Te tahi atu mau rāve’a tauturu

E nehenehe teie mau rāve’a tauturu e ’itehia i roto i te fa’anahora’a ’āfa’ifa’i nō te Vaira’a buka ’evanelia ’e i ni’a i te ChurchofJesusChrist.org.

Mai, pe’e mai—nō te ta’ata hō’ē ’e te ’utuāfare

E nehenehe tā ’oe e fa’atano i te mau ’ohipara’a i roto i teie rāve’a tauturu i tā ’oe piha Ha’api’ira’a Sābati. Mai te mea ’ua fa’a’ohipa te mau pīahi i teie mau ’ohipa i roto i tā rātou iho tuatāpapara’a pāpa’ira’a mo’a ’e ’aore rā i tā te ’utuāfare, e fa’aitoito ia rātou ’ia fa’a’ite mai i te mau ’ohipa i tupu nō rātou ’e tō rātou mau mana’o.

Te mau hīmene ’e Te buka hīmene nā te tamari’i

E ani manihini te pehe mo’a i te Vārua ’e e ha’api’i i te ha’api’ira’a tumu nā roto i te hō’ē rāve’a e ’ore roa e mo’ehia. Ta’a ’ē noa atu te mau nene’ira’a o Te mau hīmene ’e te Chants pour les enfants [Te buka hīmene nā te tamari’i], e nehenehe tā ’oe e ’ite e rave rahi mau haruharura’a nō te mau hīmene ’e te mau hīmene a te mau tamari’i i ni’a ia music.ChurchofJesusChrist.org ’e i roto i nā fa’anahora’a rorouira te Sacred Music and Gospel Media.

Te mau ve’a a te ’Ēkālesia

Tei roto i te ve’a Liahona te mau fa’ata’ara’a parau ’e te tahi atu mau pāpa’ira’a ’o tē nehenehe e fa’ananea atu i te mau parau tumu tā ’oe e ha’api’i ra mai roto mai i Te Parau Ha’api’ira’a ’e te mau Parau Fafau.

ta’ata tē tuatāpapa nei i te mātēria a te ’Ēkālesia

’Ia Poro Haere i Tā’u Nei ’Evanelia

E hōro’a mai teie arata’i nā te mau misiōnare i te hō’ē hi’ora’a nō te mau parau tumu o te ’evanelia.

Nō te Pūai o te Feiā ’Āpī

Tē fa’a’ite nei teie mātēria i te mau fa’aturera’a a te ’Ēkālesia e tauturu i te feiā ’āpī ’e i te ta’ata ’ia riro mai ’ei pipi ha’apa’o maita’i nā Iesu Mesia. E nehenehe e fa’atoro pinepine i ni’a i te reira, ’ia ha’api’i iho ā rā ’oe i te feiā ’āpī.

Te mau video ’e te mau hōho’a

E nehenehe te mau hōho’a pēni, ’e te tahi atu ’ohipa ha’apūroro e tauturu i te feiā tā ’oe e ha’api’i ra ’ia ’ite mata i te ha’api’ira’a tumu ’e te mau ’ā’amu nō roto i te mau pāpa’ira’a mo’a. Tē vai ato’a ra i roto i te fa’anahora’a Gospel Media, ’e e ’ite-ato’a-hia i te mau hōho’a e rave rahi i roto i te Buka nō te mau hōho’a nō te ’evanelia.

Feiā mo’a

Feiā Mo’a ’o te hō’ē ïa buka ’ā’amu nō te ’Ēkālesia. Tē fa’ati’a nei te Buka 1, The Standard of Truth, ’e te buka 2, No Unhallowed Hand, i te ’ā’amu o te ’Ēkālesia mai tē fa’a’itehia ra i roto i Te Parau Ha’api’ira’a ’e te mau Parau Fafau. E nehenehe teie mau ’ā’amu e hōro’a mai ia ’oe i te mau mana’o nō ni’a i te orara’a i te tau ’a hōro’ahia ai te mau heheura’a tā ’oe e tuatāpapa nei i roto i Te Parau Ha’api’ira’a ’e te mau Parau Fafau.

Ha’api’ira’a mai tā te Fa’aora

E nehenehe teie mātēria e tauturu ia ’oe ’ia ha’api’i mai ’e ia fa’a’ohipa i te mau parau tumu ha’api’ira’a mai tā te Mesia i rave. E tuatāpapahia ’e e fa’a’ohipahia teie mau parau tumu i roto i te mau ’āpo’ora’a a te mau ’orometua ha’api’i.