Jisōs ej jutak ilo āne jem̧aden

N̄an Āne Jem̧aden, jān Eva Koleva Timothy

Jānwōde 30–Pāpode 5.

Matu 4; Luk 4–5

“Jetōb An Irooj Ej Ioō”

Ilo am̧ ekkatak Matu 4 im Luk 4–5, je im̧we ko am̧ ilo jetōb. Menin enaaj akjo̧kwetok im̧we eo kōn ekōjkan n̄an tōpar ilo em̧m̧an tata aikuj ko an kūlaaj eo am̧. Kwomaron̄ barāinwōt ļōmņak in kōjerbal Itok, Ļoor Eō—N̄an Kajjojo Armej im Baam̧le ko barāinwōt unin tōl in n̄an lo elōn̄ļo̧k ļōmņak ko.

pija ej bōk jikin kwaļo̧k

Kajjitōk bwe ren Kwaļo̧k

Kein riit eo an wiik in ekoba ennaan in: “ Im re bwilōñ kōn An naan in katak: bwe an in naan e kajoor” (Luk 4:32; lale barāinwōt Mark 1:22). Kajjitōk ippān ro uwaan kūlaaj eo n̄an kwaļo̧k eoon ko jān Matu 4 im Luk 4–5 me rekar jipan̄ er en̄jake bwe kajoor in katak eo kōn er make.

pija eo ej bōk jikin katakin

Katakin Katak eo

Matu 4:1–11; Luk 4:1–13

Jemedwōj Ilan̄ ekar letok n̄an kōj kajoor eo im kein jipan̄ ko n̄an jum̧ae kapo.

• Bwebwenato eo kōn an Rilo̧mo̧o̧r eo jum̧ae Setan emaron̄ jipan̄ ro uwaan kūlaaj eo kile wāween ko me Setan ej kajjieon̄ in kapo er. Ro uwaan kūlaaj eo remaron̄ kāālet juon iaan kapo ko ilo Matu 4:1–11 ak Luk 4:1–13 im ļōmņak kōn juon kapo an raan kein, kapo eo eiookļo̧k (ennaan eo ilo “Kein Jipan̄ ko Jet” emaron̄ jipan̄). Etke ej jipan̄ n̄an jeļā bwe Rilo̧mo̧o̧r eo ekar jelm̧ae kapo ko reierļo̧k wōt ko jej jeļmae rainin? Etke Kraist ekar maron̄ in jum̧ae kapo? Kōn waanjon̄ak ko jet an jeje ko rekwojarjar kōn armej ro raar jum̧ae Setan, lale Jenesis 39:7–20; 2Nipai 4:16–35; im Moses 1:10–22.

• Ta eo emaron̄ jipan̄ ro uwaan kūlaaj eo jum̧ae kapo? Kwomaron̄ kajjitōk ippāer n̄an etale Matu 4:1–11 ak Luk 4:1–13 n̄an ekkatak kōn ekōjkan an jeļā eo an Rilo̧mo̧o̧r eo kōn jeje ko rekwojarjar kar jipan̄ E uwaake Setan, ilo An kar kōm̧m̧ane ke Ekar ba, “Bwe em̧ōj jeje.” Leļo̧k n̄an ro uwaan kūlaaj eo iien n̄an lale ium̧win“Kapo” ilo Unin Tōl n̄an Jeje Ko Rekwōjarjar me emaron̄ leļo̧k kajoor im kōkajoorļo̧k er n̄e rej en̄jake kapo.

Luk 4:16–32

Jisōs Kraist ej Messaia eo kar kanaan kake.

• N̄an jipan̄ ro uwaan kūlaaj eo em̧m̧anļo̧k aer meļeļe kōn bwebwenato eo ilo Luk 4:16–32, kwomaron̄ kōmeļeļeik bwe taitōļ eo Messaia im Kraist rej jim̧or meļeļe in “eo kapiti.” Ilo an ro uwaan kūlaaj eo riiti Luk 4:18–21, kajjitōk ippāer n̄an ļōmņak kōn ta meļeļe in n̄an ba bwe Jisōs Kraist, Messaia eo, ak Eo Kapiti. Remaron̄ barāinwōt lo bwe ejipan̄ n̄an riiti “Anointed One” ilo Bible Dictionary eo. Ekōjkan an Jisōs kar kean̄ bwe E ej Messaia eo rainin? Ro uwaan kūlaaj eo remaron̄ kwaļo̧k ekōjkan aer kar itok n̄an jeļā bwe Jisōs Kraist ej aer Rilo̧mo̧o̧r.

• Emaron̄ bōlen wōr jet katak ko rejipan̄ n̄an ekkatak jān etale etke armej in Nazareth ro raar jab bōk Jisōs āinwōt Messaia eo kar kanaan kake. Ta un ko, n̄an waanjon̄ak, rej elmakoti ilo Luk 4:22–24? Innām ro uwaan kūlaaj eo remaron̄ keidi m̧wil kein ippān ko an lio emej pāleen in Zarephath im Naaman eo ilo Kallim̧ur M̧okta (lale Luk 4:25–27). Kwomaron̄ kepaak jet uwaan kūlaaj eo m̧oktaļo̧k im kajjitōk ippāer n̄an pojaktok n̄an ba ilo tukadu in kajjojo bwebwenato kein (lale 1 Kiin̄ Ro 17:8–24; 2 Kiin̄ Ro 5:1–17; Luke 4:16–30). Ta eo bwebwenato kein rej katakin kōj kōn wōr tōmak ilo Jisōs Kraist? Jej ke lo jabdewōt ennaan ko n̄an kōj ilo naan ko an Rilo̧mo̧o̧r eo n̄an armej in Nazareth ro?

Matu 4:18–22; Luk 5:1–11

Ļoor Jisōs ej meļeļe in meļo̧kļo̧k ankilad im bōk Ankilan.

• Jet iien tōl eo Irooj ej letok n̄an kōj āinwōt ejjab ekkar ilo jinoin. Ro uwaan kūlaaj eo remaron̄ etale Luk 5:1–11, kappukōt ta eo Rilo̧mo̧o̧r eo ekar kajjitōk ippān Piter im etke Piter emaron̄ in kar wōr an pere naan in kōmeļeļe ko An. Ekōjkan am en̄jaek in maron̄ kar jelet en̄jake eo an Piter kōn Rilo̧mo̧o̧r eo im e make? Kwomaron̄ kajjitōk ippān ro uwaan kūlaaj eo n̄an kwaļo̧k en̄jake ko me raar kwaļo̧k tōmak eo aer ilo tōl eo ekwojarjrar men̄e ejjeļo̧k juon meļeļe eo edipio. Ta kar tōprak eo ke raar kōjerbal tōmak eo aer?

  Jisōs ej kūr Piter im Andrew iturin lo̧jet.

  “Kom̧win ļoor Eō, im Inaaj likūt kom̧ ri eo̧n̄ōd armej” (Matu 4:19).

• Ejja āinwōt an kar rieon̄ad ro “likūt men otemjej” n̄an ļoor Jisōs Kraist (Luk 5:11), ewōr men ko jej aikuj julo̧k n̄an erom rikaļoor ro An. Ta eo jej ekkatak jān Matu 4:18–22 kōn m̧wil ko im tōmak eo an Piter, Andrew, Jemes, im Jon? Emaron̄ in jipan̄ n̄an bōktok juon ook in eo̧n̄ōd n̄an kūlaaj eo. Innām kajjitōk ippān ro uwaan kūlaaj eo n̄an je men ko rej m̧ōņōņō in julo̧k ak emōj aer kadede julo̧k n̄an ļoor Kraist im likūt er ilo ook eo. Ļōmņak in kajjitōk ippān jejjo ro uwaan kūlaaj eo n̄an kwaļo̧k ekōjkan an mour ko aer kar okta ke raar kāālet n̄an likūt men otemjej n̄an ļoor Rilo̧mo̧or eo.

pija ej bōk jikin kein jipan̄ ko

Kein Jipan̄ ko jet

Kain kapo ko.

Ālkin kōnono kōn kapo ko Rilo̧mo̧o̧r eo ekar jelm̧ae ilo āne jem̧aden, Būreejtōn David O. McKay kwaļo̧k jilu kumi in kapo ko:

“(1) Kapo an kōņaan eļap ak itok limo;

“(2) Deļo̧n̄ ilo utiej bōro, kōņaan, ak nōbar ro jet;

“(3) Ikdeelel n̄an m̧weie ko an laļ ak kajoor im irooj ioon āne ko ak m̧weiuk ko an armej ilo laļ in” (Teachings of Presidents of the Church: David O. McKay [2003], 82).

Kōkōm̧anm̧anļo̧k Ad Katakin

Kam̧m̧oolol rūkkatak ro am̧. “Jab lukkuun kalimjōk wōt katak eo jon̄an komeļo̧kļo̧k in kam̧m̧oolol rūkkatak ro kōn ijo kuņaer. Rej aikuj jeļā bwe kwoj kam̧m̧oolol kōn aer m̧ōņōņō in kwaļo̧k ļōmņak im naan in kam̧ool ko aer” (Teaching in the Savior’s Way, 33).