“Nobembwa 22–28. Reirei ao Berita aika Tabu 135–136: ‘E a “Tia ni Kamatoaa Ana Mition ao Ana Mwakuri ni Bon Oin Rarana,”’” Nakomai, Iriirai—Ibukin te Reirei n Tabati: Reirei ao Berita aika Tabu 2021 (2020)
“Nobembwa 22–28. Reirei ao Berita aika Tabu 135–136,” Nakomai, Iriirai—Ibukin te Reirei n Tabati: 2021
Karabuti i Carthage
Nobembwa 22–28
Reirei ao Berita aika Tabu 135–136
E a ‘Tia ni Kamatoaa Ana Mition ao Ana Mwakuri ni Bon Oin Rarana”
Ngkai ko wareka mwakoro 135–36, te Tamnei ae Raoiroi e na kona n anganiko nonori are a na buokaki iai kaain am kiraati. Iango aika a koreaki ikai a kona naba ni karioi iango ake ko kona ni kabonganai n am tai n anga reirei.
Korei Am Namakin
Kaungaa te Tibwatibwa
Aio bon te kawai teuana ni kaoia kaain te kiraati n tibwa aia iango iaon mwakoro 135–36. Kaoiia bwa a na iangoia ae aongkoa a kona n taetae nakon temanna kaain te Ekaretia ngkoa man 1844, temanna ae e nanououa ibukin maten Iotebwa Timiti ao e raraoma bwa tera ae e nang riki nakon te Ekaretia. Tera ae ti kona n tibwaia man mwakoro aikai are e na kona ni buoka te aomata aio?
Reirei te Reirei
Reirei ao Berita aika Tabu 135; 136:37–39
Iotebwa ao Hyrum Smith a kamatoaa aia koaua n oin raraiia.
-
E kanga aia mwakuri n anganano Iotebwa ao Hyrum Smith ni “kamatoaa” aia koaua? Tao a na kona kaain te kiraati n iangoa te titiraki aei ngkai a wareka Reirei ao Berita aika Tabu 135; 136:37–39. A kona ngkanne n tibwaua aia iango n te bwai are a karekea. A kona naba n tibwa aia namakin iaon Iotebwa ao Hyrum n aia tatauraoi n anga maiuia ibukin te koaua. Ma ngkai tao ti aki tuangaki bwa ti na mate ibukin te koaua, e na kanga maiura n riki n ae kanga ti “katabua” ibukin ara koaua?
Reirei ao Berita aika Tabu 135:3
Iotebwa Timiti e a tia ni karaoa ae mwaiti riki ibukin kamaiuaia aomata nakoia tabeman ma ti Iesu Kristo.
-
Ko na kanga n buokiia kaain te kiraati n oota bwa tera ae e a tia ni karaoia Iotebwa Timiti ibukin kamaiuaia? Ko kona ni korea iaon te burakibooti Ibukina bwa baike e kaokii te Uea rinanon Iotebwa Timiti, I … ao ngkanne kaoiia kaain te kiraati bwa a na iangoi kawai are e na kabwanina te kibuntaeka. A kona ni waaki man ukoran Reirei Ao Berita Aika Tabu 135:3. ni baike e karaoi Iotebwa Timiti ni buokiira ni karekea te kamaiuaki. Iangoia ni kaoiia kaain te kiraati bwa a na tibwa aia namakin ibukin Iotebwa Timiti ao tera are e kaokia te Uea nakoina.
-
Teuana te kawai ni buokiia kaain te kiraati ni iangoa ana mition Iotebwa Timiti bon man kaoaia bwa a na korea te rongorongo ae e uarereke iaon maiuna ao aroarona n te beeba ni kaongora ke rongorongona are a na anga n tain te taunimate. Ko kona ni maroroakin bwaai ake a riki inanon maiuna aika a kakawaki ke baike e kakoroi bukiia inanon maiuna ake a kona ni mwanewei. Tera ae ti kunea inanon Reirei ao Berita aika Tabu 135 ae e na kona n taekinna? Tera ae a na taekinna inanon aia rongorongo iaon maiuna n te beeba ni kaongora ni buokiia tabeman ni kakorakora aia onimaki n ana mwakuri ae mai ieta Iotebwa Timiti?
-
A bati koaua iaon Iesu Kristo ao Ana Mwakuri ni Kamaiu ake a kaokaki rinanon Iotebwa Timiti—koaua ake a buoka aron te kamaiu ibukiia ni kabane mwaane ao aine. Ni buokiia kaain te kiraati ni kinai taian mwakuri aikai, ko kona ni kaota tamnein Iesu Kristo ao tuangiia tabeman kaain te kiraati n tibwaua te kibu ae e mamate nanoia iai iaon Iesu Kristo man koroboki aika tabu ake a kaokaki rinanon Iotebwa Timiti: ana Boki Moomon, Reirei ao Berita aika Tabu, ao Bwaeao ae Bati Boona. E kanga booki aika tabu aikai ni buokiira n mataata ao ni kaniira riki nakon te Tia Kamaiu? A kanga koaua inanon kiibu aikai ni buoka aron kamaiuakira?
Reirei ao Berita aika Tabu 136
Ti kona ni kakoroa nanon te Uea ngkai ti iriira Ana reirei.
-
Te kamataata n te wiiki aei inanon Nakomai, Iriirai—Ibukiia Aomata n Tatabemaniia ao Utu e tua bwa kaain te kiraati a na kakaei reirei inanon Reirei ao Berita aika Tabu 136 are e na kona ni bitii kakatai nakon taneiai n tamnei. Ko kona n tuangiia kaain te kiraati bwa a na tibwauai reirei ake a kunei. Ko kona naba n tuangiia bwa a na kakaea inanon te mwakoro aio reirei ake a na kona ni buokiia ni kakoroa nanon ana kantaninga te Uea n ara tai ae ngkai, n aron are e buokiia Aika Itiaki inanon “mwanangaia nako Maeao” (kibu 1).
TamneiWinter QuartersWinter Quarters, iroun Greg Olsen
-
E na kakukurei aei irouia kaain am kiraati ni karaoan te boutita n aron ake a kuneaki n ana maekatiin te Ekaretia iaon teuana te kibu inanon te mwakoro 136. Mwakuri ni ikatoatoa ke n ti temanna, a kona kaain te kiraati ni moanna man kakaean koaua ake a nano iai inanon kiibu akanne. A kona ngkanne ni karaoa te boutita ae e bebete karaoana are e kaotia bwa e kanga te koaua aei, are e reiakinaki n 1847, ni kona ni buokiira naba n taai aikai.
Bwaai n Ibuobuoki Riki Tabeua
Anene aika a Irekereke
Aneneakin anene n taromauri aikai ke matakuakinan te witeo e kona ni kaoa te Tamnei ae Raoiroi ke n anga te kairi mai ieta n te marooro iaon ana mwakuri te Burabeti Iotebwa Timiti ao aia anga nano Aika Itiaki ake a reitinako imwiina.
“A Poor Wayfaring Man of Grief” (Anene n Taromauri, no. 29). Ngke a mena n te Karabuti ae Carthage, Iotebwa Timiti e tuanga John Taylor bwa e na anenea te kuna aei.
“Neboa Teuare” (Anene n Taromauri, nambwa. 46; witeo, www.thetabernaclechoir.org/videos/praise-to-the-man-mormon-tabernacle-choir). Taekan te anene aei e koreaki bwa taekan kamoamoaan Iotebwa Timiti.
“Waki Ngkami” (Anene n Taromauri, nambwa. 4; witeo, www.thetabernaclechoir.org/videos/come-come-ye-saints-mormon-tabernacle-choir).
“Faith in Every Footstep” (witeo, www.thetabernaclechoir.org/videos/faith-in-every-footstep).
Kanakoraoan Ara Anga reirei
Taekina koauan reirei aika koaua. Ko kona n tibwaua am koaua n reirein te euangkerio aika koaua inanon nako am anga reirei, tiaki n ti kabanean te reirei. Ngkai ko karaoia, te Tamnei ae Raoiroi e na kaota koauan te reirei inanoia naake ko reireiniia. (Taraa Reirei n ana Kawai te Tia Kamaiu,21.)