31 Jiyè–6 Out.

Travay 22–28

“Yon Minis ak yon Temwen”

Li Travay 22–28 avèk yon priyè nan kè ou pou Sentespri a ka enspire w pou w konnen sou kisa pou w konsantre k ap ede manm klas ou yo. Ekri tout ide ki vin nan lespri ou; yo gen dwa se kòmansman plan ansèyman w lan.

Envite Pataj

Mande manm klas la pou yo ekri yon referans ekriti nan Travay 22–28 ki te enpresyone yo semèn sa a. Ranmase repons yo epi li kèk nan vèsè yo ansanm. Envite plizyè ladan yo pou yo di poukisa vèsè sa yo enpòtan pou yo.

Anseye Doktrin nan

Travay 22:1–21; 26:1–29

Yon temwayaj se yon deklarasyon sou laverite ki baze sou konesans oswa kwayans pèsonèl.

• Temwayaj Pòl te rann devan Festus ak Wa Agripa a kapab yon opòtinite pou diskite sa savle di pou yon moun rann temwayaj li. Ou gen dwa mande manm klas yo pou yo repase Travay 22:1–21 oswa 26:1–29. Kisa nou aprann nan egzanp Pòl la sou rann temwayaj? Ki prensip adisyonèl nou aprann sou temwayaj nan deklarasyon M. Russell Ballard la nan “Resous Adisyonèl yo”? Chante oubyen jwe kantik “Le Saint-Esprit a témoigné” (Cantiques,, no. 137) la ka envite Lespri a nan diskisyon ou an.

• Byenke Pòl pa t ap chèche temwayaj espirityèl li te resevwa sou wout Damas la, li te pase rès lavi li ap travay pou l te kenbe ak defann temwayaj li a (gade Travay 22:10, 14–16; 26:19). Egzanp Pòl la ka ede klas ou a konprann ke yon temwayaj mande travay ak sakrifis. Pou kòmanse yon diskisyon sou sa, petèt youn nan manm klas yo ta ka dekri efò l te fè pou l te vin yon mizisyen, yon atis, oswa yon atlèt akonpli. Nan ki fason akeri yon talan konsa sanble avèk akeri ak fòtifye yon temwayaj? Ki efò nou dwe fè pou n ka akeri ak fòtifye yon temwayaj? (gade tou Alma 5:46).

Travay 26:9–23

Nou gen responsablite pou n sèvi pwochen nou.

• Senyè a te aple Pòl pou l te vin “sèvi” (Travay 26:16), men kisa mo sa a vledi? Pou ede manm klas yo detaye fason yo ka sèvi lòt moun, volontèman ou pa, ou gen dwa ekri yon kesyon konsa sou tablo a Kisa sa vledi pou n sèvi? Envite manm klas yo pou chache repon nan resous sa yo: Matye 20:25–28; Travay 26:16–18; 3 Nefi 18:29–32; Jean B. Bingham, “Sèvi nan Fason Sovè a,” Liahona, May 2018, 104–7. Pandan y ap pataje sa yo jwenn, ankouraje yo pou yo pale sou fason nou tout ka sèvi lòt moun, enkli nan apèl nou nan Legliz la. Ou gen dwa montre videyo “The Miracle of the Roof” (ChurchofJesusChrist.org).

Travay 27

Si nou koute pwofèt li yo, Senyè a ap gide nou ak pwoteje nou kont mal.

• Envite manm klas yo pale konsènan repons senturyon an lè Pòl te pwofetize ke bato a t ap pran “anpil domaj” eke anpi lavi t ap detwi (gade Travay 27:10–11). Poukisa senturyon an t ap reponn fason sa a? Petèt manm klas yo gen dwa pataje sa yo t ap di sentusyon an pou ede li gen lafwa nan pwofesi Pòl la. Ki lòt leson nou ka aprann nan Travay 27 sou suiv sèvitè Senyè a yo? Petèt kèk manm klas yo konn fè eksperyans kote yo konn suiv direksyon pwofèt yo menm lè yo diferan avèk opinyon moun bò kote yo. Envite kèk manm nan klas la pou pataje eksperyans yo.

Resous adisyonèl

Rann temwayaj

Prezidan M. Russell Ballard te pale de temwayaj Pòl devan Wa Agripa a epi l te anseye kisa sa vle di pou nou rann temwayaj nou:

“Reyinyon temwayaj nou bezwen plis santre sou Sovè a, sou doktrin levanjil yo, sou benediksyon Retablisman yo, ak ansèyman nan ekriti yo. Nou bezwen ranplase istwa yo, resi vwayaj yo, ak leson yo pa temwayaj ki pur. Moun yo bay tach pou pale ak anseye nan reyinyon nou yo bezwen fè sa avèk pouvwa doktrin ke moun ap tande ak santi, k ap elve lespri ak edifye moun nou yo. …

“… Byenke l toujou bon pou nou eksprime lanmou ak gratitid nou, ekspresyon sa yo se pa kalite temwayaj ki ka limen yon flanm lafwa nan lavi lòt moun. Rann temwayaj se ‘temwaye pa pouvwa Sentespri a; se fè yon deklarasyon solanèl sou laverite ki baze sou konesans oswa kwayans pèsonèl nou’ Gid ekriti yo, “Temwaye,” scriptures.ChurchofJesusChrist.org]. Yon deklarasyon klè sou laverite fè yon diferans nan lavi moun. Se sa k chanje kè moun. Se sa Sentespri a ka konfime nan kè pitit Bondye yo” (“Temwayaj Pur,” Liahona, Nov. 2004, 41).

Amelyore ansèyman nou

Prepare alavans. “Pandan w ap medite sou kijan prensip levanjil w ap anseye yo pral beni manm klas ou yo, ide ak enpresyon ap vini nan lavi kotidyèn ou—pandan w pral nan travay ou, pandan w ap fè travay nan kay la, oubyen pandan w ap pale avèk fanmi ak zanmi. Pa panse ak preparasyon spirityèl tankou yon bagay ou pran tan pou w fè men panse avèk li kòm yon bagay w ap fè tout tan” (Anseye nan fason Kris la, 12).