Jesucristo

Septiembre 11–17

2 Taga Corinto 1–7

“Makikappiakayo iti Dios”

Bayat ti panangbasam iti 2 Taga Corinto 1–7 itoy a lawas, panunotem maipapan kadagiti masinunuo a miembro ti klase—dagitay umay iti klase ken dagitay saan nga umay. Kasano a mabendisionan ida dagiti pagbatayan kadagitoy a kapitulo?

icon iti panagbibinninglay

Yawis ti Panagbibinninglay

Makaited pagsayaatan kadagiti miembro ti klase iti panagdengngeg kadagiti kapanunotan manipud iti tunggal maysa no kasano a pagbalinenda a nasamay ti panagadalda iti nasantuan a kasuratan. Masansan a mangted iti sumagmamano a minuto para iti daytoy.

icon iti panangisuro

Isuro ti Doktrina

2 Taga Corinto 1:3–7; 4:6–10, 17–18; 7:4–7

Mabalin a bendision dagiti pannuboktayo.

• Dagiti padas nga inladawan ni Pablo ken ti balakad nga intedna iti 2 Taga Corinto ket makatulong kadagiti miembro ti klase nga agpanunot maipapan kadagiti bendision a mabalin a sumangbay manipud kadagiti pannubokda. Tapno mairugi ti panaglilinnawag, mabalinmo nga idawat iti maysa a miembro ti klase nga umay a nakasagana nga agsarita maipapan no kasano a pinaraburan ti pannubok iti biagna wenno no ania ti nasursurona manipud iti maysa a tao a nakaibtur iti pannubok. Kalpasanna mabalinmo nga ikkan dagiti miembro ti klase iti sumagmamano a minuto a mangrebyu iti 2 Taga Corinto 1:3–7; 4:6–10, 17–18; ken 7:4–7, a mangsapsapul no ania ti insuro ni Pablo maipapan kadagiti panggep ken bendision dagiti pannubok. Paibinglay kadagiti miembro ti klase no ania ti nasarakanda. Mabalinmo nga isingasing a basaenda iti napigsa ti bersikulo a nakasarakanda iti naipangruna a pannursuro ket kalpasanna mangibinglay iti maysa a padas wenno pammaneknek a mainaig iti dayta a pannursuro.

• Tapno mangnayon iti panaglilinnawag, ibilangmo ti aggigiddan a panangkanta kadagiti paggugusto a himno dagiti miembro ti klase a mangipaneknek maipapan iti liwliwa ken dagiti bendision nga idiaya ti Nailangitan nga Ama ken ti Mangisalakan iti panawen ti pannubok kas iti “How Firm a Foundation” (Hymns, no. 85). Kalpasan ti aggigiddan a panagkanta, mabalinmo nga awisen dagiti miembro ti klase a mangsapul iti maysa a ragup dagiti balikas iti 2 Taga Corinto 1 ken 4 a mariknada a mayannatup iti mensahe ti himno.

2 Taga Corinto 2:5–11

Maysa a bendision ti panagpakawan nga agpada a maipaay ken maawattayo.

• Addaantayo amin iti padpadas idi “pinagleddaang[natayo]” ken ti pamiliatayo ti maysa a tao (bersikulo 5). Nalabit a mabalin a sukisoken dagiti miembro ti klase ti 2 Taga Corinto 2:5–11, a mangsapsapul iti balakad manipud ken ni Pablo maipapan iti no kasano a tratuentayo iti maysa a tao a nangpasakit kadatayo. Ibilang ti panangawis kadagiti miembro ti klase a mangrebyu iti Mateo 5:43–48 ken Lucas 15:11–32 tapno ad-adda pay a masursuro no kasano a tratuentayo iti maysa a tao a nangpasakit kadatayo. Kasano a madangrantayo ti bagbagitayo ken dagiti dadduma no pilientayo ti saan a mamakawan?

2 Taga Corinto 5:14–21

Babaen ti Pannubbot ni Jesucristo, mabalintayo ti makikappia iti Dios.

• Adu a tao ti umay iti simbaan nga addaan iti tarigagay a makarikna nga as-asidegda iti Dios, ken ti panangilawlawag iti 2 Taga Corinto 5:14–21 ket makatulong kadakuada. Tapno mangrugi, mabalin a sukisoken dagiti miembro ti klase ti kayat a sawen ti balikas a makikappia, nalabit a mangrugi babaen ti panangsarak iti balikas iti maysa a diksionario. Ania dagiti nalawag a pannakaammo ken pannakaawat [insights] nga ited daytoy maipapan iti pannakikapia iti Dios? Ania dagiti mainayon a nalawag a pannakaammo ken pannakaawat [insights] a magun-odtayo manipud iti nailanad a “Pannubbot” iti Pangiwanwan iti Nasantuan a Kasuratan? Kasano a makatulong kadatayo dagitoy a nalawag a pannakaammo ken pannakaawat [insights] tapno maawatantayo ti 2 Taga Corinto 5:14–21? Mabalin a kayatmo nga awisen dagiti miembro ti klase a mangiburay kadagiti riknada maipapan iti Mangisalakan, a ti Pannubbotna ti mangaramid a mabalin kadatayo ti makitipon manen iti Dios.

2 Taga Corinto 7:8–11

Mangiturong iti panagbabawi ti nadiosan a panagladingit.

• 2 Taga Corinto 7:8–11 ket mangted iti makatulong a palawag maipapan iti panagladingit a mayannurot iti Dios ken iti akem daytoy iti panagbabawi. Ania ti masursurotayo maipapan iti panagladingit manipud iti 2 Taga Corinto 7:8–11 ken dagiti balikas ni Presidente Dieter F. Uchtdorf iti “Dagiti Nainayon a Resources”? Apay a kasapulan iti panagbabawi ti panagladingit a mayannurot iti Dios?

• Mabalin a maawis ti riknam tapno mangyallukoy iti nasaksaknap a panangilawlawag maipapan iti panagbabawi. No kasta, mabalinmo a padasen ti kastoy: Isuratmo iti pisarra ti Ti panagbabawi ket . Idawatmo kadagiti miembro ti klase a mangsarak kadagiti wagas a mangileppas iti daytoy a ragup ti balikas, nga us-usarenda dagiti banag a masursuroda manipud iti 2 Taga Corinto 7:8–11; kasta met a manipud kadagiti nasantuan a kasuratan ken dadduma pay a resources a masarakan iti Topiko ti Ebanghelio [Gospel Topics] “Repentance” (topics.ChurchofJesusChrist.org). Kasano a mausartayo dagitoy a pannursuro a makatulong a mangipaawat iti maysa a tao no kasano ti sipupudno nga agbabawi?

resources icon

Dagiti Nainayon a Resources 

Ti panagladingit a mayannurot iti Dios ket mangparegta iti panagbalbaliw ken namnama.

Inlawlawag ni Presidente Dieter F. Uchtdorf:

“Tipanagladingit a mayannurot iti Dios ket mangparegta iti panagbalbaliw ken namnama babaen ti Pannubbot ni Jesucristo. Tipanagladingit a mayannurot iti lubong ket mangupay kadatayo, pukawenna ti namnamatayo, ket guyugoyennatayo nga agpasulisog iti ad-adu pay.

“Tipanagladingit a mayannurot iti Dios ket mangiturong iti kumbersion ken panagbalbaliw iti puso. Daytoy ti mangigapu kadatayo tapno gumura iti basol ken agayat iti kinaimbag. Allukoyennatayo a tumakder ken magna iti silaw ti ayat ni Cristo. Ti pudno a panagbabawi ket maipapan iti panangbalbaliw wenno transpormasion, saan a pammarparigat wenno pannakaidadanes” (“You Can Do It Now!,” Liahona, Nob. 2013, 56).”

Panangpadur-as iti Panangisurotayo

Iramanmo dagiti mangikarkarigatan nga agbalbaliw. No dadduma kasapulan laeng dagiti mangikarkarigatan a miembro ti klase a maibilangda ken mariknada a maipatpategda. Ibilangmo ti panangted kadakuada iti naituding nga aramiden a makiraman iti umay nga adalen. Saanka a sumuko no saanda a sumungsungbat kadagiti panagkagumaam iti damo. (Kitaen iti Panangisuro iti Wagas ti Mangisalakan, 8–9.)