uluai faifeautalai o le Ekalesia

5 Aperila–11 Aperila

Mataupu Faavae ma Feagaiga 30-36

“Ua Valaaulia Oe e Talai Lau Talalelei”

A o e faitauina le Mataupu Faavae ma Feagaiga 30–36, o a savali e te lagonaina e faatatau i e o loo e aoaoina? O le a se mea o le a fesoasoani ia i latou e faasoa atu le talalelei i isi?

Tusi Faamaumau Ou Lagona Uunai

aikona o le fefaasoaai

Valaaulia le Fefaasoaai

Atonu e mafai e tagata o le vasega ona fefaasoaai se mea na latou faitauina i le Mataupu Faavae ma Feagaiga 30–36 ua uunaia ai i latou e faasoa atu le talalelei.

aikona o le aoao atu

Aoao Atu le Aoaoga Faavae

Mataupu Faavae ma Feagaiga 30-36

Ua valaauina i tatou e talai atu le talalelei a Iesu Keriso.

• O leotootoga o lenei vaiaso i le Sau, Mulimuli Mai ia te A’u—Mo Tagata Taitoatasi ma Aiga o loo fautuaina ai le suesue i le Mataupu Faavae ma Feagaiga 30–36 mo mea e finagalo ai le Alii i Ana faifeautalai ma mea ua Ia folafola atu ia i latou. E mafai e tagata o le vasega ona faasoa mai mea latou te maua. (Tagai, mo se faataitaiga, Mataupu Faavae ma Feagaiga 30:8; 31:3–5; 32:1, 5; 35:24.) Atonu e mafai ona e valaaulia latou e tusi se tusi i se tasi o loo auauna atu nei poo sauni e auauna atu i se misiona ma aofia ai nisi o faatonuga ma folafolaga a le Alii .

• Pe o e aoaoina ni autalavou o loo sauniuni e auauna atu o ni faifeautalai? Afai o lea, e mafai ona e valaaulia tagata taitasi o le vasega e sue se vaega se tasi mai le Mataupu Faavae ma Feagaiga 30–36 ma sue se mea e uunaia i latou e auauna atu. E mafai ona e tau atu o faifeautalai o loo taua i nei vaega na fou ma leai se poto masani i le Ekalesia. O a mea na agavaa ai i latou e faasoa atu le talalelei? E mafai foi ona e faaali atu se tasi o vitio ua lisiina i “Punaoa Faaopoopo.” O a ni mea o fautua mai e nei vitio pe aisea e tatau ai ona auauna atu e pei o faifeautalai ma le ala e mafai ona tatou saunia ai?

• E le maua uma e tagata le avanoa e auauna faamisiona ai, ae e mafai e tatou uma lava ona valaaulia isi e o mai ia Keriso ma ia faalogo i le savali o le Toefuataiga. E mafai e tagata o le vasega ona faia se lisi o auala eseese e mafai ai ona latou “tatala [o latou] gutu” (Mataupu Faavae ma Feagaiga 33:8–10). O a ni avanoa masani tatou te maua e faasoa atu ai o tatou talitonuga i isi? O le a le fautuaga i le Mataupu Faavae ma Feagaiga 30–36 e faatatau i le faasoaina atu o le talalelei i nei auala? Mafaufau e fai atu i ni nai tagata o le vasega na oo i ni aafiaga lelei o le faasoaina atu o le talalelei e faasoa mai ni a latou auala ma tali fesili e ono fai mai e le vasega.

• Na folafola atu e le Alii ia Ezra Thayer ma Northrop Sweet afai la te tatala o la gutu e faasoa atu le talalelei, o le a “avea i la’ua e pei lava o Nifae o anamua”(Mataupu Faavae ma Feagaiga 33:8). O a uiga o Nifae e mafai ona faatatau i le faasoaina atu o le talalelei? (tagai mo se faataitaiga, 1 Nifae 3:7; 4:6; 10:17; 17:15; 2 Nifae 1:27–28). E faapefea ona fesoasoani nei uiga ia i tatou i a tatou taumafaiga e faasoa atu le talalelei?

  faifeautalai o loo aoao atu

  Ua tau mai e le Alii ia i tatou ia talai le talalelei i o tatou aso e pei o uluai aso o le Ekalesia.

Mataupu Faavae ma Feagaiga 32–33;35

E saunia e le Alii i tatou mo le galuega e finagalo o Ia tatou te faia.

• Na faapefea ona fesoasoani le Alii ia i tatou e faia Lana galuega? O se talanoaga i olaga o tagata i le Mataupu Faavae ma Feagaiga 32–33),35 e mafai ona avea o se amataga lelei mo le mafaufau loloto i nei aafiaga. Mo se faataitaiga, e mafai ona e faasoa atu i le vasega le tala a Ezra Thayer i lana faaaliga i le “Punaoa Faaopoopo” ona valaaulia lea o tagata o le vasega e faitau le Mataupu Faavae ma Feagaiga 33:1–13, o se vaega o le faaaliga ia Ezra Thayer. Na faapefea ona saunia e le Alii Ezra mo le galuega na finagalo le Alii ia te ia e fai? (tagai Mataupu Faavae ma Feagaiga 33:2). E mafai foi ona e fai atu i se tagata o le vasega e faasoa mai ni faamatalaga i tua atu e uiga i le sootaga a Pale P. Palate ma Sini Rikitone (tagai i le “Leo o le Toefuataiga: Molimau a Uluai Tagata Liliu Mai” i le Sau, Mulimuli Mai ia te Au—Mo Tagata Taitoatasi ma Aiga). Na faapefea ona faamanuiaina le Ekalesia i lenei sootaga? O a faamaoniga ua tatou vaaia ai le aao o le Alii i olaga o nei alii? Atonu e mafai e tagata o le vasega ona fefaasoaai i aafiaga na fesoasoani ia i latou e iloa ai na silafia e le Alii i latou i se ala faapenei.

aikona o punaoa faaopoopo

Punaoa Faaopoopo

Vitio i le galuega faafaifeautalai (i le ChurchofJesusChrist.org).

“A Priesthood Duty”

Faaaliga a Ezra Thayer.

Sa tusia e Ezra Thayer faapea i se taimi ae lei papatiso, na ia maua ai se faaaliga lea ‘’sa sau ai se tamaloa ma aumai ia te a’u se taaiga pepa ma tuu mai ia te au, faapea foi ma se pu, ma fai mai ou te feulaina. Sa ou fai atu ia te ia, ou te le’i feulaina lava se pu i lo’u olaga. Sa ia fai mai, e mafai ona e feula, tago e faataitai. Sa sau ai se leo e sili ona matagofie ua ou faalogo i ai” (“Revelation, October 1830–B, Revelation Book 1,” historical introduction, josephsmithpapers.org). Ina ua maua e Iosefa Samita mulimuli ane se faaaliga mo Ezra Thayer ma Northrop Sweet, o loo faamaumauina o le Mataupu Faavae ma Feagaiga 33, na faaliliuina e Ezra le faaaliga o le lola pepa i lana faaaliga.

Faaleleia o Lo Tatou Aoao Atu

Uunaia se siosiomaga faaaloalogia. “Fesoasoani i tagata o lau vasega ia malamalama o i latou taitoatasi e aafia ai le agaga o le vasega. Faamalosiau ia i latou e fesoasoani ia te oe e fausia se siosiomaga faamaoni, alofagia, ma faaaloalogia ina ia lagona e tagata uma le saogalemu e faasoa o latou aafiaga, fesili, ma molimau” (Aoao Atu i le Ala a le Faaola,15).