Korent, Pati Sid Peyi Grès, Fowòm nan ak Sant Sivik la,tablo Balage Balogh Balogh/www.ArchaeologyIllustrated.com

21–27 Out

1 Korentyen 1–7

‘Se Pou Nou Ini Pafètman’

Èldè Jeffrey R. Holland te anseye ke pifò moun “vin [legliz la] pou yo ka jwenn yon eksperyans espirityèl” (“A Teacher Come from God,” Ensign, Me 1998, 26). Pandan w ap li 1 Korentyen 1–7la, nan yon espri lapriyè, panse a sa w ka fè pou ede kreye eksperyans spirityèl nan klas ou a.

Envite Pataj

Anvizaje envite manm klas ou a pou yo ekri kijan yo aplike sa y ap aprann nan ekriti yo. Mande plizyè manm nan klas la pou yo pataje sa yo te ekri.

Anseye Doktrin nan

1 Korentyen 1:10–17;3

Manm Legliz Kris la ap fè efò pou yo ini.

• Pale de premye chapit 1 Korentyen yo kapab yon opòtinite pou bati yon pi gran inite pami manm pawas la. Ou ta kapab kòmanse pa mande manm klas ou a pou yo pale se yon klib, yon gwoup, yon ekip oswa yon lòt òganizasyon yo te fè pati ki te gen yon gwo sans inite. Poukisa gwoup sa a te santi l ini konsa? Apre sa ou ta kapab eksplore kèk nan ansèyman Pòl te bay sou inite nan 1 Korentyen 1:10–13; 3:1–11. Kisa vèsè sa yo, ansanm avèk eksperyans nou yo, anseye nou sou sa ki ede kreye inite ak sa k menase inite? Ki sakrifis nou dwe fè pou nou ka gen inite? Ki benediksyon moun ki ini yo resevwa? Gade analoji Sè Sharon Eubank lan tou nan “Resous Adisyonèl.”

• Pòl itilize imaj yon edifis pou ankouraje inite nan 1 Korentyen 3:9–17. Kijan analoji sa a ta kapab ede klas ou a pi byen konprann sa inite ye? Pa egzanp, apre nou fin li vèsè sa yo ansanm, ou ta kapab bay chak manm klas la yon blòk epi kite yo travay ansanm pou bati yon bagay. Nan ki sans nou se “edifis Bondye”? (1 Korentyen 3:9). Kijan Bondye bati nou endividyèlman? Kisa n ap bati ansanm antanke Sen? Kisa nou ka fè antanke yon pawas ini ke biy pa tap ka fè endividyèlman?

1 Korentyen 1:17–31; 2; 3:18–20

Pou akonpli travay Bondye a, nou bezwen sajès Bondye.

• Men yon ide pou ede klas ou a konte sou Bondye: Divize manm klas la an de gwoup epi mande yo pou yo etidye 1 Korentyen 1:17–31; 2; oswa 3:18–20 pandan y ap chèche mo tankou saj ak fou. Apre sa yo ta kapab pataje nan gwoup yo kisa vèsè sa yo anseye konsènan sajès nan travay Senyè a. Ki bagay konsènan levanjil la ki ta kapab sanble foli pou kèk moun? Kijan bagay sa yo demontre sajès Bondye? Petèt manm klas la ta kapab rakonte eksperyans kote yo te fè sajès Bondye konfyans, olye de sajès pa yo, pou akonpli travay Li a.

 1 Korentyen 6:9-20

Kò fizik nou sakre.

• Pou kòmanse yon diskisyon sou vèsè sa yo, ou ta gen dwa ekri kesyon tanko sa yo sou tablo a: Kijan Senyè a vle pou nou konsidere kò nou? Ki diferans ki genyen ant sa e fason Senyè a vle pou nou konsidere kò nou? Kisa sa vle di ke kò nou se tanp Sentespri a? Envite manm klas la pou yo jwenn repons pou kesyon sa yo nan 1 Korentyen 6:9–20 (gade tou Doktrin ak Alyans 88:15; Moyiz 6:8–9).

• Diskisyon w lan sou sentete kò nou an ta kapab enkli yon konvèsasyon sou lwa chastete a. Petèt ou ta ka mande manm klas la kisa yo aprann nan men Pòl—ak nan lòt resous Legliz la—ki ta kapab ede yo eksplike lòt moun poukisa chastete enpòtan. Kèk nan resous sa yo ka enkli sa ki nan seksyon “Resous Adisyonèl” la.

Resous adisyonèl

Diferans yo kapab vin tounen yon avantaj.

Sè Sharon Eubank te dekri kijan ekip ramè ki an konpetisyon rive fè inite.

“Ramè yo dwe kontwole endepandans fawouch yo a epi fòk an menm tan yo rete fidèl a kapasite endividyèl yo. Se pa paske manm de epik yo gen egzakteman menm moun ki fè moun genyen kous. Bon ekipaj se yon melanj moun ki gen divès konpetans diferan—yon moun ki responsab rezèv, yon moun ki ap rame avèk anpil agresivite, yon moun ap favorize amoni. Okenn ramè pa gen plis valè pase yon lòt, yo tout se atou pou bato a, men si pou yo rame byen ansanm, yo chak dwe adapte yo a bezwen ak kapasite lòt manm yo—sa ki genyen bra ki pi kout la ap detire bra l pi lwen, sa ki gen bra ki pi long nan ap detire l pi piti.

“Diferans yo kapab vin tounen avantaj olye pou yo ta yon dezavantaj” (“Nan Inyon Santiman Nou Jwenn Pouvwa avèk Bondye,” Lyawona, Nov. 2020, 56; gade Daniel James Brown, The Boys in the Boat: Nine Americans and Their Epic Quest for Gold at the 1936 Berlin Olympics [2013], 161, 179).

Benediksyon pite seksyèl.

Jeffrey R. Holland, “Pite Pèsonèl,” Ensign, Nov. 1998, 76.

David A. Bednar, “Nou Kwè nan Chastete,” Liahona, Me 2013, 42.

“Chastity: What Are the Limits?,” “I Choose to Be Pure” (videos), ChurchofJesusChrist.org

Amelyore ansèyman nou

Rann temwayaj konsènan Jezikri. Pòl “pa t vin avèk siperyorite langaj oubyen sajès, pou l te deklare … temwayaj konsènan Bondye a” (1 Korentyen 2:1 Temwayaj senp ou sou Sovè a kapab gen yon enfliyans pwofon.