Dagiti Masirib a Lallaki nga agdaldaliasat babaen dagiti kamelio

Agdayawtayo Koma Kenkuana, ni Dana Mario Wood

Enero 14–20

Lucas 2; Mateo 2

Immaykami Agdaydayaw Kenkuana

Sakbay a basaem dagiti kapanunotan iti daytoy a balabala, adalem ti Lucas 2 ken Mateo 2, ket isuratmo dagiti naespirituan nga impresionmo. Matulongannakayonto daytoy nga umawat iti paltiing no kasano a kasayaatan a maipaay dagiti kasapulan ti klasem.

Isuratmo Dagiti Impresionmo

icon iti panagbibinninglay

Yawis ti Panagbibinninglay

Kasano a maallukoymo dagiti miembro ti klase a mangibinglay kadagiti nalawag a pannakaammo ken pannakaawat ken padasda bayat ti panagadalda kadagitoy nasantuan a kasuratan a bukod ken kadua dagiti pamiliada? Nupay kasla saanda a pamiliar iti pakaammuan iti pannakayanak ti Mangisalakan, kanayon makagun-odda kadagiti baro a naespirituan a pannakaammo ken pannakaawat. Ibilangmo ti panangawis iti sumagmamano a miembro ti klase a mangibinglay ti mensahe nasarakanda iti Lucas 2 wenno Mateo 2 a nakaawis iti imatangda iti baro a wagas.

icon iti panangisuro

Isuro ti Doktrina

Lucas 2:1–38; Mateo 2:1–12

Adu dagiti saksi iti pannakayanak ni Cristo.

• Dagiti umuna a pakaammuan dagiti agdaydayaw iti Lucas 2 ken Mateo 2 ket makatulong kadagiti miembro ti klase a mangutob kadagiti wagas a mangipakita iti ayatda para iti Mangisalakan. Subliem nga adalen ti tsart iti balabala itoy a lawas iti Umaykayo, Sumurot Kaniak—Para kadagiti Indibidual ken Pamilia. Mabalin nga addaan ti sumagmamano a tao iti klasem iti nalawag a pannakaammo ken pannakaawat [insights] nga ibinglay manipud iti daytoy nga aktibidad, wenno mabalinyo nga aramiden ti aktibidad kas maysa a klase. Apay a a napateg a naggapu dagitoy a saksi ni Cristo iti nadumaduma a kita ti biag? Kasano a masurottayo dagiti pagwadanda?

• Sakbay a nagdaydayaw dagitoy a saksi iti ubing a Cristo, nagsapulda Kenkuana. Tapno matulongan dagiti miembro ti klase a makasursuro manipud iti pagwadanda, mabalinmo nga isurat iti pisarra dagiti sumaganad a paulo: Dagiti Pastor, Ana, Simeon, ken Mamasirib. Kalpasanna awisem dagiti miembro ti klase a mangsukisok iti Lucas 2 ken Mateo 2 ken mangisurat iti pisarra no ania ti inaramid dagitoy a tao a nangbirok iti Mangisalakan.https://ldstms.ldschurch.org/ws-legacy/browser_workbench?&token=2118965345_a46dc6de9dded86a08e523bac508024374031a4&mode=tasks&random=4233# Ania ti isingasing dagitoy a pakaammuan maipapan iti sumagmamano kadagiti wagas a pakabirokantayo ken ni Cristo?

  pastor ken karnero

  Nagbalin dagiti pastor a sumagmamano kadagiti umuna a saksi ti pannakayanak ti Mangisalakan.

• Mangparegta kadi ti banag a pakasursuruan kadagiti miembro ti klasem tapno mangted iti lugar iti biagda para iti Mangisalakan? Ibilangmo ti sumaganad a kapanunotan: Mangitugot iti maysa a garapon iti klase ket, kalpasan ti sangkamaysa a panangrebyu iti Lucas 2:7, idawatmo kadagiti miembro ti klase a mangpunno iti garapon iti nadumaduma a banag a mangibagi kadagiti wagas a panagbubosantayo iti panawentayo. No napnon ti garapon, awisem ti maysa a tao a mangpadas a mangisingit iti ladawan ti Mangisalakan. Ania ti isingasing daytoy nga analohia maipapan iti panangted iti lugar para ken ni Cristo iti biagtayo? Ania ti maaramidtayo a naidumduma tapno maaddaan iti lugar para Kenkuana? Ti palawag ni Presidente Thomas S. Monson iti “Dagiti Nainayon a Resources ket mabalin a makatulong a mangsungbat itoy a saludsod.

Mateo 2:13–23

Makaawat dagiti nagannak iti paltiing a mangsalaknib kadagiti pamiliada.

• Ti maysa nga adalen manipud iti panaglibas da Jose ken Maria nga agturong iti Egipto ket mabalin ti Apo ti mangted iti paltiing a makatulong kadagiti nagannak a mangsalaknib kadagiti pamiliada manipud iti peggad. Tapno maparegta ti panaglilinnawag iti daytoy a gundaway, ibilangmo ti panangawis kadagiti miembro ti klase a mangilista iti pisarra ti sumagmamano kadagiti peggad a pakaipaspasanguan dagiti pamilia iti agdama. Ania ti masursurotayo manipud iti Mateo 2:13–23 maipapan ti no kasano a masalaknibantayo dagiti pamiliatayo ken ti bagbagitayo manipud kadagitoy a peggad? Kasano a makatulong kadatayo ti bukod a paltiing a mangsaluad manipud iti peggad kadagiti pamiliatayo wenno ti dadduma pay a patpatgentayo? Ania a balakad ti inted dagiti propeta ken apostol a makatulong kadatayo a mangsaluad kadagiti pamiliatayo?

• Kas paset daytoy a panaglilinnawag, mabalinmo nga awisen dagiti miembro ti klase nga aggigiddan a mangkanta iti “Home Can Be a Heaven on Earth,” Hymns, no. 298, wenno sabali pay a kanta maipapan iti pamilia. Ania ti isuro ti kanta maipapan iti no ania ti mabalin nga aramiden dagiti nagannak tapno agbiag a maikari iti paltiing a mangidaulo kadagiti pamiliada?

Lucas 2:40–52

Uray kas maysa nga agtutubo, impamaysa ni Jesus ti panagaramid iti pagayatan ti Amana.

• Ti estoria ni Jesus a mangisursuro iti templo idi 12 laeng ti tawenna ket mabalin a nangnangruna a nabileg kadagiti agtutubo nga agpampanunot maipapan iti mabalin a maitulongda iti aramid ti Dios. Mabalin a bingayem ti klase iti sagsangaparis nga aggigiddan a mangbasa iti Lucas 2:40–52 (kitaen iti nalawag a pannakaawat manipud iti Patarus ni Joseph Smith a masarakan iti Lucas 2:46, footnote c). Maaddaan ti tunggal sangaparis iti sumagmamano a minuto a mangibinglay iti tunggal maysa no ania ti mangparegta kadakuada maipapan iti daytoy a pakaammuan. Ania dagiti gundaway nga adda kadatayo tapno maibinglay no ania ti ammotayo maipapan ti ebanghelio? Ania dagiti padas a maibinglaytayo?

• No mangisursurokayo kadagiti nataengan, mabalin a maysa a gundaway daytoy a pakaammuan tapno ilawlawag no kasano a matulongan dagiti agtutubo a manggun-od iti potensialda. Maysa a tao ti mabalin a manggupgop iti pakaammuan iti Lucas 2:40–52, ken mabalin a paglilinnawagan ti klase no kasano a mangimpluensia dagitoy a pasamak iti wagas a panangkitada kadagiti agtutubo ti Simbaan. Ania dagiti gundaway a maitedtayo kadagiti agtutubo a makiraman iti panangaramid “[ti] trabaho ti Ama” kas iti inaramid ni Jesus? (Lucas 2:49). Masdaawtayo iti naespirituan a pannakaammo ken pannakaawat [insight] nga imbinglay ti maysa nga agtutubo wenno ubing? Mabalin a mainayon dagitoy a balikas manipud ken ni Presidente Henry B. Eyring iti daytoy panaglilinnawag: “No agsao ti maysa nga Aaronic Priesthood holder, … kanayon a namnamaek a dumngegakto iti balikas ti Dios. Manmano a maupayak ken masansan a masdaawak” (“That He May Become Strong Also,” Ensign wenno Liahona, Nob. 2016, 77).

• Ania ti isuro kadatayo ti Lucas 2:40–52 maipapan iti langa ni Jesus kas maysa nga agtutubo? Ti pagtuladan para iti bukod a panagdur-as a naisingasing iti Lucas 2:52 ket makaparegta iti panaglilinnawag maipapan iti no ania ti ar-aramidentayo tapno agbalin nga ad-adda pay a kas ken ni Cristo. Mabalinmo nga isingasing nga utoben dagiti miembro ti klase no kasano a dumurdur-asda iti sirib (mainaig iti kinasaririt), kinatayag (mainaig iti bagi), parabur iti Dios (mainaig iti kinaespirituan, ken parabur iti dadduma (mainaig iti pannakilangen). Mabalinda pay a mangituding kadagiti panggepda a tun-oyen iti maysa wenno dua kadagitoy a tay-ak.

icon iti panangsursuro

Yallukoy ti Panagsursuro iti Pagtaengan

Tapno matulongan dagiti miembro ti klase nga agsagana a paglilinnawagan ti Juan 1 sumaruno a lawas, kiddawem kadakuada a mangmarka iti tunggal lugar iti kapitulo a nangibinglayan ti maysa a tao iti pammaneknek maipapan ken ni Jesucristo.

resources icon

Dagiti Nainayon a Resources

Lucas 2; Mateo 2

Ti pormula iti panagsapsapul ken ni Cristo.

Insuro ni Presidente Thomas S. Monson:

“Ti pormula iti panangsarak ken ni Jesus ket kanayon nga adda ken dinto agbalbaliw—ti napasnek ken napudno a kararag ti maysa a napakumbaba ken natarnaw a puso. …

“Sakbay a makapagballigitayo a mangipatungpal iti bukod a panagsukisok ken ni Jesus, nasken nga umuna nga isaganatayo ti panawen para kenkuana iti biagtayo ken lugar para kenkuana iti puspusotayo. Kadagitoy makumikom nga aldaw nga adu dagiti adda panawenna nga agay-ayam iti golf, panawen iti panaggatang, panawen iti trabaho, panawen nga agay-ayam—ngem awanan iti panawen para ken ni Cristo.

“Nagdissuan dagiti napipintas a pagtaengan iti daga ken mangipaayda kadagiti siled a panganan, siled a pagturogan, siled a pagay-ayaman, siled a pagdaitan, siled a pagbuyaan iti telebision, ngem awan ti lugar para ken ni Cristo.

“Adda kadi konsensiatayo no lagipentayo dagiti bukodna a balikas: ‘Adda abut dagiti lobo, adda pagumokan dagiti tumatayab iti tangatang; ngem awanan ti Anak ti tao iti pangipaiddaanna iti ulona.’ (Mat. 8:20.) Wenno maibabaintayo kadi no lagipentayo, ‘Ket impasngayna ti inauna nga anakna a lalaki, ken binungonna iti lamping, ken impaiddana daytoy iti kulluong; agsipud ta awan lugar para kadakuada iti pagdagusan.’ (Lucas 2:7.) Awan ti siled. Awan ti siled. Awan ti siled. Agnanayon a kastoy.

“No aramidentayo ti bukod a panagsukisok ken ni Jesus, nga addaan tulong ken tarabay babaen ti pagbatayan ti panagkararag, kangrunaan a maaddaantayo iti nalawag a konsepto maipapan kenkuana a sapsapulentayo. Sinapsapul dagiti agpaspastor idi un-unana ni ubing a Jesus. Ngem sapsapulentayo ni Jesus a Cristo, ti Inauna a Kabsattayo, ti Mangibabaettayo iti Ama, ti Mannubbottayo, iti Akin-aramid iti pannakaisalakantayo; addan isuna idi punganay a kaduana ti Ama; natay isuna a nangawat iti bagina dagiti basbasol ti lubong ken iti kasta sitatallugod a natay tapno agnanayon a makapagbiagtayo. Daytoy ni Jesus a sapsapulentayo” (”The Search for Jesus,” Ensign, Dis. 1990, 4–5).

Aramid iti arte [artwork] iti pannakayanak ni Cristo.

Ibilangmo no kasano a mabalin a mapapintas ti artwork ti panaglilinnawag maipapan iti pannakayanak ni Cristo. (Kas pagarigan, kitaen iti Libro ti Arte iti Ebanghelio wenno history.lds.org/exhibit/birth-of-christ.)

Panangpadur-as iti Panangisurotayo

Iramanmo dagiti agad-adal a saan a nagadal kadagiti nasantuan a kasuratan iti pagtaengan. Nupay sumagmamano a miembro ti klase ti saan a nakabasa iti Lucas 2 ken Mateo 2 sakbay ti klase, mabalin latta a mangibinglayda kadagiti napapateg a nalawag a pannakaammo ken pannakaawat [insights] bayat ti aggigiddan a panangadalyo iti klase. Siguraduem nga amin a miembro ti klase ket addaan iti gundaway a makiraman ken makatulong iti panaglilinnawag.