Jisōs ej kōnono ippān Nicodemus

Pāpode 6–12.

Jon 2–4

“Kom̧win Bar Ļotak”

Riiti Jon 2–4 ej juon wāween em̧m̧an n̄an jino m̧aanjabpopo eo n̄an katakin. Je jabdewōt im̧we ko kwoj būki, im kōjerbal unin tōl eo n̄an lo kōļmenļo̧kjeņ ko jet im ļōmņak in katakin ko.

pija ej bōk jikin kwaļo̧k4

Kajjitōk bwe ren Kwaļo̧k

Je jilu taitōļ ko ioon boot eo: Jon 2, Jon 3, im Jon 4. Ro uwaan kūlaaj eo remaron̄ bōk jejjo minit ko n̄an etale jepta kein innām je ium̧win kajjojo taitōļ juon eoon eo me ekar jipan̄ er meļeļe katak eo im iien ko ilo jepta eo. Ekōnono kōn eoon kein raar je.

pija eo ej bōk jikin katakin

Katakin Katak eo

Jon 2:1–11

Kabwilōn̄lōn̄ ko an Jisōs Kraist “kwaļo̧k an aiboojoj.”

• Unin tōl eo an wiik in ilo Itok, Ļoor Eō—N̄an Kajjojo Armej im Baam̧le ko ej elmakot riiti Jon 2:1–11 jān kōļmenļo̧kjeņ an juon eo ekar pād ke Jisōs ekar ukōt dān eo n̄an wine. Bōlen ro uwaan kūlaaj eo remaron̄ kwaļo̧k kōļmenļo̧kjeņ ko raar būki jān kōm̧m̧ane menin. Ta eo jej ekkatak kōn Rilo̧mo̧o̧r eo jān eoon kein? Ekōjkan an kabwilōn̄lōn̄ in kwaļo̧k aiboojoj eo an Anij? (lale eoon 11).

Jon 2:13–22

Jemaron̄ bōbrae jikin ko im men ko rekwojarjar.

• N̄an jipan̄ ro uwaan kūlaaj eo ekkatak jān bwebwenato eo kōn an Jisōs kadiwōjļo̧k ruwia kake ro jān tampeļ eo, kwomaron̄ kajjitōk n̄an ļōmņak kōn men ko jet, ilo kakobaba n̄an tampeļ ko, me Irooj ej watōki kwojarjar. Ekōjan ad maron̄ jipan̄ kōjparok kwojarjar eo an men kein rekwojarjar?

Jon 3:1–21

Jej aikuj bar ļotak n̄an delo̧n̄e aelōn̄ in kiin̄ eo an Anij.

• Ekōjkan ad maron̄ kōmeļeļeik juon ta meļeļe in n̄an bar ļotak? Ļōmņak in kajjitōk ippān ro uwaan kūlaaj eo n̄an kōmālmeļ ekōjkan aer naaj uwaake kajjitōk in ippān armej eo ej jijet iturier. Ilo aer kōm̧m̧ane, remaron̄ ekōnono kōn kajjitōk ko āinwōt kein: Ta eo jej ekkatak jān naan ko an Jisōs ilo Jon 3:3–7? Ekōjkan an ukweļo̧k, im kapene jipan̄ kōj bar ļotak? Ennaan ko ilo “Kein Jipan̄ k Jet” remaron̄ kōkobabatok n̄an ekōnono in.

• Jet armej rej tōmak bwe juon armej ejjab maron̄ lukkuun oktak. Nicodemus, ijo wōt ke, ej juon waanjon̄ak in juon eo ekar oktak āinwōt juon tōprak in ļoor gospel eo an Jisōs Kraist. N̄an jipan̄ ro uwaan kūlaaj eo lo menin, kwomaron̄ kajjitōk ippāer n̄an etale Jon 3:1–2; Jon 7:45–52; im Jon 19:38–40. Ta eo jej ekkatak jān eoon kein kōn m̧wil ko m̧wilin im tōmak ko an Nicodemus? Ekōjkan a kar oktak ilo iien ko? Ta waanjon̄ak ko jemaron̄ kwaļo̧k kōn armej ro me raar oktak kōnke kōn gospel eo?

Jon 4:5–34

Jisōs Kraist ekar letok n̄an kōj “dān in mour” im “jālele (kijiō)” kōn kōm̧m̧ane jerbal eo an Anij.

• Ānbwin ko ad rej aikuj m̧ōn̄ā im dān raan otemjej. Jisōs ekar kōnono kōn aikuj kein reļļap ke E ekar katakin jim̧or kōrā in Samaria eo im rikaļoor ro An (lale Jon 4:5–34). N̄an jipan̄ ro uwaan kūlaaj eo meļeļe ta eo Rilo̧mo̧o̧r eo ekar katakin, kwomaron̄ likūt pija in m̧ōn̄ā ko im dān ioon boot eo im kajjitōk ippān ro uwaan kūlaaj eo n̄an je ium̧win kajjojo pija m̧ool ko kōn m̧ōn̄ā im dān ko ilo jetōb me Jisōs ekar katakin. Ekōjkan an Rilo̧mo̧o̧r eo kabun̄ būruōn kole im maro in jetōb eo ad?

  ibieebtok in dān

  Jisōs Kraist ej letok n̄an kōj dān in mour.

• Kōļmenļo̧kjeņ kōn eddōkļo̧k eo an naan in kam̧ool eo an kōrā in Samaria eo kōn Jisōs Kraist emaron̄ jipan̄ ro uwaan kūlaaj eo kejekļo̧kjeņ kōn ekōjkan aer kar itok n̄an jeļā E ej Messia eo. Āinwōt juon kūlaaj, kappukōt naan ko kōrā in Samaria eo ekar kōjerbali n̄an kōnono kōn Rilo̧mo̧o̧r eo ilo Jon 4:6–30. Ta eo naan kein rej kwaļo̧k kōn jeļā eo an kōn wōn eo Jisōs Kraist? Ekōjkan ad kar eddōkļo̧k ilo naan in kam̧ool ko ad bwe E ej ad Rilo̧mo̧o̧r?

pija ej bōk jikin kein jipan̄ ko

Kein Jipan̄ ko jet

Ta meļeļe in n̄an bar ļotak.

Elder David A. Bednar ekar katakin: “Oktak … elukkuun ļap, ejjab dik—juon ļotak ilo jetōb im oktak eo im̧aan tata kōn ta eo jej en̄jake im ikdelel kake, ta eo jej ļōmņake im kōm̧m̧ane, im ta eo jej. Ilo m̧ool, loļāātāt eo kōn gospel eo an Jisōs Kraist ej aikuji juon oktak eo im̧aan tata im indeeo ilo lukkuun piktok eo ad ekōm̧m̧an an pidodo kōn ad pedped ioon ‘tōllo̧ke eo, im tūriam̧okake, im jouj an Messaia Ekwōjarjar’ (2 Nipai 2:8). Ilo ad kāālet n̄an ļoor Master eo, jej kāālet n̄an oktak—n̄an bar ļotak ilo jetōb” (“Ye Must Be Born Again,” Liahona, Māe 2007, 20).

Būreejtōn Dallin H. Oaks ekar katakin: “Jaar bar ļotak ke jaar deļo̧n̄e juon bujen jemjerā ippān ad Rilo̧mo̧o̧r jān ļotak jān dān im jān Jetōb im jān bōk iood etan Jisōs Kraist. Jemaron̄ bar kōkāāl ļotak jab in kajjojo Jabōt n̄e jej bōk m̧ōttan kwojkwoj eo. Armej ro Rekwojarjar ilo Raan-ko Āliktata rej kean̄ bwe ro me raar bar ļotak ilo wāween in rej ļaddik im leddik ro rejitōnbōro ilo jetōb nejin Jisōs Kraist (lale Mosaia 5:7; 15:9–13; 27:25). Mekarta, n̄an maron̄ kile kōjeraam̧m̧an ko kar baj tōn litok wōt an bar ļotak jekjek in, jej aikuj in wōt kōjparok bujen ko ad im niknik n̄an jem̧ļo̧kin” (“Have You Been Saved?,” Ensign, Māe 1998, 56).

Kōkm̧anm̧anļo̧k Ad Katakin

Rūkaki eo ejjab em̧m̧anļo̧k jān rūkkatak eo. Eddo eo am̧ āinwōt juon rūkaki ej aorōk, bōtaab kwojjab unjen im̧we eo eļap tata ilo kūlaaj eo. Jipan̄ ro uwaan kūlaaj eo n̄an ekkatak jān Jetōb eo im kwaļo̧k n̄an doon ta eo rej ekkatak.