“Enero 14–20. Lucas 2; Mateo 2: Immaykami Agdaydayaw Kenkuana,” Umaykayo, Sumurot Kaniak—Para kadagiti Indibidual ken Pamilia: Baro a Tulag 2019 (2019)
“Enero 14–20. Lucas 2; Mateo 2,” Umaykayo , Sumurot Kaniak—Para kadagiti Indibidual ken Pamilia: 2019
Agdaydayawtayo Koma Kenkuana, ni Dana Mario Wood
Enero 14–20
Lucas 2; Mateo 2
Immaykami Agdaydayaw Kenkuana
Rugiam babaen ti panangbasam iti Lucas 2 ken Mateo 2, ket ipamaysam ti pasnekmo kadagiti ania man a naespirituan a pannakaammo ken pannakaawat a naawatmo. Dagiti adalen a kapanunotan iti daytoy a balabala ket matulongannaka a mangilasin kadagiti sumagmamano a kapatgan ken mayannatup a pagbatayan kadagitoy a kapitulo.
Suratmo Dagiti Impresionmo
Manipud iti aldaw ti pannakayanakna, nalawag a ni Jesus ket saan a kadawyan nga ubing. Saan laeng a ti baro a bituen kadagiti langit wenno ti naragsak nga immanghel a waragawag a namagbalin iti naidumduma a kinamaladaga ni Jesus. Daytoy pay ti kinapudno a dagiti kasta a nadumaduma a napudno a tattao—manipud iti nadumaduma a pagilian, propesion, ken nagtaudan—ket nariknada a dagus ti yaasidegda Kenkuana. Uray pay idi sakbay nga impeksana ti awisna nga “umayka, surotennak,” immayda (Lucas 18:22). Saan nga immasideg Kenkuana ti tunggal maysa, siempre—adu dagiti saan a nangikankano Kenkuana, ken maysa a nailem a mangituray ti nangpanggep pay a mangpapatay Kenkuana. Ngem dagiti napakumbaba, natarnaw, napasnek nga agkalkalikagum iti kinalinteg ket nasarakanda ti birbirokenda Kenkuana. Ti debosionda ti mangparegta iti bukodtayo, ta ti “naimbag a damag ti naindaklan a rag-o” nga naidanon kadagiti pastor ket para iti “amin a tao,” ken ti “Mangisalakan, a ni Cristo nga Apo” ket naiyanak iti dayta nga aldaw iti amin kadatayo (kitaen iti Lucas 2:10–11).
Dagiti Kapanunotan para iti Bukod a Panagadal iti Nasantuan a Kasuratan
Nayanak ni Jesucristo kadagiti nanumo a kasasaad.
Nupay ni Jesucristo ket addaan ti gloria iti Dios Ama “sakbay ti lubong” (Juan 17:5), Isu ket natallugod a mayanak iti nanumo a kasasaad ket agbiag kadatayo iti daga. Bayat ti panangbasam iti Lucas 2:2:1–7, ania ti madlawyo maipanggep iti nanumo a kasasaad ti pannakayanakna? Padasem ti mangilasin iti maysa a detalye wenno nalawag a pannakaammo ken pannakaawat [insight] iti daytoy nga estoria a saanmo a nadlaw idi. Ania ti nasursurom maipanggep ti Mangisalakan manipud kadagiti kasasaad ti pannakayanakna? Kasano a dagitoy a nalawag a pannakaammo ken pannakaawat ket mangapekto kadagiti riknam a maiturong Kenkuana?
Kitaen met ti video “Ti Nativity” LDS.org
Adu dagiti saksi ti pannakayanak ni Cristo.
Ti pannakayanak ken kinamaladaga ni Cristo ket rinambakan dagiti saksi ken agdaydayaw manipud iti nagduduma a kasasaad ti biag —dagiti napakumbaba a pastor a nangbisita iti kulluong, dagiti nabaknang ken Masirib a Lallaki a nangitugot kadagiti sagut iti Pagtaenganna, ti balo a nagserbi iti templo, ken ti maysa a napudno a disipulo a sigagagar a nangpaspasungad iti yaay ti Mesias. Bayat ti panangsukisokmo kadagiti estoriada, ania ti masursurom maipapan kadagiti wagas ti panangdayaw ken panangsaksi kenni Cristo?
|
Saksi ni Cristo |
Ania ti masursurok maipanggep iti panagdaydayaw ken panagsaksi? |
|---|---|
Saksi ni Cristo Dagiti Pastor (Lucas 2:8–20) | Ania ti masursurok maipanggep iti panagdaydayaw ken panagsaksi? |
Saksi ni Cristo Simon (Lucas 2:25–35) | Ania ti masursurok maipanggep iti panagdaydayaw ken panagsaksi? |
Saksi ni Cristo Ana (Lucas 2:36–38) | Ania ti masursurok maipanggep iti panagdaydayaw ken panagsaksi? |
Saksi ni Cristo Masirib a Lallaki (Mateo 2:1–12) | Ania ti masursurok maipanggep iti panagdaydayaw ken panagsaksi? |
Kitaen met iti 1 Nephi 11:13–23; 3 Nephi 1:5–21; “Shepherds Learn of the Birth of Christ” and “The Christ Child Is Presented at the Temple” (dagiti video, LDS.org).
Makaawat dagiti nagannak iti paltiing a mangsalaknib kadagiti pamiliada.
Iti kaano man saan koma a naaramid ni Jose no ania ti naipaaramid kenkuana—ti mangsalaknib ken Jesus iti kinaubingna—no awan ti tulong ti langit. Kas kadagiti Masirib a Lallaki, inawatna ti maysa a paltiing a nangballaag kenkuana iti peggad. Bayat ti panangbasam maipapan iti padas ni Jose, panunotem maipapan kadagiti pisikal ken naespirituan a pagpeggadan a pakaipasanguan dagiti pamilia ita nga agdama. Utoben dagiti padas idi nariknam ti pannarabay ti Dios iti panangsalaknibna kenka ken ti pamiliam wenno dagiti patpatgem. Ibilangmo nga iburay dagitoy a padas kadagiti dadduma. Ania ti maaramidmo tapno maawat ti kasta a pannarabay iti masakbayan?
Mainayon pay, mabalin nga ibilangmo ti panagbuya iti video “The First Christmas Spirit” (LDS.org) para iti pannakailadawan ti no ania ti narikna ni Jose bayat ti panangsangona ti pagrebbengan a panangaywan iti Anak ti Dios.
Kas maysa nga agtutubo, impamaysa ni Jesus ti panagaramid iti pagayatan ti Amana.
Kas maysa nga agtutubo a lalaki, insuro ti Mangisalakan ti ebanghelio a sibibileg a nagsiddaawan uray pay dagiti mannursuro iti templo Iti “saririt ti isipna ken kadagidi sungbatna” (Lucas 2:47). Ania ti masursurom manipud kadagitoy a bersikulo maipapan iti Mangisalakan kas maysa nga agtutubo a lalaki? Kasano nga ikarkarigatan dagiti agtutubo nga am-ammom a mangaramid kadagiti “bambanag ti Ama[da]”? (Lucas 2:49). Kasano a nakatulong kenka dagiti agtutubo ken ubbing tapno manggun-od iti naun-uneg a pannakaawat iti ebanghelio? Ania pay ti masursurom manipud iti pagwadan ti panagubing ni Jesus iti Lucas 2:40–52 ken ti Patarus ni Joseph Smith, Mateo 3:24–26 (iti Pangiwanwan iti Nasantuan a Kasuratan)?
“Dikay ammo a masapul a sanguek dagiti bambanag ti Amak?” (Lucas 2:49).
Ania ti Patarus ni Joseph Smith?
Gapu ta “adu a nalawag ken napateg’ a kinapudno ti napukaw manipud iti Biblia kadagiti napalabas a siglo (1 Nephi 13:28; kitaen met iti Moises 1:41), binilin ti Apo ni Joseph Smith nga agaramid iti naparegta a rebision ti Biblia, a maawagan iti Patarus ni Joseph Smith. Adu dagiti narebisar nga inaramid ti Propeta a nairaman iti apendiks iti Latter-day Saint nga edision dagiti nasantuan a kasuratan. Ti LDS nga edision ti King James Version ti Biblia ket addaan met kadagiti footnote kadagiti rebision ti Propeta. Ti Patarus ni Joseph Smith ti Mateo 24, a maam-ammo a Joseph Smith—Mateo, ket masarakan iti Perlas a Kapatgan. Para iti ad-adu pay nga impormasion, kitaen ti Pangiwanwan iti Nasantuan a Kasuratan, “Patarus ni Joseph Smith”; “Bible, Inerrancy”Gospel Topics, topics.lds.org.
Dagiti Kapanunotan para iti Sangapamiliaan a Panagadal iti Nasantuan a Kasuratan
Bayat ti panagbasam kadagiti nasantuan a kasuratan a kaduam ti pamiliam, makatulong ti Espiritu kenka a mangammo no ania dagiti pagbatayan a yunay-unay ken ilawlawag tapno maipaay dagiti kasapulan ti pamiliam. Dagitoy ti sumagmamano a singasing:
Awisem dagiti miembro ti pamilia a pumili iti maysa a tao a nailadawan iti Lucas 2, basaen ti sumagmamano a bersikulo maipapan iti pannakipulapol dayta a tao iti Mangisalakan, ket ibinglay ti maysa a banag a nasursuroda a mangpapigsa iti pammatida ken ni Jesucristo. Aggigiddan a mangkanta iti “Marys Lullaby” wenno “The Nativity Song,” Children’s Songbook, 44–45, 52–53. Ania ti masursurotayo manipud kadagitoy a kanta maipanggep iti pannakayanak ti Mangisalakan?
Ania ti “[aramid] a bambanag ti Ama”? (kitaen ti Moises 1:39). Ania ti masursurotayo maipapan iti dayta nga aramid a bambanag manipud iti daytoy nga estoria ken manipud iti dadduma pay a banag nga inaramid ken insuro ni Jesus iti unos ti panagbiagna? Ibilangmo ti panangisurat iti sumagmamano a wagas a mabalin a pakairamanan ti pamiliam iti aramid a bambanag ti Ama ket ipanmo dagitoy iti maysa a garapon. Kabayatan ti umay a lawas, no agsapsapul ti pamiliam kadagiti wagas a pangaramidan iti trabaho ti Nailangitan nga Ama, mabalinda ti pumili kadagiti kapanunotan manipud iti garapon. Planuem ti maysa a panawen a mabalinmo ti mangibinglay kadagiti padasmo.
Ania ti masursurotayo iti Lucas 2:52 maipanggep iti no kasano a pinasayaat ni Jesus ti biagna? Iti ania a wagwagas a mapadur-as dagiti miembro ti pamilia “iti kinasirib ken kinabisked, ken kinaay-ayo ti Dios ken tao.’
Para iti ad-adu pay a kapanunotan para iti panangisuro kadagiti ubbing, kitaen iti balabala iti daytoy a lawas iti Umaykayo, Sumurot Kaniak—Para iti Primary.
Panangpadur-as iti Bukod a Panagadal
Usaren dagiti tulong iti panagadal iti nasantuan a kasuratan. Tapno magun-od dagiti nayon a nalawag a pannakaammo ken pannakaawat bayat ti panangadalmo kadagiti nasantuan a kasuratan, usarem dagiti resources kas kadagiti footnote, , , Pangiwanwan iti Nasantuan a Kasuratan, ken dadduma pay a tulong iti panagadal kas iti LDS.org
Immay ditoy daga ti Mangisalakan ti Lubong iti nanumo a kasasaad.