Jisōs ej katakin iturin parijet

Jisōs ej Katakin Armej ro ilo turin Parijet, jān James Tissot

Pāpode 20–26.

Matu 6–7

“Bwe E Ar Katakin Er Āinwōt Irooj”

Ilo am̧ m̧aanjabpopo n̄an katakin, jino kōn kōpooj eok make. Riiti Matu 6–7, im je en̄jake in jetōb ko am̧. Menin enaaj jipan̄ eok bōk revelesōn kōn ekōjkan n̄an tōpar aikuj ko ilo em̧m̧an tata an kūlaaj eo am̧. Innām etale unin tōl in n̄an ļōmņak ko.

pija ej bōk jikin kwaļo̧k

Kajjitōk bwe ren Kwaļo̧k

Kajjitōk ippān ro uwaan kūlaaj eo n̄an kwaļo̧k ewi wōt eoon ko ilo Kwaļo̧k eo ioon Toļ eo rej en̄jake eļap aikuji ilo tōre in ad. Kōketak ro uwaan kūlaaj eo n̄an kobaikļo̧k n̄an kōļmenļo̧kjeņ ko an doon.

pija eo ej bōk jikin katakin

Katakin Katak eo

Matu 6–7

Eļan̄n̄e jej ron̄ im jerbale katak ko an Irooj, mour ko ad renaaj ekkal ioon juon pedped epen.

• Ta katak ko rejenolo̧k jān Matu 6–7 renaaj kanooj in jipan̄ ro kwoj katakin? Ļōmņak in je ioon boot eo jejjo eoon in jipan̄ ko jān Matu 6–7 me epād ie katak kein. Ro uwaan kūlaaj eo remaron̄ kāālet juon iaan eoon in jipan̄ ko n̄an ekkatak kake ilo ikōn̄ innām je ioon boot eo jabdewōt m̧ool ko ilo jetōb rej ekkatak. Ekōjkan an kar katak kein kareel mour eo am̧?

• Rilo̧mo̧o̧r eo ekar kōjem̧ļo̧k kwaļo̧k eo An kōn juon būrabōļ me emaron̄ jipan̄ ro uwaan kūlaaj eo em̧m̧anļo̧k aer meļeļe aorōk eo an mour kōn katak ko an Rilo̧mo̧o̧r eo (lale Matu 7:24–27; lale barāinwōt Hilamōn 5:12). N̄an pijaikļo̧k būrabōļ in, ro uwaan kūlaaj eo remaron̄ jerbal ippān doon n̄an kalōk juon pedped ekajoor kōjerbal būļak ko, kab ko, ak men ko jet innām teeje kajoor eo an pedped ko aer. Bōlen remaron̄ barāinwōt kakōļleik ujikinen im̧ōko im̧wer kōn men ko remaron̄ kōm̧m̧ane n̄an kōjerbal katak ko an Rilo̧mo̧o̧r eo. Ekōjkan an kōm̧m̧ane men kein maron̄ jipan̄ kōj jutak pen ņae ļan̄ ko an mour?

Matu 6:5–13

Rilo̧mo̧o̧r eo eaar katakin kōj kilen jar.

• Ekkatak Jar eo an Irooj emaron̄ jipan̄ ro uwaan kūlaaj eo kile ekōjkan aer maron̄ kōkōm̧anm̧anļo̧k jar ko aer make jān ļoor waanjon̄ak eo an Irooj. Kwomaron̄ kajjitōk ippāer n̄an je ioon boot eo eoon ko jān Matu 6:9–3 (ak Luk 11:1–4) me remakeļo̧k n̄an er. Ilo ad kejekļo̧kjeņ kōn naan ko an Rilo̧mo̧o̧r eo, ta eo je ekkatak kōn jar? Emaron̄ in ļap meļeļe n̄an ro uwaan kūlaaj eo n̄an bar ba ilo juon wāween ba jet iaan eoon ko āinwōt men ko remaron̄ in ba ilo jar ko aer make. N̄an waanjon̄ak, “Rainin kwōn letok n̄an kōm kijem rainin” maron̄ bar ba ilo juon wāween āinwōt “Jouj im jipan̄ eō ilo kijejeto ko aō n̄an kake n̄an baam̧le eo aō.”

• Ālkin riiti Matu 6:5–13 āinwōt juon kūlaaj, kwomaron̄ ekōnono kōn kajjitōk ko āinwōt wōt kein: Ekōjkan an kar jar kōkajoorļo̧k jemjera eo am̧ ippān Jemedwōj Ilan̄? Ekōjkan an kar jar jipan̄ eok itok n̄an jeļā ankilan Anij?

Matu 7:7–11

Jemedwōj Ilan̄ ej uwaaki jar ko.

• N̄an jipan̄ ro uwaan kūlaaj eo kōkajoorļo̧k tōmak eo aer bwe Anij enaaj ron̄jake im uwaaki jar ko aer, kwomaron̄ je kajjitōk, kappukōt, im kaļļaļļaļ ioon boot eo. Innām ro uwaan kūlaaj eo remaron̄ etale eoon in jeje ko rekwojarjar kōn waanjon̄ak ko an armej ro me raar “kajjitōk,” “kappukōt,” im “kaļļaļlaļ” (n̄an waanjon̄ak ko, lale 1 Nipai 11:1; Ether 2:18–3:6; Josep Smith—Bwebwenato 1:11–17). Ta eo jej ekkatak jān waanjon̄ak kein kōn bōk uwaak ko n̄an jar ko ad?

• Jet jekjek ko raorōk n̄an Matu 7:7–11 maron̄ loi ilo Josep Smith Ukok an Matu 7:12–17 (ilo Bible appendix eo). Ilo eoon kein, ro rikaļooran Jisōs rej kōtmene jet un ko armej ro remaron̄ leļo̧k kōn jab kappukōt m̧ool eo jān Jemedwōj Ilan̄. Kwomaron̄ kajjitōk ippān ro uwaan kūlaaj eo n̄an pijaikļo̧k an wōr juon m̧ōttaer me ej lukkuun kōņaan pukōt tōl eo ak kōjeraam̧m̧an ko jān Irooj. Ta eo ro uwaan kūlaaj eo remaron̄ in kar ba n̄an kōketak in m̧ōttan? Ekōjan aer maron̄ kōjerbal naan ko an Rilo̧mo̧o̧r eo ilo Matu 7:7–11?

Matu 7:15–2

Jemaron̄ kile rikanaan ro rem̧ool im rejjab m̧ool jān leen ko aer.

• Ro uwaan kūlaaj eo am̧ maron̄ lo tōmak ko rebōd im m̧oņ ko jet an rikapo eo, men̄e ilo intōrnet ak jān men ko jet. Remaron̄ barāinwōt ron̄ an ro jet kōraate rijerbal ro an Irooj. Ekōjkan am̧ maron̄ jipan̄ er meļeļe ekōjkan kile rikanaan ro rejjab m̧ool im katak ko jān juon eo em̧ool? Kwomaron̄ kwaļo̧k jejjo leen wōjke ko im kajjitōk ta eo jemaron̄ kōtmene kōn wōjke ko rej itok jāne. Ekōjkan an m̧akūtkūt in jipan̄ kōj meļeļe Matu 7:15–20? Kwomaron̄ barāinwōt riit ippān doon jet iaan ennaan ko rekāāl jān rikanaan ro remour. Ta “leen ko” ak tōprak ko rej itok ilo ad ļoor kapilōk eo kwaļo̧k aer?

  leen wōjke

  Jemaron̄ jeļā rikanaan ro rem̧ool kōn leen ko aer.

• Matu 7:15–20 emaron̄ jipan̄ kalōk tōmak eo an ro uwaan kūlaaj eo ilo mijen eo ekwojarjar an Rikanaan Josep Smith. Ta leen ko leen jerbal eo an Josep Smith ekar kōtōprake? Kōn jet ļōmņak ko, lale ennaan eo an Elder Neil L. Andersen “Joseph Smith” (Liaona, Nob. 2014, 28–31). Ekōjkan ad maron̄ kōjerbal keidi (analogy) eo an Rilo̧mo̧o̧r eo ilo Matu 7:15–20 n̄an kwaļo̧k naan in kam̧ool eo n̄an ro m̧ōttad im baam̧le eo kōn Rikanaan Josep?

Kōkōm̧anm̧anļo̧k Ad Katakin

Jab mijak in ikōn̄. “Kajjitōk ko rem̧m̧an rebōk iien n̄an uwaaki. Rej aikuj kejōkļo̧kjeņ, kappukot, im im̧we. Iien eo kwoj joļo̧k im kōttar uwaak ko n̄an juon kajjitōk ippān emaron̄ erom juon iien ekwojarjar n̄an kejōkļo̧kjeņ. Jolok kapo n̄an jem̧ļo̧kin iien in ekanooj in m̧ōkaj kōn uwaake kajjitōk eo am̧ ak wōnm̧aanļo̧k wōt n̄an bar juon men” (Teaching in the Savior’s Way, 31).