Ecce Homo [Men Moun nan], pa Antonio Ciseri

19–25 Jen

Matye 27; Mak 15; Lik 23; Jan 19

“Tout Bagay Fini!”

Kòmanse preparasyon w pou anseye nan yon espri lapriyè avèk lekti Matye 27; Mak 15; Lik 23; ak Jan 19. Chèche viv diy de Espri a pou w kapab pote temwayaj puisan konsènan Sovè a ak Ekspyasyon L lan.

Envite Pataj

Envite chak manm klas la pou yo seleksyone yon chapit nan lekti semèn sa a epi pase kèk minit ap dechifre l, pou chèche yon mo, yon ekspresyon, oubyen yon detay ki anseye yo yon bagay enpòtan sou Sovè a ak sou misyon L lan Ba yo opòtinite pou yo pataje sa yo te jwenn yo epi pou yo eksplike poukisa li enpòtan pou yo.

Anseye Doktrin nan

Matye 27; Mak 15; Lik 23; Jan 19

Dispozisyon Jezikri pou L soufri a montre lanmou L pou Papa a ak pou nou tout.

• Pou ede klas ou a konprann kijan soufrans ak lanmò Sovè a sou kwa a te demontre lanmou L pou nou, eseye yon aktivite konsa: Bay chak manm klas la yon kè an papye, epi envite yo pou yo ekri yon ekspresyon yo pran nan 1 Korentyen 13:4–7 sou kè yo a, ki dekri charite. Apre sa, mande yo pou yo gade nan Matye 27; Mak 15; Lik 23; oubyen Jan 19 epi sou lòt bò kè yo a, ekri kèk vèsè ki montre kijan Sovè a te demontre lanmou yo dekri nan ekspresyon yo te chwazi a. Fè yo pataje sa yo te jwenn. Ki eksperyans ki te ede manm klas la konprann lanmou Sovè a?

  

  Solda yo te “fè yon kouwòn pikan, epi yo te mete l sou tèt Li” (Mak 15:17).

• Ilistrasyon atistik kapab ede manm klas la vizyalize kèk nan evenman yo te li semèn sa a Petèt ou ta kapab divize klas la an gwoup epi bay chak gwoup yon foto (gade nan “Resous Adisyonèl” pou foto nou sigjere yo). Manm klas la ta kapab li vèsè ki dekri evenman ki dekri nan foto yo a. Yo ta kapab pataje panse yo ak santiman yo konsènan evenman sa yo—sa enkli jan foto a ede yo konprann ekspyasyon Sovè a pi byen. Ou ta kapab anvizaje tou pou wpase videyo sa yo: “Yo kondane Jezi devan Pilat” ak yo tòtire ak krisifye Jezi” (churchofjesushrist.org). Ankouraje manm pou uo anvizaje

Matye 27:11–60

Pwofèt tan lontan yo te predi soufrans ak Krisifiksyon Sovè a.

• Pwofèt tan lontan yo te anonse anpil nan evenman ki rive nan dènye moman lavi Sovè a. Yon fason pou ede manm klas la wè sa se pou bay chak moun yonn oubyen plis nan ekriti ki nan “Resous Adisyonèl” epi mande yo pou yo chèche vèsè nan Matye 27 ki montre kijan ekriti yo te akonpli. Ou ta gen dwa fè yon tablo korespondans ki matche pwofesi yo avèk akonplisman yo. Kijan pwofesi sa yo ranfòse lafwa nou nan Jezikri?

Matye 27:27–49; Mak 15:16–32; Lik 23:11, 35–39; Jan 19:1–5

Opozisyon pa ka kanpe travay Bondye a.

• Pou ede manm klas la fè fas a opozisyon fidèlman lè yo viv an konfòmite avèk lafwa yo, ou ta kapab envite yo li vèsè ki dekri pèsekisyon Sovè a fe konfwonte (gade nan Matye 27:27–49; Mak 15:16–32; Lik 23:11, 35–39; Jan 19:1–5). Kisa nou aprann nan repons Sovè a ki kapab ede nou kanpe devan opozisyon? Ki lòt egzanp kanpe devan opozisyon ki kapab ede nou? (Gade, pa egzanp, nan Istwa—Joseph Smith 1:24–25.)

Lik 23:34–43

Sovè a ofri nou espwa ak padon.

• Menm nan dènye moman L yo, Sovè a te kontinye ofri espwa ak padon Konsidere fason pou enspire manm klas la pou yo suiv egzanp Li an. Pa egzanp ou ta kapab mande mwatye nan klas la pou yo li Lik 23:34–38 (ansanm avèk) vèsè 34, referansc, ki bay eksplikasyon nan Tradiksyon Joseph Smith la) epi fè lòt gwoup la li Lik 23:39–43. Manm klas la ta kapab pataje sa yo aprann konsènan Sovè a nan vèsè yo rte gen pou yo li yo. Kijan nou ka suiv egzanp Sovè a?

Resous adisyonèl

Foto pèsekisyon, soufrans, ak lanmò Jezi.

• Pilat Lave Men l (ChurchofJesusChrist.org; Matye 27:11–25

• Kris la avèk yon Kouwòn Pikan (ChurchofJesusChrist.org; Matye 27:26–31

• Jezikri Ap Pote Kwa L la (ChurchofJesusChrist.org; Jan 19:13–18

• Krisifiksyon an (ChurchofJesusChrist.org ak Liv Ilistrasyon Levanjil la, no.57; Lik 23:33–46; Jan 19:23–37)

• Antèman Jezi (ChurchofJesusChrist.org ak Liv Ilistrasyon Levanjil la, no.58; Jan 19:38–42)

Ansyen pwofesi konsènan jijman ak lanmò Jezikri.

• Ezayi 53:5, 7

• 1 Nefi 19:9

• Ezayi 50:6 .

• Sòm 69:21

• Sòm 22:16

• 1 Nefi 19:10

• Sòm 22:18

• Ezayi 53:12

• Sòm 22:7–8

• Sòm 22:1

• Ezayi 53:9 .

Amelyore Ansèyman Nou

Jwenn fòs ki soti nan Sovè a. “Nan efò w yo pou w viv ak anseye nan yon fason ki sanble avèk fason Sovè a, inevitableman ke w ap bite pafwa. Pa dekouraje; okontrè, kite erè ak feblès ou yo rapwoche w de Pè Selès la ak Sovè a” (Anseye nan Fason Sovè a,14).