Ni Pablo a mangisursurat iti maysa a surat

Agosto 7–13

Taga-Roma 1–6

“Ti Pannakabalin ti Dios a Maipaay iti Pannakaisalakan”

Nainkararagan a basaen ti Taga Roma 1–6 a pampanunotem dagiti miembro ti klasem. Daytoy ti mangtulongto kenka nga agbalin a managrikna kadagiti parikna ti Espiritu bayat ti panagsaganam a mangisuro.

icon iti panagbibinninglay

Yawis ti Panagbibinninglay

Ibilangmo ti panangted kadagiti miembro ti klase iti sumagmamano a minuto a mangsukisok iti Taga Roma 1–6 para iti maysa a bersikulo a ti Espiritu Santo ti nakatulong kadakuada a nangipawaat a nasaysayaat daytoy. Kalpasanna mabalinda nga ibinglay ti bersikulo a pinilida iti maysa a tao nga agtugtugaw iti asideg.

icon iti panangisuro

Isuro ti Doktrina

Taga Roma 1:16–17

“Diak ibain ti ebanghelio ni Cristo.”

• Adu dagiti tao a naum-umsi gapu kadagiti pammatida. Tapno matulongan dagiti miembro ti klase no addaanda iti kastoy a padpadas, awisem ida a mangbasa iti Taga Roma 1:16–17 ket panunotem dagiti gundaway manipud iti libro ti Dagiti Aramid a nangipakitaan ni Pablo a saanna nga imbain ti ebanghelio. Nalabit a mabalin nga ibinglay met dagiti miembro ti klase dagiti rason no mariknada a saanda nga ibain ti ebanghelio ni Jesucristo. Wenno mabalinda nga ibinglay dagiti padasda a nangipakitaanda wenno dagiti dadduma a saanda nga imbain ti ebanghelio ni Jesucristo.

  dagiti miembro iti klase a mangitagtag-ay iti imada

  Kabaelantayo ti di mangibain a mangiburay kadagiti testimoniatayo iti ebanghelio.

Taga Roma 2:28–29

Ti pudno a kinadisipulo ket masarakan iti akin-uneg a panagkumittayo, saan laeng a kadagiti tignaytayo.

• Kasano ti panangamiristayo iti bukodtayo a kinadisipulo? Ti balakad ni Pablo kadagiti taga Roma ket makatulong kadatayo a manglagip nga ad-adda nga ipamaysa “ti puso [ken] ti espiritu” (Taga Roma 2:29) ngem dagiti aramid. Tapno matulongan a maawatan ti klasem ti balakad ni Pablo, mabalinmo nga isurat ti teksto manipud iti Taga Roma 2:28–29 iti pisarra. Sukatam iti balikas a Judio iti Santo iti Ud-udina nga Aldaw ken ti balikas a pannakakugit iti ti katulagan.. Ania ti inayon daytoy a pannakabalbaliw iti pannakaawattayo kadagiti pannursuro ni Pablo? Mabalinmo pay nga ilawlawag dagiti pagarigan dagiti banag nga aramidentayo kas miembro ti Simbaan a napatpateg ken nabilbileg no naaramid “ti puso, iti espiritu” (Taga Roma 2:29).

Taga Roma 3–6

“No immadu ti basol, immadu ti parabur immad-adu pay iti kasta unay.”

• Kasano a matulongam dagiti miembro ti klasem a maawatanda dagiti pannursuro ni Pablo maipapan iti pammati, aramid, ken parabur? Ibilangmo ti panangibinglay iti sumaganad a dua a senario a mangtulong a mangipaawat kadakuada a nasken a ditayo ibilang dagiti nasayaat nga aramidtayo kas maysa a wagas a mangipaneknek iti pannakaikaritayo, wenno nasken a ditayo ibilang ti parabur ni Cristo kas maysa a rason tapno pagbalinen a pambar kadagiti biddut ken basbasoltayo. Mabalin a sukisoken dagiti miembro ti klase dagiti kinapudno iti Taga Roma 3:20–31; 5:1–2; 6:1–2, 21–23 a makatulong kada Gloria ken Justin. Ania dagiti dadduma pay a kinapudno iti “Dagiti Nainayon a Resources” a makatulong a mangipaawat kadagiti miembro ti klase iti kinapateg ti agpada a panangaramid kadagiti nalinteg nga aramid ken ti parabur ni Cristo?

  Senario 1

  Ti maysa a gayyem nga agnagan iti Gloria a nakarikna a natalipupos kadagiti panagkagumaanna nga agbalin a napudno a disipulo. Nagtrabaho a napasnek a mangaramid iti amin a banag a mariknana a nasken nga aramidenna, ngem masansan a madanagan amangan ta saan nga umdas dagiti panagkagumaanna. “Umdas kadin ti kinasingpetko?” insiddaawna. “Awatennakto ngata ti Apo?”

  Senario 2

  Ti maysa a gayyem nga agnagan iti Justin a saan a madanagan unay maipapan iti panangaramid kadagiti nalinteg a pili. Mamati isuna ken ni Jesucristo, dar-ayanna dagiti mitingna iti simbaan, ken managayat isuna nga ama ken nasayaat a kaarruba. Nupay kasta, pinilina ti saan nga agbiag kadagiti pagrukodan a mangpaikari kenkuana para iti maysa a rekomendasioni ti templo. Idi padasen ti pamilia ken gagayyem nga allukoyen isuna nga agsagana para iti templo, insungbatna, “Maysaak a nasayaat a tao. Addaanak iti pammati ken ni Cristo. Nagsagaban isuna para iti basbasolko, ket panagkunak pastrekennakto iti celestial a pagarian iti kasta a babassit a banag nga isyu.”

resources icon

Dagiti Nainayon a Resources 

Pammati, parabur, ken dagiti aramid.

Senario 1

• Ether 12:27

• Moroni 10:32–33

• J. Devn Cornish, “Am I Good Enough? Will I Make It?,” Liahona, Nob. 2016, 32–34

• Insuro ni Presidente Dieter F. Uchtdorf: “Ti pannakaisalakan ket saan a magatang iti kuarta ti panagtungpal; magatang daytoy babaen iti dara ti Anak ti Dios. … “Ti parabur ket maysa a sagut ti Dios, ken ti tarigagaytayo nga agbalin a managtungpal iti tunggal maysa kadagiti bilin ti Dios ket panangtulong ti mortal nga imatayo nga umawat iti daytoy sagrado a sagut manipud iti Nailangitan nga Amatayo” (“The Gift of Grace,” Liahona, Mayo 2015, 109–10).

Senario 2

• Santiago 2:17–26

• Helaman 12:23–24

• D. Todd Christofferson, “Abide in My Love,” Liahona, Nob. 2016, 48–51

• Insuro ni Presidente Uchtdorf: “No sagut ti Dios ti parabur, apay ngarud a napateg unay ti panagtungpal kadagiti bilin ti Dios? Apay a masingatayo kadagiti bilin ti Dios—wenno panagbabawi, para iti dayta a banag? … Ngarud, ti panagtungpaltayo kadagiti bilin ti Dios ket agbalin a kadawyan a bunga ti awan patinggana nga ayat ken panagyamantayo iti kinasayaat ti Dios. Daytoy a kita ti pudno nga ayat ken panagyaman ket namilagruan nga ikaduananto dagiti aramidtayo iti parabur ti Dios” (“The Gift of Grace,” 109).

Panangpadur-as iti Panangisurotayo

Naparegta ti awagmo. Kas maysa a mannursuro, inawagannaka ti Apo a mangbendision kadagiti annakna. Kayat ti Apo nga agballigika, tapno iti kasta no agbiagka a maikari iti tulongna, itednanto kenka ti paltiing a kalikagumam a gun-oden. (Kitaen iti Panangisuro iti Wagas ti Mangisalakan, 5.)