pamilya nga nagtan-aw sa mga litrato

Septyembre 30–Oktubre 13

Mga Taga-Efeso

“Alang sa Pagkasangkap sa mga Balaan”

Ang mga hunahuna ug mga impresyon kon unsa ug unsaon pagtudlo moabut samtang mainampuon kang magtuon sa Mga Taga-Efeso, bag-ohay nga mga pakigpulong sa kinatibuk-ang komperensya, kining outline, ug Dali, Sunod Kanako—Alang sa mga Indibidwal ug mga Pamilya.

Irekord ang Imong mga Impresyon

pagpaambit nga icon

Dapita ang Pagpaambit

Ikonsiderar ang pagdapit sa mga sakop sa klase sa pagsulat og usa ka sentence nga summary sa butang nga ilang nakat-unan diha sa ilang pagtuon karong semanaha ug dayon ipapilit ang ilang mga summary diha sa pisara. Pagpili og pipila ka summary, ug dapita ang mga sakop sa klase nga misulat niini sa pagpaambit sa ilang mga hunahuna.

pagtudlo nga icon

Itudlo ang Doktrina

Mga Taga-Efeso 2:19–22; 4:4–8, 11–16

Ang mga propeta ug mga apostoles—ug kitang tanan—molig-on ug mohiusa sa Simbahan.

• Mahimo ba nga ikaw ug ang mga sakop sa imong klase makatukod og usa ka butang aron sa paghulagway kon sa unsang paagi nga ang Simbahan “tinukod ibabaw sa patukoranan nga mao ang mga apostoles ug mga propeta” ug sa unsang paagi nga ang Manluluwas mao “ang ulohang bato sa pamag-ang [chief corner stone]”? (Mga Taga-Efeso 2:20). Tingali ang mga sakop sa klase mahimong mobutang og label sa mga bloke o mga paper cup ug i-assemble kini ngadto sa usa ka tore o piramide, nga si Jesukristo ug ang mga apostoles ug mga propeta ang moporma sa sukaranan [base]. Dayon mahimo nimong ipakita kon unsay mahitabo kon si Kristo o ang mga apostoles ug mga propeta tangtangon. Nganong ang chief cornerstone [ulohang bato sa pamag-ang] usa man ka simbolo alang kang Jesukristo ug sa Iyang tahas diha sa Simbahan? (Alang sa paghulagway sa usa ka chief cornerstone, tan-awa sa “Dugang nga mga Kapanguhaan.”) Ang mga sakop sa klase mahimong mosiksik sa Mga Taga-Efeso 2:19–22; 4:11–16 alang sa mga panalangin nga atong madawat tungod sa mga apostoles, mga propeta, ug ubang mga lider sa Simbahan. Unsay atong mahimo aron matukod ang atong kinabuhi diha sa ilang mga pagtulun-an?

  cornerstone sa templo

  Si Jesukristo mao ang cornerstone sa Simbahan.

• Sa paghulagway kon sa unsang paagi nga ang doktrina mahimong masaypan sa pagsabut kon walay padayon nga direksyon gikan sa mga propeta ug mga apostoles, mahimong magdula kamo diin makasaysay ka og istorya sa usa ka sakop sa klase nga dili motugot nga dunay lain nga makadungog. Dayon dapita kana nga sakop sa klase sa pagsubli sa istorya ngadto sa laing sakop sa klase ug magpadayon hangtud nga ang istorya mapasa na agi sa pipila ka indibidwal. Dayon hangyoa kanang katapusan nga tawo nga nakadungog sa istorya sa pagsulti sa tibuok klase kon unsa ang iyang nadunggan. Duna bay bisan unsang mga detalye sa istorya nga nausab? Unsa kaha unta ang nahitabo kon ang magtutudlo nakakorihir pa sa mga sayop samtang nagpadayon kana? Unsay matudlo niining kalihokan ngari kanato kon nganong ang Simbahan ni Kristo kinahanglan gayud nga “matukod sa pundasyon sa mga apostoles ug mga propeta”?

• Kon ang mga sakop sa imong klase naminaw sa kinatibuk-ang komperensya sukad sa katapusang higayon nga nagkita kamo, dapita sila sa pagpaambit kon sa unsang paagi nga ang mga butang nga gitudlo atol sa komperensya nakatabang sa pagtuman sa mga katuyoan nga gipamahayag diha sa Mga Taga-Efeso 4:11–16.

• Tingali mahimo nimong hatagan og panahon ang mga sakop sa klase sa paglista sa ubang mga “bokasyon [tawag]” o mga responsibilidad nga gitawag sila sa pagtuman diha sa simbahan (tan-awa sa Mga Taga-Efeso 4:1)—pananglitan, usa ka home o visiting teacher, usa ka ginikanan, usa ka disipulo ni Kristo, ug dugang pa. Dayon mahimo silang makigbaylo og mga lista sa laing sakop sa klase, mobasa sa Mga Taga-Efeso 4:4–8, 11–16, ug mopaambit kon sa unsang paagi nga ang mga calling ug mga assignment diha sa ilang mga lista makatabang sa paglig-on sa lawas ni Kristo. Unsaon man nato sa pagtambayayong aron mahiusa ubos sa “usa ka Ginoo, usa ka pagtuo, usa ka bautismo”?

Mga Taga-Efeso 5:22–6:4

Ang pagsunod sa ehemplo sa Manluluwas makapalig-on og mga relasyon sa pamilya.

• Bisan kon ang mga taga-Efeso nagpuyo sa usa ka kultura diin ang mga asawa wala tratara isip katugbang sa ilang mga bana, kini nga epistola naglangkob gihapon og pipila ka bililhong tambag alang sa naminyo nga mga managtiayon karon. Mahimong magsulat ka og mga pangutana sama sa mosunod diha sa pisara ug dapita ang mga sakop sa klase sa paghisgot niini samtang magbasa sila sa Mga Taga-Efeso 5:22–33 diha sa mga grupo: Giunsa sa pagpakita ni Kristo ang Iyang gugma alang sa Simbahan? Unsay atong mahimo aron sa pagsunod sa Iyang ehemplo kon unsaon nato pagtratar ang atong mga kapikas? Mahimo usab nimong dapiton ang mga sakop sa klase sa pagpaambit og mga ehemplo nga ilang nakita nga ang mga kapikas naglihok diha sa Kristohanong mga paagi ngadto sa usag usa. Unsaon man nato sa paggamit niining mga baruganan ngadto sa ubang mga relasyon sa pamilya?

• Samtang ang tambag ni Pablo nga “tumahud ka sa imong amahan ug inahan” (Mga Taga-Efeso 6:2) gipamulong ngadto sa mga anak, mahimo kining magamit sa matag usa kanato, bisan unsa pa man ang atong edad o sitwasyon sa pamilya. Dapita ang mga sakop sa klase sa paghunahuna kon unsaon nila paggamit ang tambag ni Pablo sa Mga Taga-Efeso 6:1–3 ngadto sa ilang kaugalingong mga kahimtang. Pananglitan, unsaon man nato pagtahud sa atong mga ginikanan bisan kon ang ilang mga pagpili wala mahiangay sa mga pagtulun-an ni Jesukristo? Mahimo nimong hatagan ang mga sakop sa klase og pipila ka minuto sa pagsulat kon unsay ilang mahimo aron mas makatahud sa ilang mga ginikanan.

• Kon dunay mga ginikanan—o umaabut nga mga ginikanan—sa batan-ong mga anak diha sa imong klase, mahimo silang makabenepisyo sa paghisgot sa Mga Taga-Efeso 6:4. Unsay buot ipasabut sa pagmatuto sa mga anak “uban sa pagbansay ug pagpahamatngon gikan sa Ginoo”? Tingali ang mga sakop sa klase nga dunay mas dagko na nga mga anak mahimong mopaambit kon unsay gipasabut niini ngadto kanila ug giunsa nila pagsulay sa paggamit niining tambag diha sa ilang mga pamilya.

Mga Taga-Efeso 6:10–18

Ang hinagiban sa Dios motabang sa pagpanalipod kanato gikan sa dautan.

• Unsa man ang makatabang sa pagdasig sa mga sakop sa klase nga maningkamot sa pagsul-ob sa tibuok nga hinagiban sa Dios matag adlaw? Mahimo nga mag-andam ka og kalihokan diin ang mga sakop sa klase makapares-pares sa mga piraso sa hinagiban ngadto sa mga baruganan o mga hiyas nga girepresentar niini diha sa Mga Taga-Efeso 6:14–17. Sa unsang paagi nga ang matag piraso sa hinagiban makatabang aron mapanalipdan kita gikan sa pagkadautan? (Alang sa uban nga tabang, tan-awa sa “Dugang nga mga Kapanguhaan.”) Giunsa sa mga sakop sa klase pagsul-ob kini nga hinagiban? Isip kabahin niining panaghisgutan, mahimo nimong ipaambit ang pagpasabut ni Presidente N. Eldon Tanner diha sa “Dugang nga mga Kapanguhaan.” Unsay atong mahimo aron mailhan ug mapalig-on ang bisan unsang mga kahuyang diha sa atong hinagiban?

pagkat-on nga icon

Awhaga ang Pagkat-on diha sa Panimalay

Aron maawhag ang mga sakop sa klase nga mobasa sa Mga Taga-Filipos ug Mga Taga-Colosas, mahimo nimo silang sultihan nga usa sa mga Artikulo sa Hugot nga Pagtuo gibase diha sa bersikulo nga makita sa usa niining mga epistola. Makita ba nila kini diha sa ilang mga pagtuon karong semanaha?

mga kapanguhaan nga icon

Dugang nga mga Kapanguhaan

Mga Taga-Efeso

Unsa man ang chief cornerstone [ulohang bato sa pamag-ang]?

Ang chief cornerstone [ang ulohang bato sa pamag-ang] mao ang unang bato nga gipahimutang sa usa ka pundasyon. Nagsilbi kini isip reference point alang sa pagsukod ug pagpahimutang sa ubang mga bato, nga kinahanglan gayud nga mapahiangay sa ang ulohang bato sa pamag-ang [chief cornerstone]. Tungod kay nagdala kini sa gibug-aton sa tibuok nga building, ang ulohang bato sa pamag-ang [chief cornerstone] kinahanglan nga solido, lig-on, ug kasaligan gayud.

Ang hinagiban sa Dios.

Mabinaksan ang inyong mga hawak sa kamatuoran:Kining piraso sa hinagiban susama sa usa ka bakus nga gihigot sa tibuok hawakan. Ang pulong nga mabinaksan nagpasabut usab og nalig-on, o nasuportahan.

Taming:Ang taming nanalipod sa kasingkasing ug sa ubang mahinungdanong mga bahin sa lawas.

Masinapinan nga mga tiil:Nagpasabut kini sa makapanalipod nga tabon alang sa mga tiil sa sundalo.

Kalasag [Shield]:Ang taming makapanalipod sa hapit bisan unsa nga bahin sa lawas gikan sa nagkadaiyang pagpangataki.

Salukot [Helmet]:Ang usa ka salukot manalipod sa ulo.

Espada:Ang espada nagtugot kanato nga molihok batok sa kaaway.

“Susiha ang inyong hinagiban.”

Si Presidente N. Eldon Tanner, kinsa nagserbisyo isip magtatambag sa Unang Kapangulohan, midapit sa miyembro sa Simbahan sa pagtimbang-timbang sa kalig-on sa ilang personal nga hinagiban pinaagi sa pagpamalandong sa ilang mga paningkamot sa pagsunod sa ebanghelyo. Dayon mipasabut siya:

“Kon … ang atong hinagiban huyang, dunay makita nga dapit nga wala maproteksyuni, usa ka huyang nga dapit alang sa pag-ataki, ug mapaubos kita sa pagkaangol o pagkalaglag pinaagi ni Satanas, kinsa nagsiksik hangtud makakita siya sa atong mga kahuyang, kon kita aduna niini.

“Susiha ang inyong hinagiban. Duna bay wala mapanalipdi niini o maproteksyuni nga dapit? I-determinar karon ang pagdugang sa bisan unsang bahin nga wala diha. Bisan unsa pa ka karaan o kakulang sa mga bahin niini ang inyong hinagiban, hinumdumi kanunay nga anaa kini sulod sa inyong gahum ang paghimo sa gikinahanglan nga pagpahiangay aron makompleto ang inyong hinagiban.

“Pinaagi sa talagsaong baruganan sa paghinulsol inyong mausab ang inyong kinabuhi ug masugdan karon nga masul-uban ang inyong kaugalingon sa hinagiban sa Dios pinaagi sa pagtuon, pag-ampo, ug determinasyon nga alagaran ang Dios ug tumanon ang iyang mga sugo” (“Put on the Whole Armor of God,” Ensign, Mayo 1979, 46).

Pagpalambo sa Atong Pagtudlo

Paningkamot alang sa Kristohanon nga paghigugma. Ang imong mga inter-aksyon uban niadtong imong gitudloan kinahanglang naaghat pinaagi sa gugma. Ikaw ug ang imong mga tigkat-on mapanalanginan samtang mag-ampo kamo aron mapalambo ang Kristohanon nga paghigugma ug magtinguha og mga paagi sa pagpakita niini (tan-awa sa Pagtudlo sumala sa Pamaagi sa Manluluwas, 6; Moroni 7:48).