IPou Nou Ka Sonje M, pa Walter Rane

29 Me–4 Jen

Matye 26; Mak 14; Jan 13

“Pou Nou Ka Sonje”

Li Matye 26; Mak 14; ak Jan 13, epi medite sou panse ak enpresyon ki vini nan lespri w yo. Ki mesaj ki tap beni manm klas ou a?

Envite Pataj

Envite manm klas la pataje yon bagay yo te aprann semèn sa a ki te ede yo jwenn plis siyifikasyon nan sentsèn nan. Kisa yo te fè e kijan sa te afekte eksperyans yo a lè yo t ap pran sentsèn nan?

Anseye Doktrin nan

Matye 26:20–22

Nou dwe egzamine pwòp lavi nou pou nou ka detèmine kijan pawòl Senyè a di yo aplike a noumenm.

• Nou tande anpil leson sou levanjil la nan lavi nou, men pafwa, nou gen tantasyon pou nou panse leson sa yo plis aplike a lòt moun. Yon diskisyon sou Matye 26:20–22 ka ede nou simonte tandans sa a. Ki leson nou ka aprann sou fason disip yo te aplike pawòl Sovè a a tèt pa yo? Si gen manm klas la ki te li sa Prezidan Dieter F. Uchtdorf te di sou istwa sa a nan mesaj li a “Senyè, Eske Se Mwen?,” yo ta ka pataje ide yo te jwenn yo (Liahona, Nov. 2014, 56–59).

Matye 26:26–29

Sentsèn nan se yon opòtinite pou nou sonje Sovè a.

• Kijan manm klas la tap eksplike òdonans sakre sentsèn nan a yon moun ki pa familye avèk li? Petèt nou kapab kreye ansanm yon lis kesyon ke yon moun ta ta kapab genyen konsènan sentsèn tankou “Poukisa Sovè a te banou sentsèn nan? Poukisa pen ak dlo se senbòl Jezikri ki puisan konsa? Kisa nou pwomèt lè nou sentsèn nan? Ki pwomès nou resevwa?” Manm klas la ta kapab chèche repons yo nan resous sa yo: Matye 26:26–29; Doktrin ak Alyans 20:75–79; ak Sujets de l’Évangile, “Sainte-Cène” (topics.ChurchofJesusChrist.org). Ou kapab pataje tou ide Èldè D. Todd Christofferson nan “Resous Adisyonèl.”

  

  Sentsèn nan ede nou sonje Jezikri.

• Manm klas la kapab benefisye si youn ta tande ide lòt sou jan pou nou sonje Sovè a pandan sentsèn nan ak pandan tout semèn nan (gade nan Lik 22:19–20; Doktrin ak Alyans 6:36–37). Petèt ou ta kapab envite yo pou yo di kisa ki ede yomenm ak fanmi yo sonje Sovè a ak respekte alyans yo. Yo ta kapab pataje tou sa yo fè pou rann sentsèn yon eksperyans sakre.

Jan 13:1–17

Sovè a se egzanp nou nan sèvi lòt moun avèk imilite.

• Pou ede manm klas la medite sou siyifikasyon sa genyen lè Jezikri te lave pye disip Li yo, ou ta kapab envite yon manm klas la pou l jwe wòl Pyè nan istwa sa a, epi pou rès klas la entèvyouve li. Manm klas la ta kapab fouye nan Jan 13:1–17 epi panse a kesyon siyifikatif yo ta kapab poze Pyè pou yo ka aprann apati de eksperyans li an. Kisa nou aprann nan istwa sa a ki ta kapab afekte fason nou sèvi lòt moun?

Jan 13:34–35

Lanmou nou pou lòt yo se yon siy ke nou se vrè disp Jezkiri.

• Kijan ou ta kapab enspire manm klas la pou yo ta vin gen plis lanmou? Petèt ou ta ka mande yo ki trè yo remake lè yo rankontre yon moun ki se disip Kris. Ou ta kapab envite yo pou yo li Jan 13:34–35 pou yo ka aprann kijan yo ka idantifye vrè disip Sovè a. Kisa nou ka fè pou lanmou ka vin tounen karakteristik prensipal nou antanke disip? Petèt ou ta kapab diskite kijan renmen lòt yo se yon fason pou nou temwaye konsènan Jezikri. Kijan nou ka fè sa nan fanmi nou yo, sou medya sosyal yo, ak nan lòt anviwonman?

• Antanke klas, nou aprann anpil bagay konsènan lavi Sovè a ane sa a, sa enkli anpil egzanp sou jan Li te montre lanmou L pou lòt moun. Yon nan fason pou nou ede manm klas la medite sou kòmandman ki nan Jan 13:34 la se pou nou ekri Jan m te renmen nou an sou tablo a epi mande manm klas yo pou yo fè lis egzanp yo sonje nan Nouvo Testaman an ki ilistre amou Jezi. Apre sa, ou gen dwa ekri Se pou youn renmen lòt sou tablo a epi mande manm klas la pou yo fè lis fason nou ka suiv egzanp lanmou L lan. Manm klas la ta kapab jwenn ide ki nan youn nan videyo yo mansyone nan seksyon “Resous Adisyonèlla.”

Resous adisyonèl

“Entènalize kalite ak karaktè Kris.”

Èldè D. Todd Christofferson te anseye: “Nan sans figure manje chè [Sovè a] ak bwè san L [vle di] entènalize kalite ak kraktè Kris, chase lòm natirèl epi vin tounen Sen ‘pa mwayen ekspyasyon Kris la’ [Mozya 3:19]. Lè nou pran pen ak dlo sentsèn nan chak semèn, li tap bon pou nou ta konsidere kijan nou dwe fè karaktè L ak modèl lavi san peche L la antre nan lavi nou ak nan èt nou an konplètman e nèt ale” (“Pen Vivan Ki Soti nan Syèl la,” Lyawona, Nov. 2017, 37).

Kèk videyo konsènan lanmou sou ChurchofJesusChrist.org.

• “Se pou Youn Renmen Lòt”

• “Fanmi Fè Sakrifis, Bay, epi Renmen”

• “Preparasyon Thomas S. Monson: Li Te Aprann Konpasyon Depi nan Jenès Li”

Amelyore Ansèyman Nou

Wè lòt yo jan Bondye wè yo a. Fè efò pou w wè manm klas ou a jan Bondye wè yo a, epi Lespri a ap montre w valè ak potansyèl divin yo. Lè w fè sa, w ap jwenn direksyon nan efò w yo pou w ede yo (gade nan Anseye nan Fason Sovè a,6).