vasega o loo nonofo i se li’o

O Se Mamanu mo le Aoao Atu

O otootoga taitasi i lenei punaoa o loo mulimuli i se mamanu o le valaaulia o le fefaasoaai ma le aoaoina atu o le aoaoga faavae.

aikona o le fefaasoaai

Valaaulia le Fefaasoaai

E avea o se vaega o vasega taitasi, valaaulia tagata o le vasega e faasoa mai malamalamaaga ma aafiaga sa latou maua i le vaiaso ua mavae a o latou suesue i tusitusiga paia na o i latou, ma faatasi ai ma o latou aiga ma faaaoga mea sa latou aoaoina. Fesoasoani i tagata o le vasega ia iloa e taua a latou lava suesuega patino i fafo atu o le vasega. O lo latou lava liua patino o le a le gata ina oo mai i le aoaoina mai le Aso Sa, ae faapea foi i o latou aafiaga i aso taitasi. A oo ina faalogo tagata o le vasega i aafiga o isi ma molimau o le talalelei a Iesu Keriso o le a tele lava ina musuia ai i latou e sailia foi ia lava aafiaga e i latou lava.

E le o tagata uma o le a faitauina mataupu mo lesona taitasi, e oo foi i nisi sa faitauina e ono le maua le lagona lelei e faasoa mai ai. Ia mautinoa e lagona e tagata uma o le vasega o ia o se vaega taua o le vasega, pe i ai pe leai foi se mea e faasoa mai.

aikona o le aoao atu

Aoao Atu le Aoaoga Faavae

E tatau ia te oe ma tagata o lau vasega ona taulai atu ia Iesu Keriso ma Lana aoaoga faavae—o upumoni faavavau o le talalelei—o loo maua i fuaitau o mau e atofa atu. A o e talanoaina aoaoga faavae mai mau, o a fuaiupu, upusii, aafiaga, fesili, ma punaoa faaopoopo atonu e te faasoa atu? E faapefea ona e faaaogaina nei punaoa e fesoasoani ai i le vasega ia iloa ma malamalama i mataupu faavae o le talalelei? E mafai faapefea ona e fesoasoani ia i latou ia faamalosia lo latou faatuatua i le Tama Faalelagi ma Iesu Keriso?