bangkag iti Missouri

Springhill, Daviess County, Missouri, ni Garth Robinson Oborn

Hunio 7–13

Doktrina ken Katulagan 63

“Sagrado Dayta Naggapu iti Ngato”

Isuratmo dagiti impresion a maawatmo bayat ti panagadalmo iti Doktrina ken Katulagan 63. Mabalin a kasla bassit ti impresion, ngem kas iti maysa a bukel, makapagdakkel daytoy iti maysa a banag a napateg ken nabunga bayat ti panagsapul ken panagutobmo.

Isuratmo dagiti Impresionmo

icon iti panagbibinninglay

Yawis ti Panagbibinninglay

Tapno matulongan a mangipokus iti panangilawlawagmo kadagiti binatog a masarakan a kapatgan dagiti miembro ti klase, mabalinmo nga awisen ida a mangisurat iti papel ti sumagmamano a bersikulo manipud iti benneg 63 a kayatda a paglilinnawagan. Kalpasanna mabalinmo nga ummongen dagiti papel ken rugian a paglilinnawagan dagiti bersikulo nga insingasing ti adu a miembro ti klase. Idawatmo kadakuada a mangibinglay no apay a pinilida dagita a bersikulo.

icon iti panangisuro

Isuro ti Doktrina

Doktrina ken Katulagan 63:7–12

Umay dagiti tanda babaen ti pammati ken ti pagayatan ti Dios.

• Tapno mairugi ti panaglilinnawag maipapan kadagiti pagbatayan a naisuro iti Doktrina ken Katulagan 63:7–12, mabalin a makatulong a mangrebyu iti sumagmamano a pagarigan kadagiti nasantuan a kasuratan dagiti tao a nakasaksi kadagiti tanda wenno milagro. Nalabit a mabalin nga agpanunot dagiti miembro ti klase kadagiti pagarigan dagiti tao a napapigsa ti pammatida a babaen ti maysa a tanda (kas pagarigan, kitaen iti Lucas 1:5–20, 59–64) wenno dagiti tao a nagduadua uray kalpasan ti panagsaksida iti tanda (kitaen, kas pagarigan, iti 1 Nephi 3:27–31; Alma 30:43–56). Kalpasanna mabalin nga usaren dagiti miembro ti klase no ania ti nasursuroda manipud iti Doktrina ken Katulagan 63:7–12 tapno mangilawlawag kadagitoy nadumaduma a reaksion kadagiti tanda. Wenno mabalinmo nga irebyu ti dadduma pay a binatog ti nasantuan a kasuratan maipapan kadagiti tanda, a kas kadagiti nailista iti baba ti “Tanda” iti Pangiwanwan iti Nasantuan a Kasuratan (scriptures. ChurchofJesusChrist.org). Kasano a masiguradotayo a ditayo agsapsapul wenno agpampannuray kadagiti tanda kas maysa a pundasion ti pammatitayo?

Doktrina ken Katulagan 63:13–16

Ti kinadalus ti dayaw kaipapananna ti panangpatalinaed a natarnaw dagiti panunottayo ken aramidtayo.

• Nupay adu iti Doktrina ken Katulagan 63:13–16 ti naipangruna a mangdakamat iti pannakiabig, mabalin a mainaig dagiti pagbatayan a naisuro iti ania man a panaglabsing iti linteg ti kinadalus ti dayaw. Ibilang ti panangawis kadagiti miembro ti klase a mangilasin kadagiti bunga a nailadawan iti Doktrina ken Katulagan 63:13–16. Mabalinda pay ti agaramiid kadagiti tanda ti “panagannad” (bersikulo 15) wenno pammallaag a mangiballaag kadagitoy a bunga. Mabalinda pay nga ilawlawag no ania iti panagkunada ti kaipapanan dagitoy a bunga. Kas pagarigan, apay a ti panaglabsing iti linteg ti kinadalus ti dayaw ket mangiturong iti panangukom manipud iti maysa a tao a “kasla palab-og” (bersikulo 15)? Apay a balakadannatayo ti Apo a “madagdagus nga agbabawi” (bersikulo 15) ti seksual a basol? (kitaen iti palawag ni Linda S. Reeves iti “Dagiti Nainayon a Resources”).

• Ti panangbasa iti Doktrina ken Katulagan 63:16 ket mabalin a mangiturong iti panaglilinnawag maipapan iti nasaknap nga impluensia ti pornograpia iti kagimongantayo. Kasano a mainaig dagiti ballaag iti bersikulo 16 iti daytoy a parikut? (Uray no maiturong daytoy a paltiing a naipangpangruna kadagiti lallaki a paggarteman dagiti babbai, mayaplikar dagitoy a ballaag iti tunggal maysa.) Ania ti maaramidtayo tapno masaluadan ti bagbagitayo ken dagiti ipatpategtayo manipud iti pornograpia? Mabalin a siaayat a mangted dagiti miembro ti klase a mangted iti balakad iti tunggal maysa. Ti website AddressingPornography.ChurchofJesusChrist.org mabalin a mangted iti namnama ken tulong iti asino man a mabalin a mangikarkarigatan nga umadayo iti pornograpia.

  lalaki ken babai iti igid ti templo

  Maparaburantayo no agtungpatayo iti linteg ti kinadalus ti dayaw.

Doktrina ken Katulagan 63:58–64

Nasken a matrato iti panagraem dagiti sagrado a banag.

• Mabalin nga ilawlawagmo ken ti klasem ti Doktrina ken Katulagan 63:58–64 kas maysa a pammallaag a maisuppiat iti panangaramat iti nagan ti Apo iti barengbareng, ken sumagmamano a resources iti artikulo iti Gospel Topics napauluan iti “Profanity” (topics.ChurchofJesusChrist.org) a mabalin a mangpadur-as iti kasta a panaglilinnawag. Matulongam dagiti miembro ti klase a nasaksakup a mangyaplikar kadagitoy a bersikulo. Kas pagarigan, mabalinmo nga ilawlawag no ania ti mainayon ti ragup ti balikas nga “awananda iti turay” (bersikulo 62) iti pannakaawattayo iti binatog. Mabalin pay nga ilista dagiti miembro ti klase dagiti dadduma pay a sagrado a banag nga umay dayta “naggapu iti ngato,” wenno naggapu iti Dios. Ania ti kayat a sawen ti mangisao kadagitoy a banag “a naannad”? (bersikulo 64).

dagiti nainayon a resources icon

Dagiti Nainayon a Resources

Ti kinadalus iti dayaw mangpaikari kadatayo iti panangkadkadua ti Espiritu Santo.

Insuro ni Linda S. Reeves, sigud a miembro ti Sapasap a Panguluen ti Relief Society:

“Awan ti ammok a mangpaikari kadatayo para iti kanayon a panangkadkadua ti Espiritu Santo kas iti saguday .…

“No makiramantayo iti panangbuya, panagbasa, wenno panangpadas iti ania man a banag nga adda iti baba dagiti pagrukodan ti Nailangitan nga Ama, daytoy ti mangpakapuy kadatayo. Ania man ti tawentayo, no ania man ti kitaen, basaen, denggen, wenno pilientayo a saan a mayannurot kadagiti pagrukodan ti Apo iti Para iti Pigsa dagiti Agtutubo, iddepen daytoy, perdien daytoy, ibelleng daytoy, ket iserrayo ti ridaw. …

“… Mamatiak a no inaldaw a malagip ken mabigbig ti kauneg dayta nga ayat ti Nailangitan nga Ama ken ti Mangisalakan para kadatayo, situtuloktayo a mangaramid iti ania man tapno makasublitayo manen iti sidongda, a nakalikmut ti ayatda iti agnanayon” (“Worthy of Our Promised Blessings,” Ensign wenno Liahona, Nob. 2015, 10–11).

Panangpadur-as iti Panangisurotayo

Usarem ti sagrado a musika. Dagiti mensahe iti himno ken kanta manipud iti Children’s Songbook mabalin a mangpatibker iti doktrina nga ad-adalem kadagiti nasantuan a kasuratan. Kas pagarigan, ti panagkansion iti kanta maipapan iti panagdayaw iti nagan ti Dios, kas ti “Glory to God on High” (Hymns, no. 67), mabalin a mangpatibker iti mensahe iti Doktrina ken Katulagan 63:58–64.