“15–21 Novemba. Doktrin mo Ol Kavenan 133–134: ‘Yufala I Mas Rere From Taem Ia we Man we Bae I Mared I Kam,’” Kam Folem Mi—Blong Sandei Skul: Doktrin mo Ol Kavenan 2021 (2020)
“15–21 Novemba. Doktrin mo Ol Kavenan 133–134,” Kam Folem Mi—Blong Sandei Skul: 2021
Man we Bae I Mared I Stap Kam, i kam long Elizabeth Gibbons
15–21 Novemba
Doktrin mo Ol Kavenan 133–134
“Yufala I Mas Rere From Taem Ia we Man we Bae I Mared I Kam”
?Wanem trutok nao i stap insaed long Doktrin mo Ol Kavenan 133–34 we yu filim se bae i helpem klas blong yu moa? Wetem prea, tingting long ol nid blong olgeta taem yu stap stadi long wik ia.
Raetemdaon Ol Filing mo Tingting blong Yu
Invaetem Man blong Serem Wanem Oli Gat
Yu save raetem ol toktok ia, mekem folem, lisin gud long bod, mo invaetem ol memba blong klas blong raetem, long saed blong ol toktok ia, ol ves insaed long Doktrin mo Ol Kavenan 133–134 we oli biliv se yumi nidim blong lisin gud o mekem folem long taem blong yumi tedei. Askem olgeta blong serem tingting blong olgeta abaot ol ves ia. (Helpem ol memba blong klas blong lukluk stret long ol doktrin prinsipol, be i no long ol tingting blong politik.)
Stap Tijim Doktrin
Doktrin mo Ol Kavenan 133:1–19; 37–39
Lod i wantem yumi rere from Seken Kaming blong Hem.
-
?Olsem wanem bae yu helpem klas blong yu blong andastanem from wanem i impoten blong mekem yufala i klin evriwan blong save helpem ol narawan blong rere from Seken Kaming blong Sevya? Yu save invaetem ol memba blong klas blong luklukbak long Doktrin mo Ol Kavenan 133:1–19, 37–39 mo mekem tu lis: wan lis blong kaonsel blong Lod abaot wei blong mekem yumi kam tabu, mo wan nara lis blong kaonsel abaot wei blong mekem wol ia i rere from Seken Kaming blong Sevya. Long saed blong spirit, i minim wanem blong “i aot long Babilon” (ves 5) mo “ronwe i go long Saeon”? (ves 12). Blong luk moa abaot mining blong fasin blong kam tabu, luk long “Tabu, Fasin blong Mekem I Kam” insaed long Gaed long Ol Skripja (olskripja.ChurchofJesusChrist.org).
Doktrin mo Ol Kavenan 133:19–53
Seken Kaming, bae i wan dei blong glad blong olgeta we oli stret mo gud.
-
long skripja stadi blong olgeta long hom, ol memba blong klas blong yu oli save faenem ol skripja insaed long seksen ia, we i gat mining long olgeta, we i mekem se oli luk fored from Seken Kaming blong Sevya. Invaetem olgeta blong serem ol skripja ia. Mo tu, yu save invaetem klas blong oli sidaon tutu mo luklukgud insaed long ol ves 19–53 mo lukaotem ol risen blong luk fored from Seken Kaming blong Jisas Kraes. Taem we ol memba blong klas oli serem wanem we oli faenem, leftemap tingting blong olgeta blong tokbaot wei we Sevya i bin “pemaot olgeta, mo hem i bin sapotem olgeta, mo hem i bin tekem olgeta” (ves 53). Hemia bae i wan gud janis blong singsing tugeta wan hym abaot paoa ia blong Sevya we i save pemaot man, olsem: “Savior, Redeemer of My Soul” (Hymns, no. 112). ?Wanem nara “singsing blong glad we i no gat en” (ves 33) we yu save helpem yumi filim “bigfala lav mo kaen fasin blong Lod blong [yumi]”? (Vesves 52).
“God i stanemap ol gavman blong gud blong ol man.”
-
Blong helpem ol memba blong klas blong lanem samting aot long Doktrin mo Ol Kavenan 134, yu save putum ol kwestin olsem ol kwestin ia insaed long wan kontena o antap long bod: ?Olsem wanem nao God i wantem ol gavman blong i mekem gud long ol pikinini blong Hem? ?Wanem nao yumi sapos blong mekem sapos ol loa blong wol ia oli agensem ol loa blong heven? ?Wanem nao hem i diuti mo responsabiliti blong yumi olsem ol sitisen? Invaetem ol memba blong klas blong jusum wan kwestin mo yusum seksen 134 blong krietem wan ansa. Leftemap tingting blong ol memba blong klas blong traem blong no tokbaot ol spesifik politik poen o tingting.
-
Fridom blong “wosip long fasin we [yumi] wantem, long weaples we [yumi] wantem, o wanem we [yumi] wantem,”Ol Toktok blong Bilif 1:11i wan spesel janis ia we Lod i wantem evriwan i gat. Sapos yu filim se bae i blong gud blong klas blong yu blong tokbaot prinsipol blong fridom blong relijin, nao tingting blong ridim tugeta Doktrin mo Ol Kavenan 134:4, 7, 9. ?Wanem nao ol ves ia oli stap tijim yumi abaot rol blong gavman blong stap protektem fridom blong relijin? ?Olsem wanem yumi save promotem fridom blong relijin blong ol narawan, mo tu, blong yumiwan bakegen? Ol memba blong klas oli save faenem sam niu tingting blong help blong ansarem kwestin ia; i stap long “Sam Moa Risos.”
Sam Moa Risos
Ol konaston blong fridom blong relijin.
Elda Robert D. Hales i bin tijim:
“I gat fofala konaston blong fridom blong relijin, we yumi, olsem ol Lata-dei Sent, yumi mas stanap long olgeta mo protektem olgeta.
“Hem i fridom blong biliv. I no sapos blong gat wan man o woman, we bae wanwan man o woman, o gavman, we bae i talem nogud hem, mekem nogud hem, o atakem hem from ol samting we hem i biliv abaot God. …
“Nambatu konaston blong fridom blong relijin, hem i fridom blong serem fet blong yumi mo ol bilif blong yumi wetem ol narawan. … Olsem ol papa mo mama, olsem ol fultaem misinari, mo ol memba misinari, yumi dipen long fridom blong relijin blong save tijim doktrin blong Lod insaed long ol famli blong yumi mo raon long wol.
“Nambatri konaston blong fridom blong relijin, hem i fridom blong stanemap wan oganaesesen blong relijin, wan jos, blong wosip long pis wetem ol nara man. Namba leven toktok blong bilif i rid i go olsem:“Mifala i talemaot we mifala i gat raet blong wosipim Hae God long wei we mifala i wantem, mo letem evri man blong gat sem raet ia, letem olgeta blong wosip long fasin we oli wantem, long weaples we oli wantem, o wanem we oli wantem.”
“Nambafo konaston blong fridom blong relijin, hem i fridom blong laef folem fet blong yumi—we yumi fri blong praktisim bilif blong yumi, i no jes insaed long hom mo japel nomo, be tu, long ol pablik ples” (“Preserving Agency, Protecting Religious Freedom,” Ensign o Liahona, May 2015, 112).
Stap Kam Antap long Fasin blong Yumi blong Stap Tij
Tijim poen ia: “from wanem.” Be, sapos [ol memba blong klas] oli andastanem plan we i no save finis, blong Papa long Heven, we Hem i gat blong ol pikinini blong Hem oli stap hapi, bae ol prinsipol blong gospel mo ol komanmen bae oli kam klia, mo bae i pusum olgeta moa blong stap obei” (Teaching in the Savior’s Way, 20).