“Turai 5–11. Reirei ao Berita aika Tabu 76: ‘E na Korakora Kanuangaia ao E na Akea Tokin Mimitongiia,’” Nakomai, Iriirai—Ibukin te Reirei n Tabati: Reirei ao Berita aika Tabu 2021 (2020)
“Turai 5–11. Reirei ao Berita aika Tabu 76,” Nakomai, Iriirai—Ibukin te Reirei n Tabati: 2021
Te Nne ni Katantan, iroun Shaelynn Abel
Turai 5–11
Reirei ao Berita aika Tabu 76
“E na Korakora Kanuangaia ao E na Akea Tokin Mimitongiia”
N aron mwaitin kaotioti ake a koreaki inanon booki aika tabu, te kaotioti inanon te mwakoro 76 e kaoti ngke Iotebwa Timiti ma Sidney Rigdon “a iangoi raoi” booki aika tabu (te kibu 19). Ngkoe naba ko kona ni karekea te kaotioti—n raonaki ma kairam bwa ko na kanga n reirei—ngkai ko iangoa Reirei ao Berita aika Tabu 76.
Korei Am Namakin
Kaungaa te Tibwatibwa
Ni buokiia kaain te kiraati ni marorokin bwaai ake a wareki n Reirei ao Berita aika Tabu 76, ko kona ni kaoiia bwa a na iangoia ae raoraoia ae kaain te aro teuana e titiraki bwa tera ara koaua ibukin te maiu imwiin te mate. Baikara kiibu man te mwakoro 76 ae a na tibwaia ma raoraoia? A kona kaain te kiraati n tibwatibwa man “Bwanaan Kaokan Bwaai: Kakoaua ibukin ‘te Kaotioti’” are a anaaki nanoia iai.
Reirei te Reirei
E roko te kamaiuaki rinanon Iesu Kristo, are Natin te Atua.
-
Angiina aomata, ngkana a iangoa te mwakoro 76, iangoa te babaire ni kamaiu ao teniua abanuea aika mimitong. Ko na kanga ni buokiia kaain te kiraati n taraia bwa te banna ni katooto ae moan te kakaawaki n te kaotioti aei bon te Tia Kamaiu Iesu Kristo? Ko kona n tuangiia kaain te kiraati bwa a na tibwaua te kibu are a kunea n te mwakoro 76 are e kakorakora aia onimaki iroun Iesu Kristo. Ngkana a kainnanoa buokaia, ko kona ni kotei nakoia kiibu n aron aikai 1–5, 20–24, 39–43, 69, 107–8.
-
Ibukin buokaia kaain te kiraati bwa a na kunea te kaokoro imarenaia naake a karekei teniua abanuea aika mimitong, korea iaon te burakibooti Tiretio, kiibu 50–70, 92–96; Teretirio, kiibu 71–79, 97; ao Teretio, kiibu 81–90, 98–106, 109–12. A kona kaain te kiraati n rinea teuana mai buakon rinanan ni kibu aikai ao ni kakaei kibun taeka are a kabwarabwa te itoman imarenan Iesu Kristo ao aomata ake a karekea abanuea akana a irekereke. Tera ae a reireiniira kibun taeka aikai ngkai ti riki bwa a na reirei Iesu Kristo? “Ti na kanga ni kakorakora ara reitaki ma Ngaia ao ma te Tama? A kanga ni karoko iroura ni buokiira? Tera ae nanonaki bwa ko na “kakaonimaki n te koaua iroun Iesu”? (te kibu 79).
Tamneiruun te mweenga n te ka tebwi ma ruaiwa n tientureInanon te mii ni kaotioti ao Iotebwa Timiti e noori abananuea aika mimitong inanon te ruu ae aekakin aei.
Reirei Ao Berita aika Tabu 76:5–10, 113–18
Ana bwai te Atua aika raba a tii kona n “kaotaki man mwaakan te Tamnei ae Raoiroi.”
-
E na kakukurei aei irouia kaain am kiraati ngkana a ataia bwa tiaki ni kabane kaain te Ekaretia ae a na waekoa ni butimwaea te kaotioti ae inanon te mwakoro 76. N aron te katooto, e taku Brigham Young: “Au katei bon aikai, bwa ngkana e roko moa nakoiu te Kaotioti, e bon rangi ni kaokoro ao ni kaitraa au reirei are mai imwaaina. I taku, Tataninga riki teutana. I aki katinanikua; ma I bon aki oota raoi iai.” E kabwarabwara bwa e riai n “iango ao n tataro, ni wareware ao n iango, ni karokoa are I a bon ataia ao ni bwainin ootau i bon irou” (inanon “The Vision,” Revelations in Context, 150). Tera ae ti reiakinai man te bwai ae rinanona are e kona ni buokiira ngkana te Atua e kaoti bwaai ake a kaokoro man ara atatai aika ngkai? Tera ae ti reiakinna man Reirei Ao Berita aika Tabu 76:5–10, 113–18 bwa ti na kanga ni karekea “ana kaantaninga te [Atua] aika raba”? (te kibu 10).
Reirei Ao Berita aika Tabu 76:50–70, 92–95
Te Atua e tangiriia natina ni kabane bwa a na bane ni kukurei n te abanuea are te tiretio ma Ngaia.
-
Irouia tabeman, e na kona ni kabwaranano ke ni karawawata iangoan bwaai ake a kantaningaaki mairoura n tau ibukin te abanuea are te tiretio. Iangoia bwa ko na kanga ni buokiia kaain te kiraati ni kunea te kaantaninga “rinanon Iesu te tia raoi” (te kibu 69). N aron te katooto, ko kona ni kaoiia bwa a na wareki kiibu 50–70 ao 92–95. Kaoiia bwa e na kanga aia kaeka nakon temanna are e kangai, “Maiuakinan te euangkerio n te aonaaba n te bong aei e bon rangi ni kaangaanga; I aki koaua raoi ngkana e na iai bonganana” ke “I bon aki tau ibukin te abanuea are te tiretio.” Tera ae ti na kona n taekinna n anaa nanon ke ni kaunga te aomata aei?
Kanakoraoan Ara Anga Reirei
Katurua am iango iaon te Tia Kamaiu ao Ana Reirei. “Teimatoa n titirakiniko, ‘E na kanga te bwai ae I anga reirei iaona n ibuobuoki nakoia kaain au kiraati ni karikirakea te onimaki iroun Kristo, te rairannano, karaoan ao kawakinan berita aika tabu ma te Atua, ao ni karekea te Tamnei ae Raoiroi?’” (Reirei n Ana Kawai n te Tia Kamaiu, 20).