tagane ena vunikau ni lako yani o Jisu

E Kaba e Vu ni Lolo o Sakiusa,, mai vei James Tissot

15-21 ni Me

Maciu 21–23; Marika 11; Luke 19–20; Joni 12

“Raica, Sa Lako Mai vei Iko na Nomu Tui”

Ni ko wilika na Maciu 21–23; Marika 11; Luke 19–20; kei na Joni 12, vakasamataka na ka mo taroga me vukea na sotavi ni nodra gagadre na tamata o vakavulica. Ena vakauqeti iko na Yalo Tabu mo kila na sala mo vukei ira kina na lewe ni kalasi mera kunea na ivakavuvuli oqori.

ivakatakilakila ni veiwasei

Sureta na Veiwasei

Ena loma ni vica na siga ni bera na kalasi, sureta e vica na lewe ni kalasi mera mai wasea e dua na ka era sotava ni ra vulica tiko mai na wase ni macawa oqo. Kerei ira me ra tukuna me baleta na veivakalougatataki e yaco mai vei ira ni ra vulica na ivolanikalou ena loma ni macawa.

ivakatakilakila ni veivakavulici

Vakavulica na iVunau

Luke 19: 1–10

E kilai keda vakayadua na iVakabula.

• Era na dau nanuma na lewenikalasi ni ra sega ni kauwaitaki se guilecavi ena nodra bula. Na italanoa kei Sakaraia ena vukei ira mera kila vinaka ni o Tamada Vakalomalagi kei Jisu Karisito e kilai ira ka kauwaitaki ira. Ni gadrevi mera vakatauvatana na itukutuku oqo ki na nodra bula, sureta mera raitayalotaka ni ra Sakaraia. Na cava o nanuma sa vulica o koya baleta na iVakabula mai na ka a yaco vua? Na cava eda rawa ni vulica mai na sasaga i Sakaraia me vakasaqara na iVakabula?

Maciu 21:1–11; Marika 11:1–11; Luke 19:29–44; Joni 12:12–16

Sa noda Tui o Jisu Karisito.

• Me tekivutaki ena dua na itaviqaravi na kena veivosakitaki na nona curu vakatui na iVakabula ki Jerusalemi: Mera droinitaka e vica na lewe ni kalasi ena vava ni volavola na iyaya vakatui, me vakataka na sala ni tui se idabedabe vakatui, ka mera vakilakila tiko na kena vo na cava era droinitaka tiko. Ka mera qai droinitaka na vo ni lewe ni kalasi e dua na asa kei na veitabani kau. Na cava e yaga kina vua na tui na veika oqo? Mo qai vakaraitaka na iyaloyalo ni nona curu vakatui na iVakabula ki Jerusalemi mai na ituvatuva ni macawa oqo ena Lako Mai, Mo Muri Au—Me Baleta na Tamata Yadua kei na Matavuvale ka sureta na lewe ni kalasi mera wilika na Marika 11:1–11. Era kila vakacava na tamata ni o Jisu sa nodra Tui? Eda sokalou vakacava vei Jisu Karisito ni sa noda Tui mai na noda vosa kei na cakacaka?

Maciu 22:34–40

Na vunau levu e rua o ya meda lomana na Kalou ka lomani ira na tamata me vakataki keda.

• O na vukei ira vakacava na lewe ni kalasi mera kila vakavinaka ni “ena rua na ivakaro oqo”—lomana na Kalou ka lomani ira na wekada—“sa vu ni lawa taucoko kei ira na parofita”? (Maciu 22:40). Ni oti na kena wiliki vata na Maciu 22:34–40 sa rawa mo vola na ena papa. Lomana na Kalou ka Lomana na wekamu ena papa. Solia ki na lewe ni kalasi yadua e dua na tiki ni pepa ka volai tu kina e dua na ivakaro. Sureta e vica vei ira me ra wilika na nodra ivakaro ka veivosakitaka na sala e vukei keda kina na nodra ivakaro meda talairawarawa ki na dua se ruarua na ivunau cecere oqo. Ni oti na nodra veivosakitaka na nodra ivakaro, sa rawa mera biuta na nodra pepa ena papa. Na cava na vuna e bibi kina me da nanuma tiko ni ivunau kece e semati ki na rua na ivunau cecere? (raica na “iKuri ni iVurevure”).

Maciu 23: 13–33

Eda na taqomaki ni da sega ni muri ira na ivakavuvuli mataboko.

• Ena yaga beka kivei ira na lewe ni nomu kalasi ni veivosakitaki na vosa “ivakavuvuli mataboko,” ka a vakayagataka na iVakabula me vakamacalataki ira na Farisi kei na vunivola mataboko vakayalo? (Maciu 23:16). Mo vakasamataka e dua na sala mo vakaraitaka kina ni na vakacava beka e dua e muria na tamata mataboko. Se mera vola na kalasi ena vava ni volavola na ivakarau ni dua na ivakavuvuli mataboko, e tukuni tiko ena Maciu 23:13–33. Me ikuri ni ka sa volai, sa rawa mo raica na ikuri ni ivolanikalou e vakavulica na mataboko vakayalo, me vaka na 2 Korinica 4:3–4; 2 Nifai 9:28–32; and Jekope 4:14. Eda na kilai ira vakacava na ivakavuvuli mataboko ka sega ni muri ira?

E vosa tiko o Jisu vei Pita

Sa vakacalai ira na Farisi na iVakabula ni ra sa dauveivakaisini ka mataboko.

ivakatakilakila ni ivurevure

iKuri ni iVurevure

Na lomana na Kalou ka lomani ira na wekada sai koya na yavu ni veika kece eda cakava.

Me baleta na vunau cecere e rua ka kunei ena Maciu 22:37–39, e vakavuvulitaka kina o Peresitedi M. Russell Ballard:

Na talairawarawa ki na ivunau cecere e rua oqo ena vakarautaka na sala me sotavi kina na vakacegu kei na reki vakalevu cake. Ni da lomana ka qarava na Turaga ka lomani ira ka qaravi ira na wekada, eda na vakila ni yaco mai vei keda na marau levu ka na yaco mai vei keda ena sala e vinaka cake.

Na lomana na Kalou ka lomana na wekada na yavu vakaivunau ni veiqaravi; na vuli me iusutu mai vale, tokona na Lotu; sokalou vakayalo ena Siga ni Vakacecegu; kei na cakacaka ni veivakabulai ena yasa ruarua ni ilati ka tokoni mai na iSoqosoqo ni Veivukei kei na kuoramu ni italatala qase Na veika kece oqo e vakayavutaki ena ivunau vakalou me da lomana na Kalou ka lomana na wekada. E dua beka na ka e rawarawa cake, bibi cake, ka rawarawa cake mai na kena oya? (“Na Kosipeli Dina, Savasava, ka Rawarawa i Jisu Karisito,” Liaona, Me 2019, 29).

Vakatorocaketaki ni Noda Veivakavulici

E sega ni gadrevi mo ubia na ka kecega. “E levu sara na ka me veivosakitaki ena lesoni yadua, ia e sega ni gadrevi me vakaotivi taucoko ena dua na gauna ni kalasi mena tarai kina na yalona e dua—e dua se rua na usutu bibi sa rauta vinaka. Ni ko vakasamataka vakatitobu na nodra gagadre na vuli voli, ena vukei iko na Yalo mo raica rawa na ivakavuvuli, italanoa, se ivolanikalou e vakaibalebale vakatabakidua vei ira” (Veivakavulici ena Sala ni iVakabula,,7