngkana ti tangiria ni uoti tamnei Nakoina.