maysa a pamilia

Disiembre 13–19

Ti Kaamaan: Maysa a Waragawag iti Lubong

“Ti Kaamaan ti Sentro iti Plano ti Namarsua”

Bayat ti panagadalmo iti “Ti Kaamaan: Maysa a Waragawag iti Lubong” daytoy a lawas, ibilang dagiti kinapudno a mangsuporta kadagiti miembro ti klase kadagiti panagkagumaanda a mangpapigsa kadagiti pagtaengan ken pamiliada.

Isuratmo dagiti Impresionmo

icon iti panagbibinninglay

Yawis ti Panagbibinninglay

Tapno allukoyen dagiti miembro ti klase a mangibinglay no ania ti nasursuroda iti daytoy a lawas manipud iti panagadalda iti ti waragawag ti kaamaan, mabalinmo nga idawat kadakuada a mangpili iti ania man a parapo ken manggupgop iti maysa a binatog no ania ti isuro dayta a parapo.

icon iti panangisuro

Isuro ti Doktrina

“Ti kaamaan ti sentro iti plano ti Namarsua.”

• Maam-ammo ti Simbaan iti panangyunay-unayna kadagiti kaamaan, ken ipalgak ti waragawag ti kaamaan ipalgakna dagiti gapu a mainaig iti doktrina para iti dayta a panangyunay-unay. Tapno maparegta ti panaglilinnawag maipapan iti daytoy, mabalinmo nga awisen dagiti miembro ti klase a mangipapan nga adda maysa a tao a nagsaludsod kadakuada no apay a kasta unay ti panangyunay-unay ti Simbaan kadagiti pamilia. Ania dagiti kinapudno manipud iti waragawag a mabalintayo nga ibinglay a mangsungbat iti saludsod ti tao?

• Maysa a gapu a napateg unay ti waragawag ti kaamaan ket mangipatalged daytoy kadagiti kinapudno a mabatbatikos iti panawentayo. Ania dagiti kinapudno iti waragawag a mangtulong kadatayo a saan a paallilaw kadagiti palso a kapanunotan maipapan kadagiti pamilia iti agdama a lubong? Kasano nga aringan dagitoy a kinapudno dagiti pili nga aramidentayo? Ti palawag ni Presidente Dallin H. Oaks iti “Dagiti Nainayon a Resources” ket mabalin a makatulong iti panangsungbat iti daytoy a saludsod.

  maysa a pamilia nga aglutluto

  Nasken a patanoren dagiti nagannak dagiti annakda iti ayat ken kinalinteg.

“Magun-od ti ragsak ti biag ti kaamaan no nabangon daytoy kadagiti pannursuro ni Apo Jesucristo.”

• Ti panangilawlawag kadagiti prinsipio kadagiti maikanem ken maikapito a parapo ti waragawag ti kaamaan makatulong kadagiti miembro ti klasem a mangsarak iti dakdakkel a ragsak kadagiti relasion iti pamilia. Ibilangamo ti panangilista kadagiti prinsipio iti pisarra ken panangawis kadagiti miembro ti klase a pumili iti maysa a prinsipio a paglilinnawagan iti kada paris. Mabalin nga agusarda kadagiti saludsod kas kadagitoy a mangtarabay kadagiti paglilinnawaganda: Ania dagiti pagarigan daytoy a prinsipio a nakitatayon iti biag ti pamilia? Kasano a ti panangibiag iti daytoy a prinsipio mangiturong iti ragsak kadagiti pamiliatayo? Kasano a ti panagbiag iti daytoy a prinsipio ket makatulong a mangaramid iti Mangisalakan a pundasion ti biag ti pamilia? Ania dagiti nasantuan a kasuratan a mabalin a makatulong kadagiti pamilia a makaawat a nasaysayaat iti daytoy a prinsipio? (Mabalin a sapulen dagiti miembro ti klase dagiti nasantuan a kasuratan nga usarenda iti Topical Guide wenno Pangiwanwan iti Nasantuan a Kasuratan [scriptures.ChurchofJesusChrist.org].) Kalpasanna mabalin nga ibinglay ti kada paris iti klase no ania ti nasursuroda.

  Yunay-unay nga iti baet dagiti agdama a kasasaadtayo iti pamilia, maikarigatantayo ti mangbangon iti agnanayon a pamilia iti pundasion ti Mangisalakan ken ti ebangheliona.

“Awaganmi dagiti mapagtalkan nga umili … nga itandudoda dagiti pagrukodan a naisangrat a mangpatalinaed ken mangpapigsa iti kaamaan.”

• Kasano a matulongam dagiti miembro ti klasem a makaawat iti pagrebbenganda a mangitandudo kadagiti kinapudno iti ti waragawag ti kaamaan? Tapno marugian ti pananglilinnawag, mabalinmo nga ilawlawag no ania ti masursuro dagiti miembro ti klase manipud iti paulo ti waragawag. Ania ti waragawag? Ania ti nangpaikari iti Umuna a Panguluen ken Konseho dagiti Sangapulo-ket-dua nga Apostol tapno mangipaulog iti waragawag iti lubong maipanggep kadagiti kaamaan? Mabalin nga ilista dagiti miembro ti klase no ania dagiti ibilangda a mabalin a kangrunaan a mensahe ti waragawag (allukoyem ida a mangted pagarigan dagiti naipangruna a binatog). Kalpasanna mabalinda a paglilinnawagan dagiti wagas a mangitandudo kadagitoy a mensahe iti komunidad wenno pagilianda. Ti mensahe ni Sister Bonnie L. Oscarson “Defenders of the Family Proclamation” naglaon kadagiti pagarigan a mabalinyo nga irebyu nga aggigiddan kas maysa a klase (Ensign wenno Liahona, Mayo 2015, 14–17). Mabalinyo pay a buyaen ti video “Defenders of the Faith” (ChurchofJesusChrist.org).

dagiti nainayon a resources icon

Dagiti Nainayon a Resources

Dagiti pamilia iti plano ti Dios.

Insuro ni Presidente Dallin H. Oaks:

“Dagiti Santo iti Ud-udina nga Aldaw a makaawat iti plano ti Dios iti pannakaisalakan ket addaanda iti naidumduma a pannirigan a makatulong kadakuada a mangkita iti gapu kadagiti bilin ti Dios, ti saan nga agbalbaliw a kasasaad dagiti indawatna a kasapulan nga ordinansa, ken ti kangrunaan nga akem ti Mangisalakantayo, ni Jesucristo. Ti Pannubbot ti Mangisalakan ket mangted iti wagas a maparmektayo ti patay ken no agbabawitayo, maisalakantayo manipud iti basol. Addaan iti dayta a pannirigan ti lubong, addaan dagiti Santo iti Ud-udina nga Aldaw kadagiti pakaidumaan a prioridad ken kannawidan ken naparaburanda iti pigsa nga agibtur kadagiti pannakapaay ken saem ti mortal a biag. …

“Ti plano ti ebanghelio a nasken a suroten ti tunggal pamilia nga agsagana para iti agnanayon a biag ken pannakaitan-ok ket nabalabala iti 1995 a waragawag ti Simbaan, ‘Ti Kaamaan: Maysa a Waragawag iti Lubong.’ Kinaagpaysona, makita a maigiddiat dagiti palawagna iti sumagmamano nga agdama a linteg, kannawidan, ken suportado ti lubong a pagnaedantayo. Iti panawentayo, dagiti paggidiatan a makita unay ket ti panagdenna a saan a nagkallaysa, panagkallaysa ti agpada a lalaki wenno agpada a babai, ken panangpatanor kadagiti ubbing iti kakasta a relasion. Dagiti saan a mamati wenno di agtarigagay iti pannakaitan-ok ken kaaduan a mauyotan kadagiti wagas ti lubong ibilangda daytoy a waragawag ti kaamaan a kas maysa a sao ti annuroten laeng a nasken a mabalbaliwan. Iti kasupadina, impatalged dagiti Santo iti Ud-udina nga Aldaw a ti waragawag ti kaamaan mangilawlawag iti kaipapanan ti kita dagiti relasion ti pamilia a pakaaramidan ti kapatgan a paset ti agnanayon a panagdur-as” (“The Plan and the Proclamation,” Ensign wenno Liahona, Nob. 2017, 29).

Panangpadur-as iti Panangisurotayo

Agbiagka iti ebanghelio iti amin a pusom. “Dumteng ti bileg no inaramiden ti maysa a mannursuro ti amin a kabaelanna tapno makapagsagana, saan laeng iti tunggal adalen, no di ketdi iti panangitunos iti biagna iti Espiritu” (Boyd K. Packer, Teach Ye Diligently [1975], 306).