“Punaoa Faaopoopo” Sau, Mulimuli Mai ia te A’u—Mo le Aoga Sa: Mataupu ma Feagaiga 2021 (2020)
“Punaoa Faaopoopo,” Sau, Mulimuli Mai ia te A’u—Mo Le Aoga Sa: 2021
Punaoa Faaopoopo
O nei punaoa e mafai ona maua i le polokalama o le Potutusi a le Talalelei [Gospel Library app] ma i luga o le ChurchofJesusChrist.org.
Sau, Mulimuli Mai ia te A’u—Mo Tagata Taitoatasi ma Aiga
E mafai ona e fetuuna’ia soo se gaoioiga mai lenei punaoa mo le faaaogaina i lau vasega o le Aoga Sa. Afai na faaaoga e tagata o le vasega nei gaoioiga i a latou suesuega patino pe faaleaiga, fautuaina i latou e faasoa mai o latou aafiaga ma malamalamaaga.
Viiga ma le Tusipese a Tamaiti
O musika paia e valaaulia le Agaga ma aoao atu ai aoaoga faavae i se ala e manatua pea. E faaopoopo atu i vaega ua lolomi o Viiga ma le Tusipese a Tamaiti, e mafai ona e maua pu’ega o le tele o viiga ma pese a tamaiti i le music.ChurchofJesusChrist.org ma i polokalama i le Sacred Music ma le Gospel Media.
Tusi Lesona o le Seminare ma le Inisitituti
O tusi lesona o le seminare ma le inisitituti o loo maua ai talaaga faasolopito ma faamatalaga faaleaoaoga faavae mo mataupu faavae e maua i tusitusiga paia. E mafai foi ona latou uunaia manatu faafaiaoga mo vasega a le Aoga Sa.
Mekasini a le Ekalesia
O mekasini o le New Era, Ensign, ma le Liahona o loo i ai ni tusiga ma isi vaega ia e mafai ona faaopoopo i mataupu faavae o loo e aoao atua mai le Mataupu Faavae ma Feagaiga.
O Autu o le Talalelei
I le Gospel Topics (topics.ChurchofJesusChrist.org) e mafai ona e maua ai faamatalaga faavae e uiga i autu eseese o le talalelei, faatasi ai ma punaoa aoga, e pei o lauga o konafesi aoao e fesootai i ai, o tala, mau, ma vitio. E mafai foi ona e mauaina Gospel Topics Essays, lea e maua ai tali auiliili i fesili faaleaoaoga faavae ma talafaasolopito.
Tala’i La’u Talalelei
O lea taiala mo faifeautalai e maua ai se vaaiga aoao i uluai mataupu faavae o le talalelei.
Mo le Malosi o le Autalavou
O lea punaoa o loo otooto mai ai tulaga faatonuina o le Ekalesia e fesoasoani i le autalavou ma isi ia avea ma ni soo faamaoni o Iesu Keriso. Mafaufau e faaaoga soo, ae maise lava pe afai o loo e aoaoina le autalavou.
Vitio ma Ata
O faatufugaga, vitio, ma isi faasalalauga e mafai ona fesoasoani ia i latou e te faiaoga ai e vaai faalemafaufau i aoaoga faavae ma tala e fesootai i tusitusiga paia. Asiasi i le Gospel Media library i le ChurchofJesusChrist.org e matamata ai i punaoa o faasalalauga ua faaputu e le Ekalesia. O nei punaoa e maua foi i le polokalama o Faasalalauga o le Talalelei, ma le tele o ata e maua foi i le Tusiata o le Talalelei.
Faaaliga i le Tusiga
Faaaliga i le Tusiga: O Tala i Tua Atu o Vaega o le Mataupu Faavae ma Feagaiga o se tuufaatasiga o tala tusia i le talafaasolopito na siomia faaaliga o loo i le Mataupu Faavae ma Feagaiga. O le tusiga i lenei punaoa e mafai ona fesoasoani ia te oe e malamalama atili ai po o le a le uiga o upu a le Alii i le Mataupu Faavae ma Feagaiga atonu na i ai i uluai Au Paia o Aso e Gata Ai.
Au Paia
O le Au Paia o se talafaasolopito o le Ekalesia ua faamatalaina i ni voluma se tele. Voluma 1 O Le Tagavai o le Upumoni, ma le voluma 2, Leai se Lima Eleelea, e faatatau i le vaitau lava e tasi o le talafaasolopito o le Ekalesia e pei o le Mataupu Faavae ma Feagaiga. O nei talafaasolopito e mafai ona tuuina atu ia te oe ni vaaiga i le tusiga o siomia ai faaaliga e te suesueina i le Mataupu Faavae ma Feagaiga.
O Autu o le Talafaasolopito a le Ekalesia
O ni tusiga e uiga i tagata, tusiata, fanua, ma mea na tutupu o le talafaasolopito e mafai ona maua i le ChurchofJesusChrist.org/study/history/topics.
Aoao Atu i le Ala a le Faaola
O lea punaoa e mafai ona fesoasoani ia te oe e aoao ai ma faaaoga mataupu faavae o le aoao atu faapei o Keriso. O nei mataupu faavae o loo talanoaina ma faata’ita’i i fonotaga faaaufono a faiaoga.