te utu

Ritembwa 13–19

Te Utu: Te Katanoata nakon te Aonaaba

“Te Utu Bon Boton ana Kainibaire te Tia Karikibwai”

Ngkai ko kamatebwaia “Te Utu: Te Katanoata nakon te Aonaaba” n te wiki aei, iangoi koaua ake a na boutokaia kaain te kiraati n aia mwakuri ni kakorakorai mweengaia ao aia utu.

Korei Am Namakin

te aikaon ibukin te tibwatibwa

Kaungaa te Tibwatibwa

Ni kaungaia kaain te kiraati n tibwauai baike a tia n reiakin n te wiiki aei man kamatebwaian te katanoata ibukin te utu, ko kona n tuangiia bwa a na rinea te barakaraba ao ni kakimototoa nakon teuana te tiententi tera are e reiakinaki n te barakaraba anne.

te aikaon ibukin te anga reirei

Reirei te Reirei

“Te utu bon boton ana kainibaire te Tia Karikibwai.”

• E kinaaki te Ekaretia n ana kabwarabwara iaoia utu, ao te katanoata ibukin te utu e kaoti bukina aika tabu ibukin te katuruturu anne. Ni kaungaa te marooro iaon aei, ko kona ni kaoia kaain te kiraati ni katamneia bwa iai temanna ae titirakinia bwa bukin tera te Ekaretia e taben nanoia utu n ae bati. Tera koaua man te katanoata arei ae ti kona n tibwauaia ni kaeka te titiraki anne?

• Teuana bukina te katanoata ibukin te utu e rangi ni kakaawaki bwa e kamatoai koaua ake a buakanaki n ara bong. Tera koaua n te katanoata ae buokira n aki mwamwanaaki n iango aika kairua ibukin te utu n bong aikai n te aonaba? A kanga koaua aikai n rooti ara rinerine ake ti karaoi? Ana taeka Beretitenti Dallin H. Oaks n “Bwaai ni Ibuobuoki riki Tabeua” e kona n ibuobuoki n kaeka te titirak anne.

  a kuka te utu

  A riai kaaro n tobwaia natiia inanon te tangira ao te raoiroi.

“Te kukurei n te maiu n utu e na kona n reke ngkana e aanaki n ana reirei te Uea ae Iesu Kristo.”

• Marooroakinan reirei n barakaraba onoua ao itiua n te katanoata ibukin te utu e kona n buokiia kaain te kiraati n kunea te kukurei ae raka n aia reitaki n te utu. Iangoa korean reirei iaon te burakibooti ao kaoia kaain te kiraati n rinea teuana te reirei n marooroakinna ma toaia. A kona ni kabonganai titiraki n aron aikai ni kaira aia marooro: Tera katooto n te reirei aei ae ti noria inanon maiura n te utu? E kanga maiuakinan te reirei aei ni kairiira nakokn te kukurei n ara utu? E kanga maiuakina te reirei aei n ibuobuoki ni karika te Tia Kamaiu bwa aan maiun ara utu? Tera kiibu ae kona n buoka ara utu ni kamataataki riki n te reirei aei? (A kona kaain te kiraati ni karekei kiibu man kabonganaan Topical Guide ke Bwaai ni Kairi nakon Koroboki aika Tabu [scriptures.ChurcofJesusChrist.org].) Uake a itoatoa a kona n tibwauaia ma te kiraati baike a reiakin.

  Kabwarabwara bwa tao tera aron ara utu ae ngkai, ti kona ni kataia ni katea te utu ae akea tokina ni kabotoa iaon te Tia Kamaiu ao Ana euangkerio.

“Ti kanakoa bwanara nakoia aomata ake a onimakinaki … bwa a na karikirakei itera ake a karaoaki bwa a na kateimatoai ao ni kamatoa te utu.”

• Ko na kanga ni buokiia kaain te kiraati ni kamataataki n tabeia ni kamatoai koaua ake n te katanoata ibukin te utu? Ni moana te marooro, ko kona ni marooroakin baike a reiakin kaain te kiraati man atuun te katanoata aei. Tera te katanoata? Tera ae kataua te Moan Beretitentii ao te Kauntira n te Tengaun ma Uoman n kanakoa te katanoata nakon te aonaba ni kaineti ma te utu? Kaain te kiraati a kona ni korei baike a taku bwa boto n iango man te katanoata (kaungaia bwa a na taekin taeka aika onoti). Ngkanne a kona ni marooroakin kawai ni katanoatai rongorongo akanne n aia kaawa ao abaia. Ana marooro Titita Bonnie L. Oscarson “Defenders of the Family Proclamation” iai inanona katooto ake kam kona ni botaki n wareki n te kiraati (Ensign ke Riaona, Meei 2015, 14–17). Kam kona ni mataku n te witeo are “Defenders of the Faith” (ChurchofJesusChrist.org).

te aikaon ibukin bwaai n ibuobuoki riki tabeua

Bwaai n Ibuobuoki Riki Tabeua

Utu n ana babaire te Atua.

E reirei Beretitenti Dallin H. Oaks:

“Kaain te Ekaretia aika a oota n Ana baire ni kamaiu te Atua iai aia taratara ae onoti n taraan te aonaaba are e buokiia n ataa oin bukin Ana tua te Atua, aki bitakin tein Ana otenanti aika kainnanoaki ao aron taben ara Tia Kamaiu, Iesu Kristo. Ana Mwakuri ni Kamaiu ara Tia Kamaiu e katae kaira man te mate ao, ni kaineti nakon ara rairannano, e kamaiura man te bure. Man taraan te aonaaba anne, Aomata aika Itiaki ni Boong aika Kaitira iai aia moanibwai ao aia mwakuri aika a onoti ao a kakabwaiaki ma te korakora n teimatoa rinanon te mangaongao ao maraki n te maiu ae mamate. …

“Te babaire n te euangkerio are a riai n iria utu nako ni katauraoi nakon te maiu ae akea tokina ao te karietataaki e kaotaki n ana katanoata te Ekaretia n 1995, ‘Te Utu: Te Katanoata nakon te Aonaaba.’ Eng, kanoana a bon okoro ma tuua n taai aikai, waaki, ao babaire n te aonaba are ti maeka inanona ngkai. Inanon ara bong, kaokoro aika teretere bon maekan te mwane ma te aine bwa taanga n aki mareaki, ieiniia aika bon titebo aron rikiia, karikirakeaia ataei inanon aeka ni iein akanne. Te koraki ake a aki kakoaua ke a tangira te karietataaki ao a anaaki riki nanoia ni kawain te aonaaba a taraa te katanoata ibukin te utu aei bwa bon tii aron kairan te waaki ae riai ni bitaki. Ni kaitaraa anne, Aomata aika Itiaki a kamatoaa bwa te katanoata ibukin te utu e kabwarabwara te aeka n reitaki n te utu are ti na karikirakea iai arora ae akea tokina ae te kabanea ni kakaawaki” (“The Plan and the Proclamation,” Ensign ke Riaona, Nov. 2017, 29).

Kanakoraoan Ara Anga reirei

Maiuakina te euangkerio ma nanom ni kabanea. “Te mwaaka e roko ngkana te tia reirei e a tia ni karaoi ni kabane ana katauraoi, tiaki ti n te reirei n te tai anne, ma ni kawakinan maiuna bwa e na booraoi ma te Tamnei” (Boyd K. Packer, Teach Ye Diligently [1975], 306).