aomata n te aonaaba n tamnei

Iotebwa e nora tamana, tinana, ao tarina n te abanuea ae te tiretio (Miin Iotebwa Timiti iaon te Abanuea are te Teretio, Robert Barrett).

Nobembwa 29–Ritembwa 5

Reirei ao Berita aika Tabu 137–138

“Te Mii ni Burabeti Ibukin Kamauaia Maate”

Beretitenti Dallin H. Oaks e reirei: “Ti kona ni bane ni iango ibon iroura iaon bwaai ake a riki n te aonaba n tamnei. … Ma ti riai n aki reirei ke ni kabonganai bwa reirei aika matoa baike a aki rinanon reirei aika a kariaiakaki.” (“Trust in the Lord,” Ensign ke Riaona, Nobembwa. 2019, 28). Taraia raoi bwa am marooro e boboto iaon koroboki aika a tabu ao aia taeka burabeti.

Korei Am Namakin

te aikaon ibukin te tibwatibwa

Kaungaa te Tibwatibwa

A mwaiti koaua iaon reirei aika man te tamnei ae a kuneaki n Reirei Ao Berita aika Tabu ,137–38. Kaoiia kaain te kiraati bwa a na korei ni karinanii tabeua mai ibuakoia. Ngkanne ko kona n anaa tabeua te miniti n rinanon baike a karinanii ma kaain te kiraati ao ni marooro iaona bwa e aera a kakawaki koaua aikai nakoia. Iai mai ibuakoia ae e reiakina te bwai teuana man mwakoro aikai ae e tuai mataata iai mai imwaina?

te aikaon ibukin te anga reirei

Reirei te Reirei

Reirei ao Berita aika Tabu 137; 138:32–37

Ni kabane tamneia aomata a na iai aia tai n rinea te mimitong are te tiretio.

• A mwaiti mai ibuakora aika ti ataia aomata ake e aki reke aia tai ni butimwaea te euangkerio n te maiu aei—ni ikotaki ma am ataei ake a mate ngke a uarereke. Kaoiia kaain te kiraati bwa a na tibwa te koaua are a kunea ni mwakoro 137 are e buokiia ni mataata n ana babaire te Atua ibukiia aomata aikai. Tera te koaua ae ti kunea n Reirei ao Berita aika Tabu 138:32–37 are e karika riki mataatara n ana babaire te Atua? Kaain te kiraati a kona n anga aia tibwatibwa bwa a kangaa koaua aikai n anganiia aia namakin ibukin Tamara are i Karawa, Ana babaire ni kamaiu, ao Ana Mwakuri ni Kamaiu Iesu Kristo. Te rongorongo inanon “Bwaai n Reirei riki Tabeua” a na kona n ibuobuoki nakon te marooro aei.

Reirei Ao Berita aika Tabu 138:1–11, 25–30

Warekan ao iangoakin raoi koroboki aika tabu a katauraoira ni karekea te kaotioti.

• Te bwai are e rinanona Joseph F. Smith are e kabwarabwaraaki n Reirei ao Berita aika Tabu 138:1–11, 25–30 e buokiira ni mataata bwa ti na kanga ni katauraoira nakon karekean te kaotioti. Tao a kona kaain te kiraati n uaia ni mwakuri ni katebenakoa bwa tera ae a reiakinna iaon kaotioti man kiibu aikai. Ko na bae n tuangiia kaain te kiraati bwa a na tibwauaia bwa e kanga warekan ao iangoan raoi koroboki aika tabu n tia ni katauraoia nakon karekean te kaotioti (taraa naba Iotebwa Timiti—Rongorongo 1:11–12).

• Ana rongorongo Beretitenti M. Russell Ballard “Te Mii ni Burabeti Ibukin Kamauaia Maate” (Ensign ke Riaona, Nobembwa 2018, 71–74) e kabwarabwaraa aron maiun Joseph F. Smith ni katauraoia nakon karekean te kaotioti ae moan te kamimii aei [Reirei ao Berita aika Tabu 138].” Ngkana kaain am kiraati a wareka ana rongorongo Beretitenti Ballard n te wiiki aei, kaungaia bwa a na tibwa te bwai are e ringaki nanoia iai. Ke tao ko na bae ni wareka mwakoron ana rongorong ma kaain te kiraati. Tera ae kaungai nanora ni maiun ao anuan Beretitenti Smith? Tera ae ti kona n reiakinna man ana banna ni katooto?

  korobanna iaon Joseph F. Smith

  Joseph F. Smith, iroun Albert E. Salzbrenner

Reirei ao Berita aika Tabu 138:12–60

Te mwakuri ibukin te mwakuri ni kamaiu e reitinako imwiin te mate.

• Ni buokiia kaain te kiraati bwa a na kunei koaua n Reirei ao Berita aika Tabu 138:12–60, ko kona n anganiia taian titiraki iaon te aonaba n tamnei are iai kaekakiia inanon mwakoro akanne. Te katooto: Tera ae e karaoia te Tia Kamaiu ngke e nako n te aonaba n tamnei? Antai ana tia uarongorongo te Uea, ao tera aia rongorongo? Kaain te kiraati a kona n rinea teuana ke ae e mwaiti man titiraki aikai ao ni mwakuri n aia kurubu ae e uarereke ni kakaei rekeia. Ngkanne a kona n tibwaia imarenaia te koaua are a kunea. Tera te bwai ae e kaokoro ae riki nakon maiura man taian koaua aikai?

• Tera ae ti na taekinna nakoia tabeman ake a titiraki, “Tera ae riki ni matera?” Tera ae ti na tibwaia man Reirei ao Berita aika Tabu 138:12–60 are e kona ni buoka kaekaan te titiraki aio? (taraa naba Aramwa 40:11–15).

te aikaon ibukin bwaai n ibuobuoki riki tabeua

Bwaai n Ibuobuoki Riki Tabeua

Ana babaire te Atua e katauraoa te kawai ibukiia Natina ni kabane bwa a na butimwaea te euangkerio.

E reirei Beretitenti Henry B. Eyring:

“Bon ti tabeman mai ibuakoia natin te Atua ae e reke irouia n te maiu aio te mataata ae e bwanin n ana babaire te Atua, ni ikotaki ma karekean te otenanti ao berita n te nakoanibonga are e karika mwaakan ana mwakuri ni kamaiu te Tia Kamaiu ni mwakuri raoi inanon maiura. …

“Tabeman a na tara aei bwa e tabeitera. Kanga a na taraia bwa bon te kanikina ae bon akea te babaire, akea raoi te kaetieti ibukin te kamaiuaki—n namakinna bwa te Atua ae e momotiraoi, n tangira e na bon aki katea te babaire ae e tauraoi nakoia tii tabeman mai ibuakoia Natina. Tabeman tao a na motikia ae te Atua e a tia ni kaokoroia mai imwaina bwa antai mai ibuakoia Natina ae E na kamaiuia ao ni katauraoa te euangkerio nakoia, ao tekoraki ake a aki ongo te euangkerio tao a bon aki ‘rineaki.’

“Ma ngkoe ao ngai ti ataia, ibukina bwa te koaua are e kaokaki rinanon te Burabeti Iotebwa Timiti, ae ana babaire te Atua e korakora te tangira iai ae e riaon riki anne. Tamara are i Karawa e ingainga ni kan bootiia ao ni kakabwaiaia Ana utu ni kabane. Ngkai E ataia ae tiaki ni kabane ake a na rineia ni kan bootaki, Ana babaire e anganiia Natina n tatabemaniia te kona ni butimwaea ke n totokoa Ana kakao” (“Gathering the Family of God,” Ensign ke Riaona, Meei 2017, 20–21).

Kanakoraoan Ara Anga reirei

Kabonganai aia taeka burabeti. “Koroboki aika tabu ao aia taeka burabeti ao abotoro aika ngkai bon oin taian koaua ake ti reireia. Inanon taai ngkana e kona, karekea inanoia tekoraki ake ko reireiniia bwa a na nakon ana taeka te Atua ibukin kairakiia” (Reirei n ana Kawai te Tia Kamaiu, 21).