Dugang nga mga Kapanguhaan

Kadaghanan niining mga kapanguhaan makita sa Gospel Library app ug sa LDS.org.

Dali, Sunod Kanako—Alang sa mga Indibidwal ug mga Pamilya

Makahimo ka sa pagpahiangay og bisan unsang mga kalihokan gikan niining kapanguhaan aron magamit sa inyong klase sa Sunday School. Kon ang mga sakop sa klase nakagamit na niining mga kalihokan diha sa ilang personal o pamilya nga pagtuon sa kasulatan, awhaga sila sa pagpakigbahin sa ilang mga kasinatian ug mga ideya.

Mga Magasin sa Simbahan

Ang Liahona nga magasin naghatag og mga artikulo ug ubang mga feature nga makasuporta sa mga baruganan nga inyong itudlo gikan sa Dali, Sunod Kanako—Alang sa Sunday School.

Songbook sa mga Bata

Ang sagradong musika nagdapit sa Espiritu ug nagtudlo og doktrina sa halandumong paagi. Agig dugang sa naprint nga bersyon sa Songbook sa mga Bata, makakita ka og mga recording sa daghang himno ug mga awit sa mga bata sa music.lds.org ug sa LDS Music app.

Media Library

Ang artwork, mga video, ug ubang media makatabang niadtong inyong tudloan nga ma-visualize ang doktrina ug mga istorya nga makita diha sa Bag-ong Tugon. Bisitaha ang medialibrary.lds.org sa pag-browse sa koleksyon sa mga kapanguhaan sa media sa Simbahan, lakip na ang Bible Videos series, nga naghulagway sa mga panghitabo diha sa Bag-ong Tugon.

Mga Manwal sa Seminary ug Institute

Ang mga manwal sa seminary ug institute naghatag og background sa kasaysayan ug komentaryo sa doktrina alang sa mga baruganan nga makita diha sa mga kasulatan. Naglangkob usab kini sa mga ideya sa pagtudlo nga mapahiangay alang sa mga klase sa Sunday School.

Mga Hilisgutan sa Ebanghelyo

Sa topics.lds.org inyong makita ang nag-una nga mga impormasyon mahitungod sa nagkadaiyang mga hilisgutan sa ebanghelyo, kauban sa mga link ngadto sa makatabang nga mga kapanguhaan, sama sa may kalabutan nga mga pakigpulong sa kinatibuk-ang komperensya, mga artikulo, mga kasulatan, ug mga video. Makita usab ninyo ang Gospel Topics Essays, nga nagtanyag sa makapadasig nga mga tubag sa mga pangutana sa ebanghelyo.

Matinud-anon sa Tinuhoan

Kini nga kapanguhaan naghatag og yano nga mga pagpasabut bahin sa mga hilisgutan sa ebanghelyo, nga gilista sa alphabetical nga han-ay.

Isangyaw ang Akong Ebanghelyo

Kini nga giya alang sa mga misyonaryo naghatag og kinatibuk-ang pagpasabut sa nag-una nga mga baruganan sa ebanghelyo.

Alang sa Kalig-on sa mga Kabatan-onan

Kini nga kapanguhaan nag-outline sa mga sumbanan sa Simbahan nga makatabang nato aron magpabiling takus sa mga panalangin sa Ginoo. Ilabi na kon nagtudlo kamo sa mga batan-on, ikonsiderar ang pag-refer ngadto niini pirme.

Pagtudlo sumala sa Pamaagi sa Manluluwas

Kini nga kapanguhaan makatabang ninyo nga makakat-on ug makagamit sa mga baruganan sa Kristohanon nga pagtudlo. Kining mga baruganan hisgutan ug buhaton diha sa mga miting sa teacher council.