Օգտագործել «Եկ, հետևիր ինձ» ուղերձը Կիրակնօրյա Դպրոցի համար

Նախապատրաստվել ուսուցանել Կիրակնօրյա Դպրոցում

Տունը պետք է լինի ավետարանի ուսումնասիրման կենտրոնը: Սա ճշմարիտ է ձեր և նրանց համար, ում դուք ուսուցանում եք: Երբ պատրաստվում եք ուսուցանել, սկսեք սուրբ գրություններում ձեր անձնական փորձառություններից: Ձեր ամենակարևոր նախապատրաստությունը տեղի կունենա, երբ ձգտեք Սուրբ Հոգու ոգեշնչմանը:

«Եկ, հետևիր ինձ» ուղերձը Անհատների և ընտանիքների համար ձեռնարկը նույնպես ձեր նախապատրաստության կարևոր մաս է: Այն կօգնի ձեզ ձեռք բերել սուրբ գրություններում գտնվող վարդապետական սկզբունքների ավելի խորն ըմբռնում: Դուք նաև կկարողանաք ոգեշնչել և հրավիրել դասարանի անդամներին օգտագործել «Եկ, հետևիր ինձ» ուղերձը Անհատների և ընտանիքների համար ձեռնարկը՝ ամրացնելով նրանց անձնական և ընտանեկան սուրբ գրությունների ուսումնասիրությունը, տես «Գաղափարներ խրախուսելու անձնական և ընտանեկան ուսումնասիրությունը» այս աղբյուրում): Այդ ընթացքում հիշեք, որ պետք է զգայուն լինեք դասարանի անդամների հանդեպ, ում ընտանեկան հանգամանքները գուցե բարենպաստ չեն կանոնավոր ընտանեկան սուրբ գրությունների ուսումնասիրության համար:

Ձեր նախապատրաստության ժամանակ մտքեր, տպավորություններ կգան ձեզ այն մարդկանց վերաբերյալ, ում դուք ուսուցանում եք, թե ինչպես սուրբ գրությունների սկզբունքները կօրհնեն նրանց կյանքը և ինչպես դուք կարող եք ոգեշնչել նրանց հայտնաբերել այդ սկզբունքները, երբ ուսումնասիրեն սուրբ գրություններն ինքնուրույն:

Ուսուցման գաղափարներ

Երբ կազմում եք ձեր ուսումնական ծրագիրը, կարող եք ձեռք բերել լրացուցիչ ոգեշենչում՝ հետազոտելով այս աղբյուրի համառոտ շարադրանքները: Մի մտածեք այս գաղափարների մասին որպես քայլ առ քայլ հրահանգների, այլ որպես առաջարկների, որոնք սկիզբ կդնեն ձեր անձնական ոգեշնչմանը: Դուք գիտեք ձեր դասարանի անդամներին և Տերը նույնպես գիտի նրանց: Նա կոգեշնչի ձեզ լավագույն ձևով, որ օգնեք դասարանի անդամներին կառուցել ավետարանի գիտելիքի վրա, որը ստանում են իրենց տներում:

Դուք ունեք այլ բազմաթիվ մատչելի աղբյուրներ, երբ նախապատրաստվում եք, ներառյալ գաղափարներ «Եկ, հետևիր ինձ» ուղերձը Անհատների և ընտանիքների համար և եկեղեցական ամսագրերը: Այս և մյուս աղբյուրների վերաբերյալ լրացուցիչ տեղեկություն ստանալու համար, տես «Լրացուցիչ աղբյուրներ»

Մտապահելու որոշ գաղափարներ

• Տունը լավագույն տեղն է ավետարանը սովորելու համար: Որպես ուսուցիչ, դուք կարևոր պարտականություն ունեք աջակցել, քաջալերել և կառուցել ավետարանի ուսումնասիրությունը տանը:

• Դասարանի անդամների դարձը դեպի Հիսուս Քրիստոսի ավետարանը կխորանա, երբ նրանք հասկանան և կիրառեն ճշմարիտ վարդապետություն: Խրախուսեք նրանց գրի առնել և գործել ըստ այն տպավորությունների, որոնք ստանում են Սուրբ Հոգուց:

• Ուսուցանելն ավելին է քան դասախոսելը, բայց այն նաև ավելին է, քան ուղղակի քննարկում վարելը: Ձեր դերի մի մասն է կազմում մասնակցության խրախուսումը, որը դաստիարակում է և հիմնված է սուրբ գրությունների վրա:

• Երկնային Հայրը կամենում է, որ դուք հաջողության հասնեք՝ որպես ուսուցիչ: Նա ապահովել է շատ աղբյուրներ՝ օգնելով ձեզ հաջողության հասնել, ներառյալ ուսուցիչների խորհրդի ժողովները: Այս ժողովներում դուք կարող եք խորհուրդ տալ միմյանց որևէ մարտահրավերի դեպքում, որին, հնարավոր է, բախվեք: Դուք կարող եք նաև քննարկել և կիրառել քրիստոսանման ուսուցման սկզբունքներ:

• Մարդիկ ավելի խորն են սովորում, երբ ուսուցանելու հնարավորություն են ունենում: Առիթի դեպքում թույլ տվեք դասարանի անդամներին, ներառյալ երիտասարդներին, ուսուցանել դասի մի մասը: Այս որոշումը հիմնավորեք դասարանի անդամների կարիքների և ունակությունների համաձայն: Եթե դուք հրավիրում եք դասարանի որևէ անդամի ուսուցանել, ժամանակ տրամադրեք օգնելով նրան նախապես պատրաստվել՝ օգտագործելով այս աղբյուրում և «Եկ, հետևիր ինձ» ուղերձը Անհատների և ընտանիքների համարձեռնարկում գտնվող գաղափարները: Հիշեք, որ որպես կանչված ուսուցիչ, դուք պատասխանատու եք նրա համար, ինչ ուսուցանվում է դասարանում:

• Այս աղբյուրը ներառում է համառոտ շարադրանքներ տարվա ամեն շաբաթվա համար բացի երկու կիրակիներից, երբ գերագույն համաժողով է տեղի ունենում: Այն կիրակիները, երբ Կիրակնօրյա Դպրոց չի անցկացվում ցցի համաժողովի պատճառով կամ որևէ այլ պատճառով, ընտանիքները կարող են տանը շարունակել ուսումնասիրել Նոր Կտակարանը համաձայն ծրագրված ժամանակացույցի: Որպեսզի պահեք Կիրակնօրյա Դպրոցի դասը ըստ ժամանակացույցի, կարող եք ընտրությամբ բաց թողնել մեկ դասը կամ միացնել երկու դասը: Խառնաշփոթից խուսափելու համար Կիրակնօրյա Դպրոցի նախագահները գուցե կամենան Կիրակնօրյա Դպրոցի ուսուցիչներին նախապես խորհուրդ տալ այս ճշտումների վերաբերյալ: