Agdayawtayo Koma Kenkuana, ni Dana Mario Wood

Enero 14–20

Lucas 2; Mateo 2

Immaykami Agdaydayaw Kenkuana

Rugiam babaen ti panangbasa iti Mateo 2 ken Lucas 2. Balabala ita a lawas manipud iti Umaykayo, Sumurot Kaniak—Para Kadagiti Indibidual ken Pamilia ket makatulong kenka tapno maawatam dagitoy a kapitulo, ken daytoy a balabala ti makaited kenka kadagiti kapanunotan iti panangisuro.

Isuratmo Dagiti Impresionmo

Yawis ti Panagbibinninglay

Kidawem kadagiti ubbing a mangibaga kenka no ania ti malagipda maipanggep ti panakayanak ni Cristo. Ania dagiti paggugustoda a paset iti estoria?

Isuro ti Doktrina

Dagiti In-inaudi nga Ubbing

Lucas 2:1–14

Nayanak ni Jesus.

Pinanawan ni Jesus ti pagtaenganna iti denna ti Nailangitan nga Ama tapno mayanak iti daga tapno iti kasta Isu ti agbalin a Mangisalakantayo. Kasano a matulongam dagiti ubbing tapno a manglagip iti estoria maipapan ti pannakayanak ni Cristo?

Dagiti Mabalin nga Aktibidad

• Bayat ti panangbasam iti estoria maipapan ti pannakayanak ni Cristo, awisem dagiti ubbing a mangyakem iti estoria wenno usarem iti daytoy a lawas ti panid ti aktibidad. Kitaen met iti “Kapitulo 5: Nayanak Ni Jesucristo,” Dagiti Estoria iti Baro a Tulag, 13–15, wenno ti maitutop a video (LDS.org).

• No addaanka iti maysa, mangitugotka iti Belen ket awisem dagiti ubbing nga ikabilda dagiti pedaso iti maitutop a lugar bayat ti panangisaritam kadakuada ti estoria maipapan ti pannakayanak ni Jesucristo. Mabalinmo pay nga ipakita ti ladawan ti Belen (kitaen, kas pagarigan, ti balabala ita a lawas iti Umaykayo, Sumurot Kaniakr—Para Kadagiti Indibidual ken Pamilia). Itudom dagiti nadumaduma a tao iti Nativity ken awisem dagiti ubbing nga ibinglayda no ania ti ammoda maipanggep iti tunggal tao.

• Kantaeyo amin ti paborito a kanta dagiti ubbing maipanggep iti pannakayanak ni Jesus. Kabayatan ti panangaramidmo, agsapulka kadagiti gundaway a mangiburay iti pammaneknekmo maipanggep iti Mangisalakan ket awisem dagiti ubbing a mangibinglay no apay nga ay-ayatenda ni Jesus.

Mateo 2:1–12

Mabalinko ti a mangted kadagiti nasayaat a sagut ken ni Jesus.

Nangted dagiti Masirib a Lallaki kadagiti sagut a balitok, insienso, ken mirra ken ni Jesus. Kasano a mausarmo daytoy nga estoria a mangisuro kadagiti ubbing a mabalinda ti mangted kadagiti sagut ken ni Jesus—a kas iti ayat, serbisio, ken panagtungpal?

Dagiti Mabalin nga Aktibidad

• Mangipakita iti maysa a ladawan dagiti Masirib a Lallaki bayat ti panangrebyum iti estoriada, a masarakan iti Mateo 2:1–12, kadagiti ubbing. Mabalinmo nga ipakita ti ladawan Idatag dagiti Masirib a Lallaki dagiti Sagut (LDS.org).

• Mangbungon kadagiti ladawan wenno banag a mangibagi iti sagut a maitedtayo ken ni Jesus. Awisem dagiti ubbing a tulongandaka a manglukat kadagiti sagut ket paglilinnawagan no kasano a maitedtayo dagitoy a sagut iti Mangisalakan.

• Tulungam ti tunggal ubing nga agdrowing wenno mangisurat iti listaan dagiti sagut a maitedda ken ni Jesus, kas iti “panagbalin a nasayaat a gayyem” wenno “panagkararag.” Awisem dagiti ubbing a mangibinglay iti listaanda iti klase ken pumili iti maysa nga itrabahoda iti daytoy a lawas.

Lucas 2:40–52

Ubing idi ni Jesus a kas kaniak.

Ti panagsursuro maipanggep iti panagubing ti Mangisalakan ket mabalin a makatulong kadagiti ubbing a sursuruam a pakainaiganna Kenkuana. Kiddawen kadagiti ubbing no ania ti masursuroda manipud kadagitoy a bersikulo no kasano a makapagbalinda a kas ken ni Jesus ita.

Dagiti Mabalin nga Aktibidad

• Awisem ti maysa kadagiti agtutubo iti ward a bumisita iti klase ket mangibinglay ti estoria maipapan ken ni Jesus a mangisursuro iti templo idi maysa nga agtutubo Isuna.

• Nasapsapa a kiddawen iti sumagmamano nga ubbing a mangitugot kadagiti retratoda idi maladagada tapno ibinglayda. Saludsodem kadakuada no kasano a dimakkelda. Mangibinglay iti sumagmamano a wagas a dimmakkelan ni Jesus (kitaen iti Lucas 2:40, 52). Kantaem kadua dagiti ubbing ti “Bassit nga Ubbing met ni Jesus Idi” Libro ti Pagkantaan dagiti Ubbing, 55, wenno sabali pay a kanta maipanggep iti Mangisalakan.

• Basaen ti Lucas 2:52 ken ilawlawag no ania ti kaipapanan ti “kinasirib” ken “kinatayag”. Mabalinmo a kiddawen kadagiti ubbing nga agaramid kadagitii garaw a mangipakita no ania ti kayat a sawen ti dimmakkel iti kinasirib ken gundaway iti Dios ken iti dadduma a tao. Kas pagarigan, mabalinda a yakem ti panagbasa iti libro wenno panangtulong ti maysa a tao nga agkasapulan.

Isuro ti Doktrina

Dagiti In-inauna nga Ubbing

Lucas 2:1–21; Mateo 2:1–2

Nangipadto dagiti nagkauna a propeta maipapan iti pannakayanak ti Mangisalakan.

Paspasungadan dagiti propeta ken dagiti mamatpati ti panakayannak ken mision ti Mangisalakan iti ginasgasut a tawen. Ti pannakaawat iti daytoy a kinapudno ket makatulong kadagiti ubbing a manggun-od iti naun-uneg a panangbigbig iti pateg iti biag ken mision ti Mangisalakan.

Dagiti Mabalin nga Aktibidad

• Kidawem kadagiti ubbing nga agsarita maipangggep kadagiti banag a paspasungadanda, a kas iti panagkasangay wenno fiesta ofisial. Pagbasaem dagiti ubbing iti Helaman 14:2–5 tapno masarakanda ti maysa a banag a paspasungadan dagiti propeta.

• Aggigiddankayo a mangbasa kadagiti sumagmamano a padto iti pannakayanak ti Mangisalakan (kitaen iti Isaias 7:14; 9:6; 1 Nephi 11:18; Helaman 14:5). Tulongam dagiti ubbing a mangilista kadagiti detalye a naglaon kadagitoy a padto ket birokenda ti pannakatungpal dagitoy iti Lucas 2:1–21 ken Mateo 2:1–2.

• Awisem dagiti ubbing a mangidrowing iti ladawan ti Pannakayanak ken ibinglayda no apay a pagyamananda a nayanak ni Jesus.

Ni Simeon nga Agdaydayaw iti Ubing a ni Jesus, ni Greg K. Olsen

Lucas 2:40, 52

Ubing idi ni Jesus a kas kaniak.

Kas ken ni Jesus, addaan dagiti ubbing a sursuruam iti napateg a mision a sagsaganaan. Ania ti masursuroda manipud iti pagwadan ni Jesus?

Dagiti Mabalin nga Aktibidad

• Bayat ti panangbasam iti Lucas 2:40, 52, ibagam kadagiti ubbing a dumngegda kadagiti banag nga inaramid ni Jesus. Awisem dagiti ubbing a mangibinglay kadagiti wagas a nagdakkelanda manipud pay idi babassitda. Iburaymo ti bukodmo a padas iti panagsursuro iti ebanghelio nga in-inut; kalpasanna iburaymo ti pammaneknekmo.

• Mangileppas kadagiti aktibidad a magiladawan kadagiti ragup ti balikas iti Lucas 2:40, 52. Kas pagarigan, mabalinmo a rukoden ti katayag iti tunggal ubing (“Dimmakkel ni Jesus iti … kinatayag”) wenno paibinglay kadakuada ti paggugustoda a nasantuan a kasuratan (“napapigsa iti espiritu”). Tulongam dagiti ubbing a mangisurat kadagiti wagas a pagdakkelanda ket ibinglayda daytoy kadagiti pamiliada.

• Kalpasan ti panangrebyu iti Lucas 2:40, 52, awisem dagiti ubbing a mangibinglay no ania ti langa ni Jesus idi katawenda Isuna. Kasano ngata ti panangtratona ken ni nanangna?. Dagiti kabsatna a lallaki ken babbai?

Lucas 2:41–52

Kabaelak a suroten ti pagwadan ni Jesus.

Uray kas maysa nga agtutubo nangisursuro ni Jesus kadagiti lallakay iti templo. Kapadana, addaan dagiti ubbing iti klasem iti adu a maisuro kadagiti adda iti aglawlawda.

Dagiti Mabalin nga Aktibidad

• Awisem ti maysa nga ubing nga umay a nakasagana a manggupgop iti estoria iti Lucas 2:41–52. Tapno matulongan dagiti ubbing a maawatanda ti estoria, isurom no ania ti kaipapanan ti “aramid ti Ama” Kas pagarigan, mabalinmo nga isarita kadagiti ubbing no ania ti ar-aramidem wenno dagiti nagannak kenka para iti maysa a trabaho. Ania ti trabaho wenno “negosio” ni Jose, ti naindagaan nga ama ni Jesus? Kitaen iti Mateo 13:55). Ania ti aramid ti Nailangitan nga Amanna? (kitaen iti Lucas 2:46–49; kitaen met iti Mateo 1:39).

• Kaduam dagiti ubbing, basaen ti Lucas 2:46–49 ket saludsodem ti, “Kasano nga inaramid ni Jesus ti ‘aramid ti Amana’?” Tulongam dagiti ubbing a mangilista wenno mangidrowing iti pisarra dagiti wagas a pakatulonganda a mangaramid met iti aramid ti Nailangitan nga Ama.

• Tapno matulongan dagiti ubbing a mangpapigsa iti panagtalekda nga isuda, kas ken ubing a Jesus, ket makaisuroda iti ebanghelio, tulongam ida nga agpraktis ti panangisuro ti tunggal maysa iti maysa a pagbatayan manipud iti Para iti Pigsa dagiti Agtutubo.

Yallukoy ti Panagsursuro iti Pagtaengan

Awisem dagiti ubbing a mangisuro iti pamiliada iti maysa a banag a nasursuroda maipanggep iti panakayanak ni Cristo.

Panangpadur-as iti Panangisurotayo

Nagagar a masursuruan dagiti ubbing iti adu a wagas. Maragsakan dagiti ubbing a makasursuro babaen dagiti baro ken nadumaduma a padas. Usarem dagiti aktibidad a makatulong kadakuada nga aggunay, nga usaren ti amin ti panagriknada, agsukisok, ket agpadas kadagiti baro a banag. (Kitaen iti Panangisuro iti Wagas ti Mangisalakan, 25–26.)