« ថ្ងៃទី ១៤–២០ ខែ មិថុនា ។ គោលលទ្ធិ និង សេចក្តីសញ្ញា ៦៤-៦៦ ៖ ‹ ព្រះអម្ចាស់ទ្រង់តម្រូវចិត្ត និងគំនិតដែលស្ម័គ្រតាម › » ចូរមកតាមខ្ញុំ—សម្រាប់សាលាថ្ងៃអាទិត្យ ៖ គោលលទ្ធិ និង សេចក្តីសញ្ញា ឆ្នាំ ២០២១( ឆ្នាំ ២០២០ )
« ថ្ងៃទី ១៤–២០ ខែ មិថុនា ។ គោលលទ្ធិ និង សេចក្តីសញ្ញា ៦៤-៦៦ » ចូរមកតាមខ្ញុំ—សម្រាប់សាលាថ្ងៃអាទិត្យ ៖ ឆ្នាំ ២០២១
ខោនធីដាវីស មិសសួរី
ថ្ងៃទី ១៤–២០ ខែ មិថុនា
គោលលទ្ធិ និង សេចក្តីសញ្ញា៦៤-៦៦
« ព្រះអម្ចាស់តម្រូវចិត្ត និង គំនិតដែលស្ម័គ្រតាម »
នៅអំឡុងពេលការសិក្សារបស់អ្នកនៅសប្តាហ៍នេះ សូមពិចារណាប្រកបដោយការអធិស្ឋាននូវគោលការណ៍ទាំងឡាយចេញពីគោលលទ្ធិ និង សេចក្ដីសញ្ញា ៦៤–៦៦ដែលនឹងបង្កើនសេចក្តីជំនឿរបស់អ្នក និងចំណេះដឹងដល់សិស្សរបស់អ្នក ។
កត់ត្រាចំណាប់អារម្មណ៍របស់អ្នក
អញ្ជើញឲ្យចែកចាយ
សូមលើកទឹកចិត្តសិស្សឲ្យចែកចាយអ្វីមួយដែលពួកគេបានរកឃើញថាមានអត្ថន័យនៅក្នុងការសិក្សារបស់ពួកគេនៅសប្តាហ៍នេះ អ្នកអាចសូមឲ្យពួកគេគិតពីឧបសគ្គដែលយើងប្រឈមនៅសព្វថ្ងៃនេះ ។ សូមអញ្ជើញពួកគេឲ្យចែកចាយខគម្ពីរមួយចេញពី គោលលទ្ធិ និងសេចក្ដីសញ្ញា ៦៤–៦៦ដែលពួកគេមានអារម្មណ៍ថាអាចជួយពួកគេយកឈ្នះលើឧបសគ្គមួយនៃឧបសគ្គទាំងនោះ ។
បង្រៀនគោលលទ្ធិ
គោលលទ្ធិ និង សេចក្ដីសញ្ញា ៦៤:១–១១
យើងត្រូវបានតម្រូវឲ្យអត់ទោសដល់មនុស្សគ្រប់គ្នា ។
-
ប្រហែលជាសិស្សនឹងទទួលបានអត្ថប្រយោជន៍ចេញពីការនិយាយអំពីមូលហេតុនៃការអភ័យទោសឲ្យគ្នាទៅវិញទៅមកអាចជារឿងដ៏លំបាក — ហើយរបៀបដែលពួកគេយកឈ្នះលើការលំបាកទាំងនោះ ។ ពួកគេអាចស្រាវជ្រាវ គោលលទ្ធិ និងសេចក្ដីសញ្ញា ៦៤:១-១១ សម្រាប់គោលការណ៍ និងសេចក្តីពិតដែលបំផុសពួកគេឲ្យកាន់តែចេះអភ័យទោស ។ តើយើងរៀនអ្វីខ្លះ អំពីព្រះអង្គសង្គ្រោះមកពីខគម្ពីរទាំងនេះ ? ដើម្បីជួយបង្ហាញពរជ័យនៃការអភ័យទោស អ្នកអាចចែកចាយដំណើររឿងរបស់ ម៉ូរ៉ែល បូវីន ចេញពីសារលិខិតរបស់អែលឌើរ ជែហ្រ្វី អ័ ហូឡិន « ការងារបម្រើនៃការផ្សះផ្សារ » ( Ensign ឬ លីអាហូណា ខែវិច្ឆិកា ឆ្នាំ ២០១៨ ទំព័រ ៧៧–៧៩ ) ឬ វីដេអូ « Forgiveness: My Burden Was Made Light » ( ChurchofJesusChrist.org ) ។ ឬសិស្សម្នាក់អាចស្ម័គ្រចិត្តដើម្បីចែកចាយសាច់រឿងផ្ទាល់ខ្លួននៃការពង្រីក និងទទួលការអភ័យទោស ។ តើមនុស្សនៅក្នុងឧទាហរណ៍ទាំងនេះបានពរជ័យតាមរយៈការអភ័យទោសយ៉ាងដូចម្តេច ?
គោលលទ្ធិ និង សេចក្ដីសញ្ញា ៦៤:៣១–៣៤
ព្រះអម្ចាស់ សូមឲ្យ « ចិត្ត និង គំនិតដែលស្ម័គ្រតាម » របស់យើង ។
-
ព្រះអម្ចាស់ មិនចង់ឲ្យយើង « ណាយចិត្ត » ទោះជាយ៉ាងណាក្តី វាជាធម្មជាតិរបស់មនុស្សដែលកំពុងព្យាយាមអស់ពីលទ្ធភាពរបស់ពួកគេ — បូករួមទាំង ប្រហែលសិស្សអ្នកមួយចំនួន — កំពុងតែ « ណាយចិត្តនឹងធ្វើការល្អ » ។ ហេតុអ្វីការណាយចិត្តនេះកើតឡើង ? តើការប្រឹក្សាអ្វីខ្លះដែលយើងរកឃើញនៅក្នុង គោលលទ្ធិ និង សេចក្តីសញ្ញា ៦៤:៣១-៣៤ ដែលអាចជួយយើងបាន នៅពេលយើងស្មុគស្មាញជាមួយអារម្មណ៍បែបនោះ ?
-
ដើម្បីធ្វើឲ្យការពិភាក្សារបស់អ្នកកាន់តែស៊ីជម្រៅ អ្នកអាចបង្ហាញរូបភាពនៃអ្វីមួយដែលធំ និងទាក់ទាញដែលបានកសាងអស់រយៈពេលយ៉ាងយូរចេញពី « ការណ៍ដ៏តូចតាច » នេះ — ដូចជាគំនូរគូរចេញពីការតម្រៀបរូប ឬ ការរៀបឥដ្ឋ ។ តើឧទាហរណ៍មួយចំនួនអ្វីខ្លះនៃ « ការណ៍ដ៏ធំធេង » ដែលព្រះអម្ចាស់បានប្រទានដល់យើង ? តើការណ៍ដ៏តូចអ្វីខ្លះដែលយើងអាចធ្វើឥឡូវនេះ ដើម្បីសង់គ្រឹះសម្រាប់កិច្ចការនោះ ?
-
ដើម្បីជួយសិស្សសញ្ជឹងគិតកាន់តែស៊ីជម្រៅអំពី គោលលទ្ធិ និងសេចក្តីសញ្ញា ៦៤:៤៣ អ្នកអាចសរសេរ ចិត្ត និង និង គំនិតដែលស្ម័គ្រតាម នៅលើក្តារខៀន ។ សិស្សអាចសរសេរនៅក្រោមចំណងជើងនូវអ្វីដែលពួកគេយល់ថា វាមានន័យដើម្បីថ្វាយចិត្ត និងគំនិតដែលស្ម័គ្រតាមចំពោះព្រះអម្ចាស់ ។ ចំពោះការពន្យល់ពាក្យទាំងនេះ សូមមើល អែលឌើរ ដូណាល់ អិល ហលស្ត្រម នៅក្នុង « ធនធានបន្ថែមនានា » ។ ខគម្ពីរដូចមានខាងក្រោមក៏អាចផ្តល់ឲ្យគំនិតមួយចំនួនផងដែរ ៖ ម៉ូសាយ ៧:៣៣, អេធើរ ៤:១៥, គោលលទ្ធិ និងសេចក្តីសញ្ញា ៤៣:៣៤, ម៉ូសេ ៧:១៨, យ៉ូសែប ស្ម៊ីធ—ប្រវត្តិ ១:១៩ ។
នគររបស់ព្រះនៅលើផែនដីរៀបចំពិភពលោកសម្រាប់ការយាងមករបស់ព្រះអង្គសង្រ្គោះ ។
-
គោលលទ្ធិ និង សេចក្តីសញ្ញា ៦៥ ផ្តល់ឲ្យនូវការពិពណ៌នាដ៏បំផុសគំនិតពីបេសកកម្មនៃសាសនាចក្ររបស់ព្រះអម្ចាស់ នៅក្នុងថ្ងៃចុងក្រោយ ។ ដើម្បីជួយសិស្សមើលឃើញផ្នែករបស់ពួកគេនៅក្នុងបេសកកម្មនេះ នោះអ្នកអាចអញ្ជើញពួកគេឲ្យស្រាវជ្រាវជំពូកទី ៦៥ដោយការរកមើលចម្លើយចំពោះសំណួរដូចនេះ ៖ តើព្រះអម្ចាស់មានព្រះទ័យចង់ឲ្យនគររបស់ទ្រង់សម្រេចបានអ្វីនៅលើផែនដីនេះ ? តើទ្រង់ចង់ឲ្យខ្ញុំធ្វើអ្វីខ្លះដើម្បីជួយ ? អ្នកក៏អាចមើលវីដេអូ « រៀបចំនៅថ្ងៃនេះសម្រាប់ការយាងមកជាលើកទីពីរ » ( ChurchofJesusChrist.org ) ឬ យោងទៅសារលិខិតរបស់ប្រធាន ដាល្លិនអេក អូក នៅក្នុង « ធនធានបន្ថែមនានា » ។ សិស្សអាចចែកចាយពីរបៀបដែលពួកគេឆ្លើយសំណួររបស់ប្រធានអូក ។
ធនធានបន្ថែមទាំងឡាយ
« ចិត្ត និង គំនិតដែលស្ម័គ្រតាម » ។
អែលឌើរ ដូណាល់ អិល. ហលស្ត្រម បានផ្តល់យោបល់ចំពោះអត្ថន័យនៃឃ្លា « ចិត្ត និងគំនិតដែលស្ម័គ្រតាម » ។
« ចិត្តគឺជានិមិត្តរូបនៃសេចក្តីស្រឡាញ់ និងការតាំងចិត្ត ។ យើងពលិកម្ម ហើយរែកបន្ទុកសម្រាប់ជនដែលយើងស្រឡាញ់ គ្មានហេតុផលណាដែលធ្វើឲ្យយើងស៊ូទ្រាំក្រៅពីសេចក្តីស្រឡាញ់នោះទេ ។ ប្រសិនបើ គ្មានសេចក្តីស្រឡាញ់ទេ នោះការតាំងចិត្តរបស់យើងកាន់តែចុះខ្សោយ ។…
« ការមាន ‹ គំនិតដែលស្ម័គ្រតាម › មិនអាចផ្តល់ឲ្យចិត្តយើងនូវការប្រឹងប្រែង និងគំនិតល្អៗ ហើយស្វែងរកព្រះប្រាជ្ញារបស់ព្រះឡើយ ។ វាបង្ហាញថា ការសិក្សាពេញមួយជីវិតដែលត្រូវលះបង់យ៉ាងច្រើនបំផុតរបស់យើងគួរតែជារបស់ដែលមាននិស្ស័យដ៏អស់កល្បជានិច្ច ។ វាមានន័យថា ទំនាក់ទំនងដ៏អស្ចារ្យរវាងការស្តាប់ព្រះបន្ទូលរបស់ព្រះ និងការគោរពតាមព្រះបន្ទូលមិនអាចបំបែកគ្នាបានទេ » ។ ( « ចិត្ត និងគំនិតដែលស្ម័គ្រតាម » Ensign, ខែ មិថុនា ឆ្នាំ ២០១១ ទំព័រ ៣១–៣២ ) ។
ការរៀបចំសម្រាប់ការយាងមកជាលើកទីពីរ ។
« ចុះបើថ្ងៃនៃការយាងមកនៃ [ ព្រះយេស៊ូវ គ្រីស្ទ ]ជាថ្ងៃស្អែកវិញ ? ប្រសិនបើយើងបានដឹងថា យើងត្រូវជួបនឹងព្រះអម្ចាស់នៅថ្ងៃស្អែក —តាមរយៈការស្លាប់មុនអាយុ ឬតាមរយៈការយាងមកដែលមិនបានរំពឹងជាមុនរបស់ទ្រង់ —តើយើងនឹងធ្វើអ្វីខ្លះនៅថ្ងៃនេះ ? តើយើងនឹងសារភាពអ្វីខ្លះ ? តើយើងនឹងបញ្ឈប់ការអនុវត្តអ្វីខ្លះ ? តើយើងនឹងយកដំណើររឿងណាមួយមកដោះស្រាយ ? តើការអត់ទោសណាខ្លះដែលយើងនឹងធ្វើ ? តើយើងនឹងថ្លែងទីបន្ទាល់អ្វីខ្លះ ? ( ដាល្លិន អេក អូក « PreparationfortheSecondComing » EnsignឬLiahonaខែ ឧសភា ឆ្នាំ ២០០៤ ទំព័រ ៩ ) ។
ការអភិវឌ្ឍន៍ការបង្រៀនរបស់យើង
ទាញយកកម្លាំងមកពីព្រះអង្គសង្គ្រោះ ។ « នៅក្នុងការខិតខំរបស់អ្នកដើម្បីរស់នៅ ហើយបង្រៀនឲ្យកាន់តែដូចជាព្រះអង្គសង្គ្រោះ អ្នកនឹងត្រូវជំពប់ជើងដួលម្ដងម្កាលដោយចៀសពុំរួចនោះទេ ។ ចូរកុំបាក់ទឹកចិត្តឡើយ តែចូរឲ្យកំហុស និងភាពទន់ខ្សោយរបស់អ្នក បង្វែរអ្នកឲ្យទៅរកព្រះវរបិតាសួគ៌ និងព្រះអង្គសង្គ្រោះវិញ » ( ការបង្រៀនតាមរបៀបរបស់ព្រះអង្គសង្គ្រោះទំព័រ១៤ ) ។