“Enero 7–13. Mateo 1; Lucas 1: ‘Maaramid Koma Kaniak Kas iti Saom’” Umaykayo, Sumurot Kaniak—Para Kadagiti Indibidual ken Pamilia: Baro a Tulag 2019 (2019)
“Enero 7–13. Mateo 1; Lucas 1,” Umaykayo, Sumurot Kaniak—Para Kadagiti Indibidual ken Pamilia: 2019
Enero 7–13
Mateo 1; Lucas 1
“Maaramid Koma Kaniak Kas iti Saom”
Bayat ti panangbasam ken panangutobmo iti Mateo 1 ken Lucas 1, isuratmo dagiti naespirituan nga impresion a maawatmo. Ania dagiti doktrina ti kinapudno a masarakam? Ania dagiti mensahe nga agbalinto a kapatgan kenka ken iti pamiliam? Dagiti kapanunotan kadagitoy nga balabala ket mabalin a makatulong kenka a mangtakuat kadagiti nayon a nalawag a pannakaammo ken pannakaawat [insights].
Suratmo Dagiti Impresionmo
Manipud iti mortal a pannirigan, saan a mabalin daytoy. Saan a mabalin nga aginaw ti maysa a birhen. Kasta met a di kabaelan ti maysa a lupes a babai a nabaketanen tapno makapagpasngay iti anak. Ngem adda plano ti Dios para iti pannakayanak ti Anakna ken ni Juan Bautista, isu a da Maria ken Elisabet, iti laksid ti amin a tubeng, nagbalinda nga inna. Mabalin a makatulong iti pananglagiptayo kadagiti namilagruan a padasda no maipasangotayo iti maysa a banag a kasla imposible. Maparmektayo kadi dagiti pagkapsutantayo? Masagidtayo ngata ti puso ti awan essemna a dumngeg iti ebanghelio a miembro ti pamilia? Nalaka koma a nakisao kadatayo ni Gabriel idi impalagipna ken ni Maria, “Iti Dios awanto ti di mabalin” (Lucas 1:37). Ket ti sungbat ni Maria ket mabalin met a para kadatayo idi ipalgak ti Dios ti pagayatanna: “Maaramid Koma Kaniak Kas iti Saom” (Lucas 1:38).
Dagiti Kapanunotan para iti Bukod a Panagadal iti Nasantuan a Kasuratan
Dagiti Ebanghelio da Mateo ken Lucas
Siasino da Mateo ken Lucas?
Maysa a publikano a Judio ni Mateo, wenno agsingsingir iti buis, nga inawagan ni Jesus kas maysa kadagiti Apostolna (kitaen iti Mateo 10:3; kitaen met iti Pangiwanwan iti Nasantuan a Kasuratan, “Agsingsingir iti Buis”). Insurat ni Mateo ti Ebangheliona a kangrunaanna kadagiti padana a Judio; ngarud, pinilina nga inyunay-unay dagiti padto iti Daan a Tulag maipapan iti Mesias a naipatungpal babaen ti biag ken panagministro ni Jesus.
Ni Lucas ket maysa a gentil (saan a Judio) a mangngagas a nagbaniaga a kaduana ni Apostol Pablo. Insuratna ti Ebangheliona kalpasan ti ipapatay ti Mangisalakan a kangrunaan a naiturong kadagiti agbasbasa a saan a Judio. Impaneknekna ti maipapan ken ni ni Jesucristo a kas Mangisalakan kadagiti agpada a Gentil ken Hudio. Nairekordna dagiti nasaksian a pakaammuan maipapan dagiti pasamak iti biag ti Mangisalakan, ken inramanna dagiti ad-adu pay nga estoria a pakairamanan dagiti babbai a maidilig kadagiti dadduma pay nga Ebanghelio.
Kitaen met iti Pangiwanwan iti Nasantuan a Kasuratan, “Dagiti Ebanghelio,” “Mateo,” “Lucas.”
Apay a kasapulan a naipasngay iti mortal nga ina ken imortal nga Ama ti Mangisalakan?
Inlawlawag ni Presidente Russell M.Nelson a ti Pannubbot ni Jesucristo ket “agkasapulan iti bukod a panagsakripisio ti maysa nga imortal a saan a makapadas iti ipapatay. Ngem nasken a matay ket isublina manen iti Bukodna a bagi. Ti Mangisalakan ti kakaisuna laeng a makaipatungpal iti daytoy. Manipud iti Inana, tinawidna ti bileg a matay. Manipud Iti Amana nagun-odna ti bileg a mangparmek iti ipapatay” (“Constancy amid Change,” Ensign, Nob.1993, 34).
Umay dagiti bendision ti Dios iti bukodna a panawen.
Para kadagiti ania man a gapu, kayatna a sawen tipanangtiempo ti Dios a dagiti bendision a kinalikaguman da Elisabeth ken Zacarias, a maaddaan iti maysa nga anak, ket immay a naladladaw ngem iti ninamnamada No matakuatam ti bagim nga agur-uray iti maysa a bendision, wenno kasla saan a dumdumngeg ti Dios kadagiti kararagyo, mabalin a ti estoria da Elisabet ken Zacarias ket pammalagip a saannakayo a nalipatan. Adda planona para kadakayo, ken kanayon a Tungpalenna dagiti karina kadagiti nalinteg a Santo. Kas inkari ni Elder Jeffrey R. Holland nga , “Adda dagiti bendision nga umay iti nasapa, adda dagiti umay a naladaw, ken adda dagiti saan nga umay agingga iti langit; ngem para kadagiti mangarakup iti ebanghelio ni Jesucristo, umay dagitoy” (“An High Priest of Good Things to Come,” Ensign, Nob. 1999, 38). Kasano nga agtalinaed a napudno da Zacarias ken Elisabet? (kitaen ti Lucas1:5–25, 57–80). Makitam kadi ti bagim nga agur-uray iti maysa a bendision? Ania ti mariknam a namnamaen ti Apo kenka bayat ti panagur-uraymo?
Ania dagiti dadduma pay a mensahe ti Apo nga adda kadakayo iti daytoy nga estoria?
Kalpasan ti simamatalek a panaguray, nabendisionan ni Elisabet ken Zacarias iti maysa nga anak a lalaki.
Sitatallugod nga agtulnog iti pagayatan ti Dios dagiti napnuan pammati.
Kas ken Maria, no dadduma matakuatantayo a dagiti plano ti Dios para iti biagtayo ket maigidiat iti no ania ti plinanotayo. Ania ti masursuroyo manipud ken Maria maipapan iti panangawat ti pagayatan ti Dios? Kadagti sumaganad a table, isurat dagiti palawag manipud iti anghel ken ni Maria (kitaen iti Lucas 1:26–38), karagpin dagiti mensahe a masarakam kadagiti palawagda:
|
Dagiti balikas ti anghel kenni Maria |
Mensahe a para kaniak |
|---|---|
Dagiti balikas ti anghel kenni Maria “Ti Apo adda kenka” (bersikulo 28). | Mensahe a para kaniak Ammo ti Apo ti kasasaadko ken dagiti panagkarigatak. |
Dagiti balikas ti anghel kenni Maria | Mensahe a para kaniak |
Dagiti balikas ti anghel kenni Maria | Mensahe a para kaniak |
|
Dagiti reaksion ni Maria |
Mensahe a para kaniak |
|---|---|
Dagiti reaksion ni Maria “Kasanonto daytoy?” (bersikulo 34) | Mensahe a para kaniak OK ti agsaludsod no saanmo a maawatan. |
Dagiti reaksion ni Maria | Mensahe a para kaniak |
Dagiti reaksion ni Maria | Mensahe a para kaniak |
Bayat ti panangbasam maipapan iti nalinteg a pagwadan ni Jose iti Mateo 1:18–25, ania ti masursurom maipapan iti panangawat iti pagayatan ti Dios? Ania ti nasursurom manipud kadagiti padas da Zacarias ken Elisabet? (kitaen iti Lucas 1).
Kitaen met iti Mosiah 3:19; Lucas 22:42; Helaman 10:4–5; Pangiwanwan iti Nasantuan a Kasuratan, “Gabriel.”
Paneknekan ni Maria maipapan ti mision ni Jesucristo.
Dagiti sao ni Maria iti Lucas 1:46–55 ket nangipadles kadagiti aspekto ti mision ti Mangisalakan. Ania ti masursurom maipanggep ken Jesucristo manipud kadagiti palawag ni Anna? Ania dagiti mainayon a nalawag a pannakaammo ken pannakaawat [insights] a magun-odmo maipapan kadagiti parabur nga idiaya ti Mangisalakan babaen ti panangidilig kadagitoy a bersikulo kadagiti balikas ni Anna iti 1 Samuel 2:1–10 ken ti ni Jesus iti Mateo 5:4–12? Ania ti isuro ti Espiritu kenka bayat ti panangutobmo kadagitoy a nalawag a pannakaammo ken pannakaawat?
Dagiti Kapanunotan para iti Sangapamiliaan a Panagadal iti Nasantuan a Kasuratan
Bayat ti panagbasam kadagiti nasantuan a kasuratan a kaduam ti pamiliam, makatulong ti Espiritu kenka a mangammo no ania dagiti pagbatayan a yunay-unay ken ilawlawag tapno maipaay dagiti kasapulan ti pamiliam. Dagitoy ti sumagmamano a singasing:
Bayat ti panangbasa ti pamiliam iti kapuonan ni Jesus, ilawlawagmo a naggapu ti naarian a Kapuonanna babaen ken ni Joseph nga agsubli ken ni Ari David. Daytoy a kapuonan ket dakkel ti kaipapananna gapu ta naipadto a ti Mesias ket umayto babaen ti kapuonan ni David (kitaen iti Jeremias 23:5–6). Daytoy ket mabalin a nasayaat a gundaway a mangilawlawag ti bukodmo a Family History ken mangiburay iti sumagmamano nga estoria maipapan kadagiti kapuonam. Kasano a ti pannakaammom maipanggep ti pakasaritaan ti pamiliam ket mangbendision iti pamiliam?
Apay a mabalin a nagbuteng koma dagiti tao kadagitoy a bersikulo? Ania ti makaigapu iti pannakarinatayo iti panagbuteng? Kasano a mabalin nga idawdawat ti Dios kadatayo a “saan nga agbuteng”?
Tapno matulongam tipamiliam a maaddaan iti pammati nga “iti Dios awan ti di mabalin,” aggigiddankayo a mangsukisok iti Lucas 1 ket sapulenyo dagiti banag nga inaramid ti Dios a mabalinna nga imbilang nga imposible . Ania dagiti dadduma pay nga estoria a maibinglayda—manipud kadagiti nasantuan a kasuratan wenno dagiti bukodda a biag—a nagaramidan ti Dios kadagiti kasla imposible a bambanag? Ti panangsukisok babaen ti Libro ti Arte ti Ebanghelio ket makatulong kadakuada a mangpanunot kadagiti ideya.
Para iti ad-adu pay a kapanunotan para iti panangisuro kadagiti ubbing, kitaen iti balabala iti daytoy a lawas iti Umaykayo, Sumurot Kaniak—Para iti Primary.
Panangpadur-as iti Panangisurotayo
Yaplikar dagiti nasantuan a kasuratan iti biagtayo. Kalpasan ti panangbasa iti binatog iti nasantuan a kasuratan, awisem dagiti miembro ti pamilia a mangyaplikar iti daytoy iti biagda, (kitaen iti Panangisuro iti Wagas ti Mangisalakan, 21). Kas pagarigan,kasano a mayaplikartayo no ania ti masursurotayo maipapan iti panangipangag iti awag ti Apo manipud kadagiti reaksion dagiti tao iti Mateo 1 ken Lucas 1?
Nagasatka kadagiti Babbai, ni Walter Rane