eb‘ laj k‘anjenel sa‘ jun awimq

8–14 mayo

Mateo 19–20; Markos 10; Lukas 18

“K‘a‘ru maji‘ ninb‘aanu?”

Naq yooqat chixkawresinkil aawib‘ re k‘utuk, k‘oxla rik‘in tijok chan ru taatenq‘aheb‘ li komon re naq te‘xwotz li xe‘xtzol malaj li xe‘reek‘a naq xe‘tzolok.

reetalil li wotzok

Xkanab‘ankileb‘ chi wotzok

Maare us raj aatinak chirix li reek‘ahomeb‘ li komon chirix li evangelio chi jayalinb‘il sa‘ li junkab‘al. K’a’ru li chaab’ilal xe’xk’ul li te’ruuq chixwotzb’al? K’a’ru li ch’a’ajkilal yookeb’ chixnumsinkil? K’a’ru li na’leb’ naru neke’xk’e chirib’ileb’ rib’?

reetalil li k‘utuk

Xk’utb’al li tzol’leb’

Mateo 19:3–9

Lix sumlajik li winq rik‘in li ixq aajel ru sa‘ lix junelik k‘uub‘anb‘il na‘leb li Dios.

• Sa’ li kutan a’in, lix na’leb’ li ruchich’och’ chirix li sumlaak yoo chi najto’k rik’in li junelikil yaal. Re xtenq’ankileb’ li wankeb’ sa’ laa tzoleb’aal chi tzolok chirix li k’a’ru naxk’oxla li Dios chirix li sumlaak, naru taatz’aama chiruheb’ naq te’ril ru Mateo 19:3–9, ut te’xtz’iib’a chiru li pizarron li yaalil na’leb’ neke’xtaw chirix li sumlaak. Neke’ru ajwi’ chixtz’iib’ankil xkomoneb’ chik li yaalil na’leb’ neke’xtaw sa’eb’ li raqal a’in: Genesis 1:27–28; 1 Korintios 11:11; Tzol’leb’ ut Sumwank 42:22; 49:15–17; 131:1–4; 132:19; ut Moises 3:18, 21–29. Chan ru naq neke‘ch‘olob‘aman li na‘leb‘ a‘an sa‘ “Li Junkab‘al: Jun jek‘inb‘il aatin choq‘ re li ruchich‘och‘ ”? (ChurchofJesusChrist.org

Mateo 20:1–16

Chiqajunil naru naqak‘ul li osob‘tesink re li junelik yu‘am, maak‘a‘ naxye jo‘q‘e naqak‘ul li evangelio.

• K’a’ru taatenq’anq reheb’ li komon sa’ laa junkab’al chixyu’aminkileb’ li na’leb’ sa’ li jaljookil ru aatin chirixeb’ laj k’anjenel sa’ li awimq? Naru taatz’aama re junjunq reheb’ li komon naq te’xkawresi rib’ chixk’utb’esinkil li jaljookil ru aatin a’in chriu li tzoleb’aal. Chirix li k’utb’esink, eb’ li ani xe’xk’ul xna’ajeb’ laj k’anjenel te’ruuq chixyeeb’al k’a’ru xe’reek’a chirix lix tojb’aleb’ li xe’xk’ul, ut k’a’ut. K’a’ru naxk’ut li jaljookil ru aatin a’in chirix lix awa’b’ejihom li Dios? K‘a‘ chik ru li na‘leb‘ naru naqataw chirix li jaljookil ru aatin a‘in sa‘ li raatin li Elder Jeffrey R. Holland, “Los obreros de la viña”? (Liahona, mayo 2012, 31–33).

Mateo 19:16–22; Markos 10:17–27

Li Kolonel tixk’am qab’e chi nach’ok rik’in a’an naq naqapatz’ li qatenq’ankil rik’in.

• Chan ru naru taatenq’aheb’ li komon sa’ li tzoleb’aal chixk’eeb’al reetal ut chixyu’aminkil li na’leb’ sa’ li esilal chirix li saaj b’ihom? Re xb’aanunkil, naru taatz’aama chiruheb’ naq te’ril ru Markos 10:17–27 ut te’xk’oxla ma xe’reek’a junaq sut naq chanchaneb’ li saaj b’ihom? K‘a‘ru natenq‘an eere chixtaaqenkil lix na‘leb‘ li Kolonel us ta ch‘a‘aj? Eb‘ li komon maare te‘raj raj xwotzb‘al xnumsihomeb‘ b‘ar wi‘ neke‘xpatz‘: “K‘a‘ru maji‘ ninb‘aanu?” (Mateo 19:20) ut xe‘xk‘ul junaq musiq‘anb‘il na‘leb‘ re te‘chaab‘ilo‘q. Re xtenq‘ankileb‘ li maare jwal neke‘xik xch‘ool chirix li toj maji‘ neke‘xb‘aanu, naru nakawotz li na‘leb‘ natawman sa‘ “Xkomon chik li k‘anjeleb‘aal.”

• Eb‘ li komon maare xe‘ril junaq li aatin xyeeman sa‘ li jolomil ch‘utub‘aj-ib‘ chirixeb‘ li raqal jo‘ li neke‘yeeman sa‘ Kim, Taaqehin—Choq‘ reheb‘ li komon ut li junkab‘al. Patz‘ reheb‘ naq te‘xwotz li na‘leb‘ xe‘xtaw.

jun winq tuulan ut jun aj Fariseo

Laj titz‘ol toj li yot‘b‘il xch‘ool ut laj Fariseo aj q‘etq‘et sa‘ li santil ochoch, xb‘aan laj Frank Adams

Lukas 18:9–14

Tento taqakanab’ qib’ chiru li ruxtaan li Dios, moko chiru ta li qatiikilal laa’o.

• Lix jaljookil ru aatin li Kolonel chirix lix tij jun aj Fariseo ut lix tij jun aj titz’ol toj naru tatxtenq’a chixk’utb’al chan ru naq li Qaawa’ naraj naq te’wanq xch’ool li ani neke’xsik’ xtaaqenkil. Re xtenq’ankileb’ li komon chixjuntaq’eetankil li jaljookil ru aatin rik’in li kutan wanko wi’, naru taaye reheb’ naq te’xtz’iib’a chi ak’il lix tij laj Fariseo, rik’in roksinkil li aatin li nayeeman sa’ li kutan wanko wi’, a’ut chi juntaq’eet xna’leb’. Taaruuq ajwi’ te’xb’aanu chi jo’kan rik’in lix tij laj titz’ol toj, ut te’xwotz li k’a’ru xe’xtz’iib’a. Chan ru naq eb‘ li raqal 15–17 ut 18–24 neke‘xk‘am rib‘ rik‘in li k‘a‘ru kixk‘ut li Kolonel sa‘ li jaljookil ru aatin a‘in? Naru ajwi‘ taawotz li raatin li Elder Dale G. Renlund chirixeb‘ li raqal a‘in: “Saqen ru li esil choq‘ qe laa‘o: jun aj maak li yoo chixjalb‘al xk‘a‘uxl jwal wi‘chik naxjilosi rib‘ rik‘in li Dios chiru li ani naxk‘oxla rib‘ naq tiik xch‘ool ut li naxjit laj maak a‘an” (“Li qaChaab‘il aj Ilol Karneer,” Jolomil ch‘utub‘aj-ib‘ re abril 2017).

reetalil li k‘anjeleb‘aal

Xkomon chik li k‘anjeleb‘aal

Minumta xsahil qach‘ool ut mich‘inan qach‘ool.

Li Elder D. Todd Christofferson kixye:

“Wi chi anchal qach‘ool naqapatz‘, “K‘a‘ru maji‘ ninb‘aanu?” [li Dios] ink‘a‘ tooxkanab‘ chi maak‘a‘ qana‘leb‘; taachaq‘oq b‘an rik‘in rahok re taqak‘ul xsahil qach‘ool. Ut tixk‘e qayo‘onihom.

“A‘in jun k‘anjel numtajenaq nim, ut q‘axal ch‘a‘aj raj wi ta sa‘ xsik‘b‘al li santilal yal qajunes taqab‘aanu raj. A‘b‘an li chaq‘al ru yaal, a‘an naq moko qajunes ta wanko. Wan qik‘in lix rahom li Dios, li rusilal li Kristo, lix k‘ojob‘ankil qach‘ool ut xk‘amb‘al qab‘e xb‘aan li Santil Musiq‘ej, ut li komonil ut li waklesink ch‘oolej reheb‘ li qech aj santil paab‘anel sa‘ lix junxaqalil li Kristo. Mikana chi k‘ojk‘o qach‘ool rik‘in chan ru naq wanko, a‘ut milukta ajwi‘ qach‘ool” (“Li yo‘yookil wa li kikub‘e chaq sa‘ choxa,” Jolomil ch‘utub‘aj-ib‘ re octubre 2017).

Xchaab’ilob’resinkil li qak’utum

Li Dios naraj ru laa seeb’al ut laa na’leb’. “Naru taawosob’tesiheb’ li ralal xk’ajol li Dios rik’in roksinkil laa rahom wan choq’ reheb’ li jun ch’ol chik, eb’ li maatan k’eeb’il aawe xb’aan li Dios, ut li k’a’ru aak’ulum sa’ laa yu’am. Naq nakatk‘anjelak chi tiik aapaab‘aal ut nakasik‘ aatenq‘ankil rik‘in li Dios, a‘an tatxnimob‘resi, ut taanimanq aaseeb‘al chixk‘utb‘al li evangelio jo‘ kik‘utuk li Kolonel” (Li k‘utuk jo‘ li Kolonel, 5).