Te tahi atu ā mau rāve’a tauturu

E nehenehe te rahira’a o teie mau rāve’a tauturu e ’itehia i roto i te fa’anahora’a roro uira nō te Vaira’a Buka ’Evānelia i ni’a LDS.org.

Mai, pe’e mai—Nō te mau ta’ata iho ’e te ’utuāfare

E nehenehe tā ’oe e fa’atano i te mau ’ohipara’a nō teie mau rāve’a tauturu nō te fa’a’ohipa i roto i tā ’oe piha Ha’api’ira’a Sābati. Mai te mea ’ua fa’a’ohipa te mau pīahi i teie mau ’ohipara’a i roto i tā rātou iho ’e ’aore rā tā te ’utuāfare tuātapapara’a i te mau pāpa’ira’a mo’a, ’a fa’aitoito ia rātou ’ia fa’a’ite mai i tō rātou mau ’itera’a ’e mau mana’o.

Mau ve’a a te ’Ēkālesia

E hōro’a mai te New Era, Ensign, ’e Liahona i te mau fa’ata’ara’a parau ’e te tahi atu mau pāpa’ira’a o te nehenehe e fa’ananea atu i te mau parau tumu tā ’oe e ha’api’i ra i roto Mai, pee mai—Nō te Ha’api’ira’a Sābati.

Te Mau Hīmene ’e te Chants pour les enfants

E ani manihini te pehe mo’a i te Vārua ’e e ha’api’i i te ha’api’ira’a tumu nō roto i te hō’ē rāve’a e ’ore roa e mo’ehia. Ta’a ’ē noa atu i te mau nene’ira’a o Te Mau Hīmene ’e te Chants pour les enfants, e nehenehe tā ’oe e ’ite mai e rave rahi mau haruharura’a o te mau hīmene ’e te mau hīmene a te mau tamari’i i ni’a music.lds.org ’e i roto i te fa’anahora’a LDS Music.

Rāve’a ha’aparare vaira’a buka.

E nehenehe te mau hōho’a peni, te mau video ’e te tahi atu mau rāve’a ha’aparare e tauturu i te feiā tā ’outou e ha’api’i ra ’ia hi’o i te ha’api’ira’a tumu ’e te mau ’ā’amu e ’itehia i roto i te Faufa’a ’Āpī ’A haere atu e hi’o i te medialibrary.lds.org nō te hi’o haere i te mau rāve’a ha’aparare a te ’Ēkālesia mai te mau video nō ni’a i te Bibilia, o te fa’a’ite mai i te mau ’ohipa i tupu i roto i te Faufa’a ’Āpī.

Mau buka seminaire ’e institut

E hōro’a mai te mau buka seminaire ’e institut i te tupura’a o te ’ā’amu ’e te mau tātarara’a nō te ha’api’ira’a tumu o te mau parau tumu e ’itehia i roto i te mau pāpa’ira’a mo’a. Tē vai ato’a ra i roto i te reira mau buka te mau mana’o nō te ha’api’ira’a ’e nehenehe e fa’atanohia nō te mau piha Ha’api’ira’a Sābati.

Mau tumu parau nō te ’Evanelia

I ni’a i te topics.lds.org ’e nehenehe tā ’oe e ’ite i te ha’amāramaramara’a nō ni’a i te mau huru tumu parau ato’a o te ’evanelia, ’oia ato’a te reni tū’atira’a nō te mau rāve’a tauturu, mai te mau a’ora’a nō te ’āmuira’a rahi, te mau fa’ata’ara’a parau, te mau pāpa’ira’a mo’a, ’e te mau video. ’E nehenehe ato’a ’oe e ’ite i ni’a i te Gospel Topics Essays, ’o te hōro’a mai i te mau pāhonora’a hōhonu i te mau uira’a nō ni’a i te ’evanelia.

Mau Māite i te Fa’aro’o

E hōro’a mai teie rāve’a tauturu i te mau tātarara’a ’ōhie nō ni’a i te mau tumu parau o te ’evanelia, tei tāpurahia ma te fa’anahora’a pī’āpā.

’Ia Poro Haere i Tā’u Nei ’Evanelia

E hōro’a mai teie arata’i nā te mau misiōnare i te hō’ē hi’ora’a nō te mau parau tumu o te ’evanelia.

Nō te Pūai ’o te Feiā ’Āpī

E fa’ata’a mai teie rāve’a tauturu i te mau ture a te ’Ēkālesia o te nehenehe e tauturu ia tātou ’ia vai parau-ti’a noa nō te fāri’i i te mau ha’amaita’ira’a ’a te Fatu. Mai te mea ihoa ra ē tē ha’api’i ra ’oe i te feia ’āpī, ’a feruri i te tai’o pinepine atu i te reira.

Ha’api’ira’a mai tā te Fa’aora

E nehenehe teie rāve’a tauturu e tauturu ia ’oe ’ia ha’api’i mai ’e ia fa’a’ohipa i te mau parau tumu mai tā te Mesia i ha’api’i. E tuatāpapahia ’e e fa’a’ohipahia teie mau parau tumu i roto i te mau ’āpo’ora’a a te mau ’orometua ha’api’i.

mau tamaroa e fa’a’ohipa ra i te mau mātini ta’ita’i rorouira