Josef Smit we i stap stap tij long Nauvu

Josef Smit we i stap long Nauvu, 1840, i kam long Theodore Gorka

8–14 Novemba

Doktrin mo Ol Kavenan 129–132

“Taem Yumi Kasem Eni Blesing we I Kam long God, Hem I From Fasin blong Stap Obei”

I nomata se hem i impoten blong gat wan plan blong tij folem, hem i impoten tu blong mekem wanem Spirit i talem, mo folem ol nid blong ol memba blong klas. Faenemaot long ol memba blong klas wanem prinsipol insaed long ol seksen 129–132 we oli gat mining long olgeta.

Raetemdaon Ol Filing mo Tingting blong Yu

serem pikja bokis

Invaetem Man blong Serem Wanem Oli Gat

Maet ol memba blong klas oli bin lanem sam samting aot long stadi blong olgeta long ol seksen 129–32 we i go wetem plante defren topik blong gospel. Blong givim wan janis blong serem wanem we oli bin lanem, oli save raetem sam long ol topik ia long bod, olsem ol enjel, fasin blong kam olsem wan god, fasin blong stap obei, huia i God, mo mared we i no save finis (yu save raetem tu ol narawan long bod blong raetem ol nara topik. Ol memba blong klas oli save tekem sam minit blong faenem wan ves long ol seksen ia we i go wetem wan long ol topik ia mo raetem refrens long bod. Afta long hemia, yu save ridim ol ves ia olsem wan klas mo tokbaot wanem wanwan long ol ves ia i stap tijim abaot topik ia.

tijing pikja bokis

Stap Tijim Doktrin

Doktrin mo Ol Kavenan 130:2, 18–23; 131:1–4; 132:20–25

Laef ia, oli minim blong mekem yumi rere blong kam olsem wan god.

• I gat fulap samting we yumi no save abaot fasin blong kam olsem wan god, o laef long selestial kingdom—plante long ol samting ia, bae i go i ova long hamas yumi save andastanem long taem naoia. Be God i bin talemaot samfala impoten samting, mo plante long olgeta oli stap long Doktrin mo Ol Kavenan 130–32. Ol memba blong klas oli save stadi long wan o moa long wan long ol refrens ia we oli stap long lis antap, mo serem eni niu tingting we oli faenem abaot fasin blong kam olsem wan god, o abaot selestial kingdom. ?Olsem wanem nao we, taem yumi save infomesen ia abaot laef we i no save finis, hem i blesem laef blong yumi naoia?

Doktrin mo Ol Kavenan 130:20–21; 132: 5

Ol blesing oli kam taem man i obei long God.

• Doktrin mo Ol Kavenan 130:20–21 mo 132:5 oli tijim semfala prinsipol. Leftemap tingting blong ol memba blong klas blong ridim tufala skripja ia mo talem, wetem toktok blong olgeta nomo, wanem prinsipol ia. ?Olsem wanem prinsipol ia i bin kamaot long laef blong yumi? ?Olsem wanem yumi save faenem hop mo stret tingting long Kraes taem we yu stap obei be ol blesing we yumi wet blong luk oli no kam kwiktaem? Blong save moa long saed ia, yufala i save luklukbak long ol nara tingting long mesej blong Elda Dale G. Renlund “Glad long Fulap Blesing Tumas” (  Liahona, Mei 2019, 70–73).

Doktrin mo Ol Kavenan 131:1–4; 132:3–25

Papa long Heven i mekem i posibol blong ol famli oli no save finis.

• ?Wanem nao bae yumi talem long wan fren we i askem: “?From wanem mared mo famli i impoten tumas insaed long jos blong yu?” Ol memba blong klas oli save tingting long wei we bae oli ansarem kwestin ia taem oli stap ridim Doktrin mo Ol Kavenan 131:1–4; 132:3–25; o ol toktok blong Elda Dieter F. Uchtdorf we oli stap long “Sam Moa Risos.” ?Olsem wanem ol trutok ia oli jenisim wei we yumi stap laef long hem?

  wan man mo wan woman aotsaed long Akra, Gana Tempol

  Ol famli rilesensip oli save kam blong oli no save finis tru long ol odinens blong tempol.

Doktrin mo Ol Kavenan 132:1–2, 29–40

Fasin blong maredem fulap woman, God i save akseptem nomo taem Hem nao i givim oda from.

• Sapos ol memba blong klas oli gat ol kwestin long saed blong fasin blong gat fulap woman, helpem olgeta blong luk se Josef Smit mo ol fasfala Sent oli bin gat ol kwestin tu. Leftemap tingting blong olgeta blong faenem kwestin we Josef i bin askem long Lod insaed Doktrin mo Ol Kavenan 132:1 mo ansa we hem i kasem long ol ves 29–40 (luk tu long Jekob 2:27, 30). Blong helpem ol memba blong klas blong oli lanem abaot ol wei we oli save faenem ol ansa long ol gospel kwestin blong olgeta, bae i save help blong luklukbak tugeta long “Answering Gospel Questions” we i stap long topics.ChurchofJesusChrist.org. Maet ol memba blong klas oli save serem olsem wanem oli bin lukaotem ol ansa long ol kwestin blong gospel, mo olsem wanem oli stap fetful iven taem sam long ol kwestin blong olgeta i no gat ansa long ol.

sam moa risos pikja bokis

Sam Moa Risos

Famli, i “oda blong heven.”

Presiden Dieter F. Uchtdorf i tijim:

“Mi glad bigwan se mi blong wan Jos we i tekem se mared mo famli i impoten tumas. Ol memba blong Jos Ia blong Jisas Kraes blong Ol Lata-dei Sent, oli save gud olgeta truaot long wol from se oli gat ol gudfala mared mo famli we man i save faenem. Mi mi biliv se, hemia i from impoten trutok we Josef Smit i bin putumbak, se mared mo famli oli blong oli no save finis. Ol famli oli jes stap blong mekem ol samting oli go smut nomo long wol ia, mo blong oli sakem afta yumi kasem heven. Be, olgeta nao oli oda blong heven. Oli stap blong ripripitim wan selestial paten mo wanem i famli ia blong God we i no save finis.

“Be wan strong mared mo ol famli rilesensip oli no jes hapen from se yumi ol memba blong Jos. I nidim wok we i gogohed mo oli mekem wetem tingting. Doktrin blong ol famli we oli no save finis i mas givim yumi insperesen blong givim fulwan evri hadwok blong sevem mo mekem ol mared mo ol famli oli kam rij” (“Blong Presen Olgeta we Oli Stap Protektem Man,”   churchofjesuschrist.org/general-conference/2016/04?lang=bis, Mei 2016).

Stap Kam Antap long Fasin blong Yumi blong Stap Tij

Mekem wan envaeromen we i sef. Leftemap tingting blong [ol memba blong klas] blong helpem yu blong stanemap wan ples we man i filim fri blong serem tingting, blong man i filim lav mo respek, blong evriwan i fri mo i filim sef blong serem ol eksperiens, blong askem ol kwestin mo serem ol testemoni” (Teaching in the Savior’s Way, 15