Jisōs ej katakin ioon toļ eo

Jisōs ej Kwaļo̧k Naan ioon Toļ eo, jān Gustave Doré

Pāpode 13–19

Matu 5; Luk 6

“E M̧ōņōņō Kom̧”

Rekoote im̧we in jetōb ko am̧ ilo am̧ ekkatak kōn Matu 5 im Luk 6. Revelesōn enaaj itok ilo am̧ pukōte n̄an tōpar aikuj ko an kūlaaj eo am̧.

pija ej bōk jikin kwaļo̧k

Kajjitōk bwe ren Kwaļo̧k

Būreejtōn Joseph Fielding Smith ekar ba bwe Kwaļo̧k eo ioon Tol eo ej “[kwaļo̧k] eo eļap tata me kar kwaļo̧ke, ilo ad jeļā kake” (Teachings of Presidents of the Church: Joseph Fielding Smith [2013], 234). Kajjitōk ippān ro uwaan kūlaaj eo n̄an kwaļo̧k en̄jake ko aer kōn etke menin ej m̧ool.

pija eo ej bōk jikin katakin

Katakin Katak eo

Matu 5:1–12

Lem̧ōņōņō eo aitok kitien ej itok jān mour ilo wāween eo Jisōs Kraist ekar katakin.

• Ilo Kwaļo̧k eo ioon Toļ eo, Rilo̧mo̧o̧r eo ekar kajjitōk ippān rikaļoor ro An n̄an bar ļōmņak kōn ta meļeļe in n̄an mour juon mour em̧ōņōņō—juon mour in lem̧ōņōņō aitok kiten. N̄an jino juon iien ekōnono kōn lem̧ōņōņō eo aitok kitien, kwomaron̄ kajjitōk ippān ro uwaan kūlaaj eo n̄an kwaļo̧k ta eo ekōm̧m̧an bwe ren m̧ōņōņō. Ekkar n̄an Matu 5:1–12, ta eo Jisōs ej ba ekōm̧m̧an an juon armej “m̧ōņōņō” ak m̧ōņōņō indeeo. Ekōjkan an katak ko an Jisōs oktak jān wāween ko armej rej kajjieon̄ in kappukōt m̧ōņōņō?

• Ļōmņak in kōllaajrak ioon boot eo jet m̧wil ko ak bōnja ko jān eoon 3–12, āinwōt “erreo būrueir” ak “ ri kōllaajrak (rikōm̧m̧an aenōm̧m̧an).” Innām kajjitōk ippān ro uwaan kūlaaj eo n̄an elmakote men ko kajjojo rooktak. Ta eo jej ekkatak kōn bōnja kein kōn ļōmņak kōn men ko rej jum̧ae er? Kajjitōk ippān ro uwaan kūlaaj eo n̄an kejekļo̧kjeņ kōn ta eo remaron̄ ukōte n̄an aer maron̄ kain armej rōt eo me kar kōmeļeļeik ilo eoon kein. Ta eo 3 Nipai 12:3, 6 ej kobaiktok n̄an meļeļe eo ad kōn Matu 5:3, 6?

Jisōs ej katakin rikaļoor ro

Rilo̧mo̧o̧r eo ekar katakin ekōjkan mour m̧ōņōņō im erom āinwōt Jemed ilo Lan̄.

Matu 5:14–16

Rikaļoor ro an Rilo̧mo̧o̧r eo rej meram eo an laļ in.

• Ta meļeļe in n̄an “meram in laļ”? (eoon 14). Ta meļeļe in n̄an ņooj meram eo ad “ium̧win jāpe”(eoon 15), in etke jemaron̄ in kapo n̄an kōm̧m̧ane menin? Ennaan eo jān Būreejtōn Bonnie H. Cordon ilo “Kein Jipan̄ ko Jet” im 3 Nipai 18:24 maron̄ jipan̄ ro uwaan kūlaaj eo ļapļo̧k aer kajjieon̄ wōt in erom juon meram n̄an ro jet. Remaron̄ barāinwōt kōnono kōn armej ro me raar juon meram n̄an er im kar tōlļo̧k er n̄an Jisōs Kraist. Ekōjkan ad maron̄ arin armej rein?

Matu 5:17–48

Jisōs Kraist ekar katakin juon kien eutiejļo̧k me emaron̄ tōlļo̧k kōj n̄an weppān.

• Jet iaan jekjek ko kar kōmeļeļeik ilo Matu 5 raar wōt n̄an raan ko an Rilo̧mo̧o̧r eo, bōtaab pedped in katak ko E ekar katakin rej n̄an aolep. N̄an jipan̄ ro uwaan kūlaaj eo lo men ko rej jerbal n̄an mour ko aer, kajjitōk ippāer n̄an kāālet juon iaan eoon kein im ļōmņak kōn juon waanjon̄ak raan kein me ej kōmeļeļeik ta eo Rilo̧mo̧o̧r eo eark katkain: eoon ko 21–24; 27–30; 33–37; 38–39; 40–42; and 43–44. Remaron̄ kōm̧m̧ane menin makeļo̧k ak ilo kumi ko reddik im kwaļo̧k waanjon̄ak ko aer ippān kūlaaj eo.

• Ekōjkan am̧ maron̄ jipan̄ ro uwaan kūlaaj eo lo bwe kean̄ eo an Rilo̧mo̧o̧r eo n̄an “weeppān” (Matu 5:48) ej meļeļe in, āinwōt an Būreejtōn Russell M. Nelson kar kōmeļeļeik “dedeļo̧k” ak “em̧ōj”? (“Perfection Pending,” Ensign, Nob 1995, 86–88). Kwomaron̄ m̧wijiti juon pija in Jisōs n̄an juon bajōļ, im kajjitōk ippān ro uwaan kūlaaj eo n̄an je itulikin kajjojo m̧ōttan juon katak jān Matu 5 me rej en̄jake ekar im̧we er n̄an kōjerbale n̄an mour ko aer. Kōm̧m̧an bwe ren jerbal ippān doon n̄an kadedeļok bajōļ eo. Ekōjkan an Pinmuur eo an Jisōs Kraist jipan̄ kōj erom “dedeļo̧k” ak “m̧ōj”? (lale Bible Dictionary eo “Grace”). Ta eo naan ko an Būreejtōn Joy D. Jones ilo “Kein Jipan̄ ko Jet” ej kobaitok n̄an meļeļe eo ad kōn jekjek in?

pija ej bōk jikin kein jipan̄ ko

Kein Jipan̄ ko jet

Erom juon meram.

Būreejtōn Bonnie H. Cordon eaar katakin: “Kūr eo an Irooj n̄an romaak ad meram ejjab ad bajjōk kameramrame aolep jikin bwe laļ in en meramļo̧k. Ej kōn wōt kajejjet meram eo ad bwe ro jet ren maron̄ lo iaļ eo n̄an Kraist. Ej aiintok doon eo an Israel ilo turājet in rōn̄ōl eo—jipan̄ ro jet lo bun̄tōn eo tok juon m̧aanļo̧k ilo kōm̧m̧an im kōjparok bujen ko ippān Anij” (“Bwe Ren Maron̄ Lo,” Liaona, Māe 2020, 79).

Kappukōt weeppān.

Būreejtōn Joy D. Jones ekar kōmeļeļeik:

“Irooj ej iakwe kijejeto, im kijejeto ej bōktok nebar. Jen ekkatak wōt. Jej aolep iien eddōkļo̧k to̧o̧n wōt ad kajjieon̄ ļoore Irooj. Ejjab kōtmene ad wānōk rainin. Jej tallōn̄e toļ Sainai eo ad make. Ilo iien ko remootļo̧k, iaļ eo ad em̧ool ej bōk kijejeto, buuļ jerbal, im ekkatak, ak wūjlepļo̧k n̄an eddōkļo̧k ej bōktok nōbar ko indeeo. …

“Jen kajoor ilo ad kwaļo̧k ad kijejeto n̄an Jemedwōj Ilan̄ im ad Rilo̧mo̧o̧r, ‘kōn tōmak edim ilo e, atartar wōt ioon tōllo̧ke ko an eo ekajoor n̄an lo̧mo̧o̧ren’ [2 Nipai 31:19]. Jen lan̄lōn̄ im wōnm̧aanļo̧k ilo iaļ in m̧ae jibadbad eo eutiejtata an jetōb eo ad” (“Juon Kūr eo Elukkuun Utiej,” Liaona, Māe 2020, 16–17).

Kōkōm̧anm̧anļo̧k Ad Katakin

Kōļapļo̧k bōk ko̧nan an ro uwaan kūlaaj. Elōn̄ m̧akūtkūt ko remaron̄ kōm̧m̧an āinwōt juon kūlaaj, ilo kumi ko reddik, ilo ruo iaan ruo, ak āinwōt juon iien ekōnono an juon pānōļ. Kōjerbal elōn̄ kain kilen katakin ko n̄an kōtļo̧k bwe ro rej bōk koņaer me raar jab maron̄ kar. (Lale Teaching in the Savior’s Way, 33.)