“24–30 Avril. Jan 7–10: ‘‘M Se Bon Bèje a” Vini, Suiv Mwen—Pou Lekòldidimanch: Nouvo Testaman 2023 (2022)
“24–30 Avril. Jan 7–10,” Vini, Suiv Mwen—Pou Lekòldidimanch: 2023
Menmenm Tou, Mwen Pa Kondane W, pa Eva Koleva Timothy
24–30 Avril
Jan 7–10
“M Se Bon Bèje a”
Oumenm ak manm klas ou a ap resevwa anpil ide pandan n ap li Jan 7–10 semèn sa a. Sonje ke ide ki nan plan leson sa a dwe konplete olye pou yo ta ranplase enspirasyon ou resevwa lè w ap etidye ekriti yo.
Envite Pataj
Raple manm klas la jan li enpòtan pou yo fè fwaye yo vin tounen sant aprantisaj levanjil la. Mande yo pou yo pataje sa Sentespri a te anseye yo lè yo te etidye Jan 7–10 lakay yo, endividyèlman oswa avèk fanmi yo.
Anseye Doktrin nan
Jezikri se Sovè mond lan.
-
Nan tout Jan 7–10la, Sovè a te fè plizyè deklarasyon ki ka ede manm klas la konprann misyon L pi byen ak vin pi pre Li. Anvizaje envite manm klas la pou yo li pasaj ekriti sa yo epi pou yo pataje sa yo anseye sou misyon diven Sovè a. Kijan Kris la ranpli wòl sa yo nan lavi nou?
-
Jan 7:37–39: Sous “dlo vivan an”
-
Jan 9:8–10, 35–38: “Pitit Gason Bondye a”
-
Jan 10:7–9: “Pòt la”
-
Jan 10:11–14: “Bon Bèje a”
-
Limyè Mond lan, pa Howard Lyon
Si nou aplike ansèyman Jezikri yo, n ap vin konnen yo se verite.
-
Nan kèk fason, rive gen yon temwayaj se tankou aprann yon talan—toulède mande pratik ak eksperiyans. Pou ilistre sa, ou ta kapab envite manm klas la ki gen yon talan patikilye, tankou jongle oswa jwe yon enstriman mizik, eksplike kijan yo te devlope talan yo a. Poukisa li pa ase pou nou li enfòmasyon konsènan talan oswa gade yon lòt moun oubyen ki met talan atè Antanke yon klas la, diskite sou kijan efò ki fèt nan pratike yon talan se menm bagay avèk modèl espirityèl Sovè a te dekri nan Jan 7:14–17la. Nan ki fason sa diferan?
-
Petèt manm klas la ta kapab pataje eksperyans kote viv yon verite levanjil te ede yo gen yon temwayaj konsènan verite sa a. Bay manm klas la tan pou yo reflechi sou yon prensip levanjil yo ta renmen gen yon temwayaj pi djanm sou li, epi ankouraje yo pou yo fikse bi espesifik pou yo viv prensip sa a pi konplètman.
Mizèrikòd Sovè a etann a tout moun ki repanti.
-
Pou moun ki santi yo kondane akoz peche yo, istwa Sovè a ki ofri mizèrikòd ak repantans bay fi yo te kenbe nan adiltè a ta ka yon sous ankourajman. Oubyen, si manm klas la santi yo tante pou yo kondane lòt moun poutèt peche yo, istwa a ta ka sèvi yo kòm yon avètisman. Ou ta kapab envite manm klas la pou yo li Jan 8:1–11, pandan y ap chèche repons pou kesyon tankou sa yo: Kisa istwa sa a anseye sou mizèrikòd Sovè a? Kijan resevwa mizèrikòd Li lè nou fè peche ede nou lè nou santi nou tante pou n jije lòt moun? (gade Alma 29:9–10).
-
Pou ede manm klas la jwenn sa ki gen rapò avèk yomenm pèonèlman nan Jan 8:1–11l, anvizaje pou divize klas la an twa gwoup—youn pou konsantre sou pawòl ak aksyon Farizyen yo, youn pou konsantre sou pawòl ak aksyon Sovè a, epi lòt la pou konsantre sou pawòl ak aksyon fi a. Yo ta kapab fè sa pandan y ap li istwa a oswa pandan y ap gade video “Ale Epi Pa Peche Ankò” (ChurchofJesusChrist.org). Envite chak gwoup pou yo fè yon lis verite espirityèl yo aprann pandan y ap li chak pati nan istwa a.
-
Pafwa, nou pa konsyan de jan nou ap jije lòt moun. Men yon aktivite pou ede manm klas la simonte tandans sa a: Mande klas la pou yo ede w kreye yon lis fason nou jije moun (sou aparans yo, konpòtman yo, sou pase yo, etsetera) Bay manm klas la kèk moso papye ki koupe nan fòm yon wòch, epi mande yo pou yo seleksyone yon fason yo santi yo konn jije lòt moun ki fè yon santi yo koupab epi ekri l sou yon wòch an papye. Kisa nou aprann nan pawòl Sovè te di Farizyen yo nan Jan 8:1–11lan? Envite klas la pou yo ekri sou lòt bò wòch an papye yo a yon bagay ki apnraple yo pou yo pa jije (petèt yon ekspresyon ki soti nan Jan 8).
Lè nou aprann konnen Jezikri, nou aprann konnen Papa a.
-
Kisa pawòl Sovè a nan Jan 8:18–19, 26–29 anseye nou konsènan koneksyon ant Limenm ak Papa li? Apre yo fin li ak diskite sou vèsè sa yo, manm klas la ta kapab mete nan yon lis sou tablo a kèk bagay Jezikri te di, te fè, oubyen te anseye. Kisa nou aprann konsènan Bondye Papa a nan bagay sa yo?
Amelyore Ansèyman Nou
Viv diy pou nou resevwa asistans Lespri a. Lè w viv levanjil la, ou diy pou konpayi Lespri a. Si w chèche asistans Li, Sentespri a ap ba w panse ak enpresyon sou jan pou w satisfè bezwen moun w ap anseye yo. (Gade Anseye nan Fason Sovè a, 5.)