Au Paia ua saunia e siitia

Ua Siitia le Au Paia i Katelani, saunia e Sam Lawlor

12–18 Aperila

Mataupu Faavae ma Feagaiga 37–40

“Afai Tou Te le Tasi, e Le a A’u Outou”

Ae lei fuafuaina mea o le a e faia i le vasega, suesue ma le agaga tatalo le Mataupu Faavae ma Feagaiga 37–40. O le a sili atu ona e maua le taitaiga faaleagaga i lau sauniuniga e aoao atu pe afai e te maua ni aafiaga patino aoga i nei mau.

Tusi Faamaumau Ou Lagona Uunai

aikona o le fefaasoaai

Valaaulia le Fefaasoaai

Mafaufau e tusi i le laupapa, Ao ou faitauina le Mataupu Faavae ma Feagaiga 37–40, na ou lagonaina ua tau mai e le Alii ia te au . E mafai e tagata o le vasega ona faasoa mai pe faapefea ona latou faaumaina le fuaiupu. Uunaia i latou e faasoa mai ni fuaiupu mai a latou faitauga o se vaega o a latou tali.

aikona o le aoao atu

Aoao Atu le Aoaoga Faavae

Mataupu Faavae ma Feagaiga 37–38

E faapotopotoina tatou e le Atua e faamanuia i tatou.

• O nisi taimi e faigofie atu le aoao mai faaaliga i le Mataupu Faavae ma Feagaiga pe a tatou mafaufau ia i tatou lava i le tulaga o tagata na uluai tuuina mai i ai. Ina ia fesoasoani i tagata o le vasega e faia lenei mea i vaega 37–38, e mafai ona e valaaulia i latou e mafaufau faapea o loo latou nonofo i Feiete, Niu Ioka, i le 1831. E mafai e se tasi o le vasega ona faapea o ia o Iosefa Samita ma faitau le vaega 37 ia i latou. Faamata e faapefea ona tatou tali atu i lenei poloaiga? Atonu e mafai e tagata o le vasega ona mafaufau e i ai se latou uo e le manao e faapotopoto i Ohaio; e mafai ona latou sue le vaega 38 mo mataupu faavae e ono uunaia la latou uo ia faamaoni i le poloaiga e faapotopoto. (Afai e manaomia, e mafai ona e faasino sao lava i latou i fuaiupu 1–4, 11–12, 17–22, ma le 27–33.) E mafai foi e tagata o le vasega ona naunau e faasoa pe na faapefea e mataupu faavae faapena ona fesoasoani ia i latou pe a latou manaomia e usiusitai i se poloaiga na foliga faigata.

• E le o toe poloaiina le Au Paia o Aso e Gata Ai e faapotopoto e ala i le siitia i se nofoaga se tasi, ae tatou te faapotopoto pea o ni aiga, uarota, ma siteki. Ina ia talanoaina pe faapefea e lenei faapotopotoina ona faamanuiaina i tatou i le aso, e mafai ona e vaevae le vasega i ni vaega se lua. Fai i le tasi vaega e suesue le Mataupu Faavae ma Feagaiga 38:31-33 ma vaai mo faamanuiaga e faatatau i le faapotopotoina o ni aiga, ma fai i le isi vaega e suesue le fuaitau lava lena ma vaai mo faamanuiaga e faatatau i le faapotopotoina o ni uarota ma siteki. Ona mafai lea ona latou faasoa mai o latou manatu i le vasega. E faapefea ona faamanuiaina i tatou e ala i le faapotopotoina faatasi o se vasega o le Aoga Sa?

Mataupu Faavae ma Feagaiga 38:24–27.

E tatau ona tasi tagata o le Atua.

• O le Au Paia na faapotopoto i Ohaio na o mai i ni tulaga eseese, ae na poloaiina i latou e le Alii ia aveese o latou eseesega ma “ia tasi”fuaiupu 27). Aisea tatou te le mafai ai ona vaai tatou te tutusa ma isi i ni isi taimi? Uunaia tagata o le vasega e mafaufau loloto i ala latou te faia ai isi ao latou faitauina le Mataupu Faavae ma Feagaiga 38:24–27. O le a le uiga o le faia o o tatou uso ma tuafafine e pei o i tatou lava? Aisea e le mafai ai ona avea moni tagata ma tagata o le Atua pe a le tasi?

• O le faitauina o le Mataupu Faavae ma Feagaiga 38:24-27 e mafai ona taitai atu i se talanoaga e uiga i le lotogatasi i a tatou fesootaiga—o ni tagata o le uarota, aiga, ma isi foi. O vitio “A Friend to All” po o le “Love in Our Hearts” i le ChurchofJesusChrist.org e mafai ona fesoasoani. Mo se faataitaiga, e mafai e tagata o le vasega ona faasoa atu fuaitau po o lagona mai le vitio e fesoasoani ia i latou e malamalama atili i mataupu faavae i fuaiupu 24-27. E mafai foi ona latou mafaufau loloto ma faasoa mai manatu e uiga i se fesili e pei “O le a se mea e mafai ona ou faia e fesoasoani ai i la matou uarota ia sili atu le lototasi?”

Mataupu Faavae ma Feagaiga 38:39; 39-40

E finagalo le Tama e tuuina mai ia i tatou oa o le faavavau.

• O le faia o se kata e ono fesoasoani i tagata o le vasega e talanoaina le Mataupu Faavae ma Feagaiga 38:39. I le tasi koluma, e mafai e tagata o le vasega ona lisi “oa o le lalolagi,” po o mea e mafaufauina e taua iinei ae le oo atu i le isi olaga. I le isi koluma, e mafai ona latou lisi ai “oa o le faavavau,” po o mea e taua i le Atua ma e mafai ona faavavau. O a ni aafiaga na aoaoina i tatou faapea o oa o le faavavau e sili atu le taua nai lo oa o le lalolagi?

• O James Covel, e pei o le toatele o tatou, na i ai ni manaoga amiotonu. Ae o lona le usiusitai i taitaiga a le Atua o se lapataiga taua ia i tatou uma lava. Ina ia fesoasoani i tagata o le vasega e aoao mai le aafiaga a Covel, e mafai ona e valaaulia i latou e suesue le vaega 39 mo mea na finagalo le Atua ia te ia e fai. O isi e mafai ona sue mo faamanuiaga na folafolaina ia te ia pe a ia usiusitai. E mafai foi ona latou suesueina le vaega 40 e iloa ai pe aisea na le maua ai e James Covel nei faamanuiaga. E mafai faapefea ona faatatau lona aafiaga ia i tatou? O a “mea o le lalolagi” e taofia i tatou i nisi taimi mai le mauaina o le afioga a le Atua “ma le fiafia”? (Mataupu Faavae ma Feagaiga 40:2).

Faaleleia Lo Tatou Aoao Atu

Aua e te taumafai e aoao atu mea uma. “E tele naua mea e talanoaina i lesona taitasi, ae e le manaomia ona faia le lesona atoa i se vasega se tasi ina ia ootia ai se loto o se tasi—o le tele lava e lava le tasi pe lua ni vaega autu.”(Aoao Atu i le Ala a le Alii, 7). O le Agaga Paia, faamatalaga mai tagata o le vasega, ma manatu i lenei otootoga e mafai ona fesoasoani e te iloa ai le mea e taulai i ai.